1 SAMUEL 4:12 - KITAB NU TUMPU ALLA LELE MA'IMAI'

¹² Samian na tulunan mae nu bansa Benyamin anu nahampate nopadeka'mo namba i Silo ka' sinaamo aijo' na ia tinoka ikiijo'. Salaku tanda ko anumo sinilaka binea-beaknyomo na baju'nyo ka' pino anuannyomo tano' na ubaknyo.

1 SAMUEL 4:12 ပူးပေါင်းရင်းမြစ်များ

2 SAMUEL 1:2

Dodododopnyo tinokamo na olitau samian anu lengkat mae i binakemah'an i Saul. Salaku tanda sinusa'mo kalana ko anumo sinilaka baju'nyo binea-beaknyomo ka' pino una'annyomo tano' aita i ubaknyo. Ia nambamo hi Daud ka' toka tinolodadupu i ahopnyo nonsombah ia.

2 SAMUEL 13:19

Lantas ingabu'anmo i Tamar na ubaknyo, binea-beaknyomo na juba'nyo ka' nambamo, ka' ohupnyo kinukubannyomo nu limanyo ohu-ohua' ka' i humaangmo noli-nolibos.

2 SAMUEL 15:32

Salatan i Daud tinokamo aita mae i bawo nu puge'nyo itampat anu saja' ponsomban nu mian Tumpu ia ilalabotmo nu sangalunyo anu mompahasumbu' hondo, aijo'mo i Husai mian nu Arki. Baju' i Husai nobeakmo ka' ubaknyo kinakambuhannyomo nu abu'.

NEHEMIA 9:1

Itanggan kino uampulu'nyomo ka' opat bitu'onmo ai-aijo' mian da'isan nu aha Israel sinihukmo. Aha binapuasa'mo salaku tanda aha nompele-pele'mo i dosa' nu aha. Aha madi'mo naninggalo' tiba to mia-mian sangga'at anu isalipu'an mae. Salaku bau pontoan taalu' aha sinusa'mo, aha nompusokmo kalung ka' nongkakambuhakonmo abu' nu tano' aita' i ubak nu aha. Lapas aijo' aha tinuminjomo ka' nongakuimo dosa' nu aha iwi-iwi' tiba dosa' nu mompolee' nu aha.

AYUB 2:12

Panyo daagi' mae jo'o-jo'on na aha nontoa, kinoboli' madi'mo sinumbu' nu aha na ia. Aha singkapmo i humang ka' nolokihis ka' binea-beakmo nu aha na baju' nu aha ka' nonsagakonmo abu' nokiita' i langa ka' aita' i ubak nu aha.

YEREMIA 26:6

Panyo de belemiu tataap panggaga, laigan anu bau ponsomban aiya Ku pojadimo susumo Silo, sahingga sinin na bansa idunia aiya mompakemo sanggo nu kota' Yerusalem aiya salaku bau pongkutuki.”

YEHEZKIEL 24:26

Toka isinaa aijo' Ku baumo na han aijo', ka' samian na anu moko ala mopalai da madi' silaka tokamo mae, ka' mompoto'imo lele aijo' hi beleyum.

YEHEZKIEL 27:30

Aha nohangimo uki' nu beleyum nososonmo ka' ihumangmo kalana nolibosmo. Aha nongkakambuhakonmo abu' i ubak nu aha ka' nale'mo i abu' salaku tanda ko anumo sinilaka.

YOSUA 7:6

I Yosua ka' to pola-polaya' nu aha mian Israel sinusa'mo hondo na kinyonyoa sahingga binea-beakmo nu aha na baju' nu aha ka' sinansinaa tinoka sampe nalom na aha tinolodadupu i ahop nu Peti' Palajanjian nu Tumpu ka' nongkakambuhakonmo abu' i ubak nu aha salaku tanda sinusa'mo hondo na kinyonyoa.