1 SAMUEL 4:18 - KITAB NU TUMPU ALLA LELE MA'IMAI'

¹⁸ Salatan pinoto'imo nu mian aijo' na Peti' Palajanjian aijo' i Eli tinombahangkangmo aijo' suha-suhang i kadelanyo anu aijo' sasu sabatan daka' nu kota'. Ia ilangkai'mo ka' nolompo'mo hondo sahingga salatan tinombahangkangmo aijo' gogohongnyo nopato'mo ka' sinilakamo na ia. Ia nompalentah Israel pinatompulu' na taun na kinopinnyo.

1 SAMUEL 4:18 ပူးပေါင်းရင်းမြစ်များ

MAZMUR 26:8

Aku mongka'ima'i hondo Laigan nu Belento, o Tumpu, tampat kajojoongan nu Belento anu talalo hondo talasanggo.

MAZMUR 42:10

Aku notataemo hi Tumpu anu nontinjohimo mae aku, “Kadaka' Belento nongkolilimimo mae aku? Kadaka' aku me saja' mongoa'i sansala, kalana talalomo ahi' na pombau mae nu aha anu monsampobali' aku?”

MAZMUR 42:3

Aku mongindimo Tumpu anu tumuu' pa' hipianje na aku mamba monsombah i Laigan-Nyo?

MAZMUR 69:9

Aku sumomo mian anu isalipu'anmo, misa'mo sumo utus nu to utu-utusku, sumomo mian anu isambiha'nyomo, misa'mo sumo to utu-utusku anu tu'a, tiba utusku anu ise'nyo.

IMAMAT 10:3

Lantas i Musa notataemo hi Harun, “Aijo'mo na anu kokoonyo nu Tumpu tempo'nyo Ia notatae, 'Iwi-iwi' na anu mombau apaa na anu Ku poto'i tionyo ahi' mongadati kasusi'an-Ku. Aku mompotoamo katalasanggoan-Ku hi aha iwi-iwi' bansang-Ku.' ” Panyo i Harun ola nomohokot.

TO MIA-MIAN KOPIAN 15:20

Uampulu' na taun na kinopinnyo na i Simson tinimbali polaya' nu aha mian Israel tempo'nyo aha kinuasanmo nu mian Filistin.

1 SAMUEL 4:13

I Eli anu talalomo hondo binata-bata na mompotutugakon kasalamatan nu Peti' Palajanjian nu Tumpu hau-haunyo suha-suhang i kadela anu kiijo' isohipi' nu jalan lewa' mompopikilakon. Salatan mian aijo' nonsisikmo lele, Israel nahungku'mo iwi-iwi' na anu jojoong i kota lewa'mo no haangi ka' nontando'i.

1 SAMUEL 4:17

Anu nomboa mae lele aijo' nontaami, “Israel nopalaimo kalana nahungku'mo hi aha mian Filistin. Kita nahungku'mo totu-totu'u manjoo'mo na mian sinilaka, ka' suele ua-ua aha na anak nu belento Tuuma, i Hofni tiba i Pinehas. Ka' Peti' Palajanjian nu Tumpu Allah suele ingagoanmo nu aha sampo bali'!”

1 SAMUEL 4:19

Tempo'nyo aijo' monian i Eli aijo'mo bengkele' i Pinehas naboatmo na butong malia'mo hampe, ka' kahampeannyo aijo' memang malia'mo. Salatan ihongonyo na Peti' Palajanjian nu Tumpu Allah ingagoanmo ka' moniannyo i Eli tiba langkai'nyo i Pinehas sinilakamo monti-montiik ia nongka oa'imo lantas madi'pinin ihampemo.