1 SAMUEL 5:10 - KITAB NU TUMPU ALLA LELE MA'IMAI'

¹⁰ Lantas Peti' Palajanjian aijo' binoamo i Ekron kota' sangga'at mule' nu aha mian Filistin. Salatan Peti' aijo' tinokamo i kiijo' anu jojoong i kiijo' lewa'mo, no loboo' aha notatae, “Peti' Palajanjian nu Tumpu Allah Israel aijo' binoamo mae no uuka da opateimo na kita iwi-iwi'.”

1 SAMUEL 5:10 ပူးပေါင်းရင်းမြစ်များ

2 SAMUEL 7:9

Aku saja'mo nonsangalui beleyum maumo pa' moyaya na beleyum, ka' sampo bali' nu beleyum iwi-iwi' singkapmo ihopu'an-Ku tempo'nyo beleyum nahampate. Beleyum Kupotimbalimo mian anu talasanggo susumo mian anu talasanggo i dunia aiya.

2 TOMU-TOMUNDO' 1:2

Daagi' kino sansinaan i Tomundo' Ahazia anu nolengkat mae i Israel nanabu'mo aita' mae i salipi' nu laigan nu tomundo' anu kajo-kajojoongannyo kiijo' i Samaria, lantas ia binelaonmo talalo daka' hondo. Sahingga ia nonsaimo mian da'isan da mamba mompokilawa hi Baal-Zebub pilogot nu aha kota Ekron kiijo' i Filistin, pa' ia daagi' ma'alin kabai madi'mo.

AMOS 1:8

Mian anu jojoong ka' mongkuasai kota' Asdod ka' Askelon Ku alinimo. Kota' Ekron Ku hukumo ka' iwi-iwi' na tuha'nyo nu mian Filistin Ku hopu'imo.”

AMOS 6:2

Lako' mae toa kiijo' i Kalne lantas lajangmo ahi lau-laus mokiijo' i kota' Hamat anu daka' aijo', lapas aitu mokiijo'mo i kota' Gat i Filistin. Ponsangka nu belemiu kota' haha aijo' lebe ma'ima' molingkudui kalaja'an Yehuda tiba Israel? Apaa daerah nu aha lebe daka' molingkudui daerah nu belemiu?

YOSUA 13:3

ka' iwi-iwi' na da'erah nu Awi mompatui sasu selatan. (Da'erah nu Kaunyo Sikhor i potempasan tiba Mesir toka-toka i potempasan tiba Ekron i sasu utara, iwi-iwi' aijo' minsoop da'erah bansa nu Kana'an; ka' aha tomundo nu Filistin jinojoong i Gaza, Asdod, Askelon, Gat, ka' Ekron.)

YOSUA 15:11

Lengkat mae i Timna potempasan aijo' nambamo nokiijo' nompanjolongimo sasu utara Bungkutnyo nu Ekron, lantas noselemo nokiijo'mo nongahopimo Sikron, monsahak Bungkutnyo nu Baala i lau-laus mokiijo'mo i Yabneel, lantas puusnyo i ambai anu i Totonga'nyo,

YOSUA 15:45

Ka' suele Ekron tibamo kota anu toto ise-ise' tiba kampu-kampungnyo.

TO MIA-MIAN KOPIAN 1:18

Tumpu nontulungimo aha mian nu Yehuda sahingga aha noko alamo nompatundu' da'erah anu i bungkutnyo. Panyo aha madi' noko ala nompatundu' Gaza, Askelon kabai Ekron, tiba da'erahnyo iwi-iwi' anu ikiijo', kalana bansa haha aijo' jojoong iwi-iwi' i sonibi nu bone' ko kareta bau pahampate besak na binau; kalana aijo' aha mian nu Yehuda madi' noko ala nolaa' aha.

1 SAMUEL 17:52

Aha mian nu Israel haha aijo' tiba aha mian nu Yehuda lewa'mo nolo ais ka' nololoi'mo mian nu Filistin haha aijo' tinoka-toka i Gat ka' sabatan anu kiijo' i Ekron. Mian nu Filistin haha aijo' anu pinahantabasakonmo kahomo paha-paha bandang i jalan mamba mokiijo' i Saaraim!

1 SAMUEL 5:11

Kalana aijo' aha nolagamo iwi-iwi' na tomundo' nu aha mian Filistin da mogombu, lantas notatae, “Sule'akon na Peti' Palajanjian nu Tumpu Allah Israel aijo' i pinompo una'an momona da boli opatei na kita tiba to utu-utusto.” I songko-songko na kota' jinadimo na anu okabuhuk hondo kalana Tumpu Allah no hukumo anu jojoong i kiijo' ma'idek hondo.

1 SAMUEL 5:9

Panyo salatan Peti' aijo' tinokamo i kiijo', Tumpu nohukum mule' kota aijo', aijo'mo nombau mule' anu talalo hondo okabuhuk. Anu jojoong i kota aijo' mau anu daagi to ana-anak mau anu to tu'a-tu'anyomo kinonamo nu hukuman bisun i butong nu aha.

1 SAMUEL 6:1

Salatan Peti' Palajanjian nu Tumpu popitu'mo na bitu'on na kinopinnyo kiijo' i Filistin,