1 SAMUEL 4:4 - KITAB NU TUMPU ALLA LELE MA'IMAI'

⁴ Lantas aha nonsaimo mian namba i Silo mongala Peti' Palajanjian nu Tumpu, anu salaku kajojoongan nu Tumpu Anu Daka' na kuasanyo. Anak i Eli ua-ua aha, i Hofni tiba i Pinehas na nontuntuni mae Peti' Palajanjian aijo'.

1 SAMUEL 4:4 ပူးပေါင်းရင်းမြစ်များ

2 SAMUEL 15:24

I Imam Zadok tiba i Imam Abyatar suele batu-batuk tiba aha mian nu Lewi anu momboa Peti' Palajanjian nu Tumpu. Peti' Palajanjian nu Tumpu aijo' daagi koko-koko, ka' ma'isa timbali ohangkat de ma'isa pe'e mian da'isan iwi-iwi' mompala'imo kota aijo'.

2 SAMUEL 6:2

Aha binoanyomo i Baale-Yehuda da mongala mae kiijo' Peti Palajanjian anu osa-osanggohi Tumpu Daka' hondo na kuasanyo anu naninsuhang aita hi to mala-malaikat.

2 TOMU-TOMUNDO' 19:15

lantas binalado'amo, ia notatae, “Tumpu, Tumpu Allah Israel anu jojoong kiita' i suluga', Belentomo na sa'a-sa'angu'nyo anu mongkuasai silina na kalaja'an i dunia aiya. Belentomo na anu mompodaagi' langit tiba tano' aiya.

MAZMUR 80:1

Anu mongkapalai panyanyi. Ingala i lagu nu nyanyian: Bunga Bakung. Mazmur mongkona han anu sinakisianmo i Asaf.

MAZMUR 80:2

O, Polaya' nu Israel, potombihingakon mae, Belento na nolaya'mo lee' i Yusuf susumo potu'on, sanggombu. Belento na anu sinumuhangmo aita' i malaekat, tinokamo mae, na'ima'mo hondo na tinoa, hi ahop i Efraim, Benyamin tiba hi Manasye.

MAZMUR 99:1

Tumpu aijo'mo na Tomundo'; to bansa-bansa langkakatan. Ia sumuhang aita' i to mala-malaekat, dunia gayu'an.

YESAYA 37:16

“O, Tumpu Anu Daka' na Kuasanyo, Tumpu anu mongkuasai iwi-iwi' na kalaja'an idunia aiya.

MALEAKHI 1:9

Uuka aiya, o, to ima-imam, soba pongkakase hi Tumpu da pa' Ia mongkalibosi mae kita. Ia madi' montaami mae do'a nu belemiu ka' aijo' posi kasala'an nu belemiu.

NOMBILANGMO 4:15

Tumpu notataemo hi Musa ka' hi Harun, “De belemiu montatakimo kemah, i Harun ka' to ana-anaknyo tionyo ahi' minsoopmo i uno nu Kemah-Ku, ka' mongkukubi iwi-iwi' pakakas ka' talakonannyo anu ikiijo'. Lapasje na aijo', to mia-mian nu Kehat timbalije toka da monsimbumo. Panyo aha madi' timbali montoa, mongohani, kabai monsala' kanyang balang haha aijo', kalana binee'mo na aijo' samata-mata hi beleng-Ku. De aha sabole-bole ahi' mombau, aha matemo. Jadi da to mia-mian nu aha Kehat aijo' boli molapus i tulunan nu bansa Lewi, i Harun ka' to ana-anaknyo tionyo ahi' mombee'i kalaja toto samian hi aha apaa na anu tionyo ahi' nuboa nu aha. Aijo'mo na pakalaja'an nu aha mian Kehat, de Kemah-Ku olalinmo. I Eleazar, anak i Harun na mongkalesang iwi-iwi' i Kemah-Ku, lanya' nu sulu', kamangian, gandum anu okolobanakon bau, koloban kaanon, lanya' anu opake monsombah ka' iwi-iwi' na anu i uno nu Kemah-Ku aijo'.”

NOMBILANGMO 4:5

Tumpu nombee'mo atulan haha aiya hi Musa: De tokamo i tempo'nyo montatakimo Kemah, i Harun ka' to ana-anaknyo tionyo ahi' minsoop i Kemah nu Tumpu mongalini lalanse' i ahop nu Peti' Palajanjian ka' mongkukubi Peti' aijo' nu hude aijo'.

NOMBILANGMO 7:89

De i Musa minsoopmo i Kemah nu Tumpu da basisikmo tiba Tumpu, ia mohongomo potatae nu Tumpu anu montaloakon hi ia lengkat mae aita' i kolop nu Peti' Palajanjian i olotnyo nu patong nu malaekat.

1 SAMUEL 1:24

Salatan i Samuel madi'mo nonsusu ia binoamo nu tinanyo i Laigan nu Tumpu kiijo' mae i Silo. Tempo'nyo aitu ia daagi ise'hondo. I Hana nomboa suele sa'angu' na sapi' lakinyo anu totolu'mo na taun na umunnyo, gandum sampulu' na kilogram, ka' sa'angu' na botutu kilit na binau anu ingisianmo pinobuke nu anggur.

1 SAMUEL 14:3

Imam anu nomboa baju' nu imam aijo'mo i Ahiya anak i Ahitub, utus ise' i Ikabod anak i Pinehas, ka' i Pinehas anak i Eli, imam nu Tumpu kiijo' i Silo.) Mian da'isan suele madi' monsumbu' i Yonatan taalu' nambamo nompala'i tampat i kiijo'.

1 SAMUEL 2:22

I Eli ilangki'mo hondo. Ia saja'mo nohongo mian anu mompoto'i kalakuan nu to ana-anaknyo apaa na anu lewa' nu bau nu aha hi aha mian nu Israel. I Eli suele nonsumbu'mo to ana-anaknyo haha aijo' male' tiba to bou-boune anu mokalaja i ahop nu sabatan nu kemah nu Tumpu.