1 SAMUEL 31:8 - KITAB NU TUMPU ALLA LELE MA'IMAI'

⁸ Dodododopnyo aha mian nu Filistin nambamo nontoa pa' ko anu opahuhuakon hi mian anu sinilakamo haha kiijo', ihumpak nu aha na bangke' i Saul tiba aha totolu' na anaknyo anu to momo'ane sinilakamo i bungkutnyo nu Gilboa.

1 SAMUEL 31:8 ပူးပေါင်းရင်းမြစ်များ

2 SAMUEL 1:20

O'amalakon da mian nu aha Gat boli nohongo mae lele haha aijo'. O'amalakon da jalan toto ise-ise' kiijo' i Askelon madi' nohumpak lele aijo'. Dumo boune nu aha Filistin lewa'mo bilahi, dumo boune nu aha mian halipulu talalomo mongaisakon kalame'an.

2 SAMUEL 1:21

O to bungku-bungkutnyo haha aita' i Gilboa hongo mae na potataengku: Boli ko dondu'ok ka' ujan mohumpisi belemiu! Pojohok da manggas ka' mateges na ale' nu belemiu tiba padang nu belemiu. Kalana kiita'mo mae na pinanintimpasan nu kanta nu mian anu baani hondo. Ka' kanta i Saul mule' ingatakonmo madi'mo ilanya'an.

1 TAWARIKH 10:8

Dodododopnyo salatan aha mian nu Filistin tinokamo kahanda mompahuhuakon apaa na anu daagi' hi to mia-mian anu sinilakamo, sinahakmo nu aha na i Saul tiba anaknyo anu to momo'ane aha totolu' sinilakamo i bungkutnyo nu Gilboa.

2 TAWARIKH 20:25

Sahingga i Yosafat tiba to sulu-suludadunyo nambamo nompahuhuakon to bala-balang nu sampo bali'. Aha nohumpak manjoo' hondo na potu'on, talakonan, pakean, ka' to bala-balang sangga'at anu nahan na olinyo. Tinolunsinaamo na aha nontoluki balang haha aijo', panyo daagi' ahi' ko to bala-balang sangga'at anu ma'isa pinoko tolukan, sahingga pinala'ianmo nu aha.

1 SAMUEL 28:4

Sahingga salatan suludadu nu aha Filistin sinihukmo ka' binakemahmo koko kota' Sunem, i Saul suele nomposihukmo aha mian nu Israel ka' binakemahmo i Bungkutnyo nu Gilboa.

1 SAMUEL 31:7

Salatan aha mian nu Israel haha aijo' anu jojoong i santoa nu Bangka'nyo Yizreel tiba anu i sasu kabete'an Kaunyo nu Yordan nohongomo taalu' suludadu nu Israel nopalaimo ka' taalu i Saul tiba to ana-anaknyo anu toto momo'ane sinilakamo, aha nopalaimo nompala'imo kota' nu aha haha aijo'. Lantas jinojoonganmo nu aha mian Filistin na kota' haha aijo'.

1 SAMUEL 31:9

Pinolo nu aha na ubaknyo i Saul ka' ingala nu aha na baju'nyo anu pinusoknyo nahampate lantas aha mian nu Filistin nonsaimo mian da mamba hi lipu' nu aha Filistin songko-songko mompoto'i lele ma'ima' aijo' hi aha mian da isan ka' hi pilogot nu aha.