1 SAMUEL 5:6 - KITAB NU TUMPU ALLA LELE MA'IMAI'

⁶ Lapas aijo' Tumpu nohukummo mian anu jojoong i Asdod tiba daerahnyo iwi-iwi', butong nu aha singkapmo binisulon.

1 SAMUEL 5:6 ပူးပေါင်းရင်းမြစ်များ

AYUB 31:3

Balaa' ka' kalugi'an tionyo ahi' Nupotokamo mae hi mian anu nombaumo kalakuan anu ma'idek!

MAZMUR 145:20

Ia monjagai batu-batu mian anu mongka'ima'i, panyo anu ma'idek na kinyonyoa-Nyo nu patei.

MAZMUR 147:6

Ia mohangkat mian anu pinosakisamo panyo mian anu ma'idek na kinyonyoanyo Nu lumbu'akonmo i tano'.

MAZMUR 32:4

Sinaa tiba pihi Belento mompeedakon mae aku, o Tumpu hosonku ku oa'i ningkotmo sumomo ahi' anu sinosopmo nu singit anu mapengges hondo

MAZMUR 78:66

Ia nompahampateakonmo anu nongewamo ia sahingga nopalaimo na aha ka' nompatundu'mo aha sampe toka sidu-sidutu'.

NOSABATMO 9:3

Ku potokamo mae na panyakit anu daka' hondo mongkona iwi-iwi' na binatang potuu'on nu belemiu, ajahan, keledai, unta, sapi', domba ka' mee' nu belemiu.

SISIKON NU TO RASUL-RASUL 13:11

Uuka aiya toa, Tumpu mohukummo beleyum! Beleyum timbali mapisok, sampe beleyum to pia-pian sinaa madi' moko ala montoa jingka nu sinaa.” Tempo'mo aitu na i Elimas nongoa'i daagi' ko seehu' anu mo'itom mohuhubi matanyo, sahingga ia lumajang mahakawan molio mian da montaka' ia.

PO'ULE' INGULIT 28:27

Tumpu mohukumo belemiu nu to bisu-bisun susumo anu binau-Nyomo hi aha mian nu Mesir. Butong nu belemiu nukonamo nu sagala anu saja' minana' ka' kumahut anu mombalasi, panyo madi' ko pakuli'nyo.

1 SAMUEL 5:11

Kalana aijo' aha nolagamo iwi-iwi' na tomundo' nu aha mian Filistin da mogombu, lantas notatae, “Sule'akon na Peti' Palajanjian nu Tumpu Allah Israel aijo' i pinompo una'an momona da boli opatei na kita tiba to utu-utusto.” I songko-songko na kota' jinadimo na anu okabuhuk hondo kalana Tumpu Allah no hukumo anu jojoong i kiijo' ma'idek hondo.

1 SAMUEL 5:7

Salatan tinoa nu aha apaa na anu jinadimo hi aha aijo' notataemo na aha, “Tumpu Allah nu aha mian Israel nohukumo kita tiba pilogot Dagon. Kita madi' timbali mompojoong Peti' Palajanjian nu aha aiya hi kita lebe pin.”

1 SAMUEL 5:9

Panyo salatan Peti' aijo' tinokamo i kiijo', Tumpu nohukum mule' kota aijo', aijo'mo nombau mule' anu talalo hondo okabuhuk. Anu jojoong i kota aijo' mau anu daagi to ana-anak mau anu to tu'a-tu'anyomo kinonamo nu hukuman bisun i butong nu aha.