1 SAMUEL 31:7 - KITAB NU TUMPU ALLA LELE MA'IMAI'

⁷ Salatan aha mian nu Israel haha aijo' anu jojoong i santoa nu Bangka'nyo Yizreel tiba anu i sasu kabete'an Kaunyo nu Yordan nohongomo taalu' suludadu nu Israel nopalaimo ka' taalu i Saul tiba to ana-anaknyo anu toto momo'ane sinilakamo, aha nopalaimo nompala'imo kota' nu aha haha aijo'. Lantas jinojoonganmo nu aha mian Filistin na kota' haha aijo'.

1 SAMUEL 31:7 ပူးပေါင်းရင်းမြစ်များ

IMAMAT 26:32

Lipu' nu belemiu Ku ideimo ingko-ingkot sahingga sampobali' nu belemiu anu nonjojoongimo kiijo' tolokengkengmo na montoa anu ingideanmo hondo aijo'.

IMAMAT 26:36

Bubuu' belemiu anu kiijo' mae i lipu' sangga'at anu pinomboan ka' pinompojoongan belemiu Ku bauje da aha talalo mabuhuk, sahingga mau ola kiakas nu hon nu kau' anu nupuhi nu mombun okabuhukmo sahingga aha mopalaimo. Belemiu mopalaimo sumomo ko anu nololoi'i unonu pahampatean, lantas tombahangkangmo maumo madi' ko sampobali' nu belemiu koko atina' hi belemiu.

PO'ULE' INGULIT 28:33

Bansa anu lengkat mae i salipu'an na mongala isi nu ale' iwi-iwi' anu i humpak i lawe nu pakalaja'an miu. Panyo belemiu madi' nohumpak apa-apaa ola mule' ahi' kasansala'an anu ma'idek hondo na i humpak.

TO MIA-MIAN KOPIAN 6:2

Mian nu Israel nabuhukmo hondo hi aha mian nu Midian, sahingga aha lewa'mo natisuluk i liang ka' i tampat sangga'at anu madi' ko anu mompoposia i bungkutnyo.

1 SAMUEL 13:6

Lapas aijo' aha nontumbuhimo ma'i-ma'idek mian nu Israel sahingga mian nu Israel i nabuhukmo hondo, madi'mo noko ala nombau apa-apaa. Kanjoo'annyo na aha mian nu Israel natisulukmo i liang nu batu tiba iliang nu bungkutnyo kabai i olot nu batu gahanggan kabai i uno nu bubung ka' bolo' nu tano',

1 SAMUEL 13:7

ka' mule' daagi ko anu notaapmo i kaunyo nu Yordan ka' nambamo i daerah nu aha Gad tiba Gilead. I Saul daagi kiijo' mae i Gilgal ka' mian da'isan anu nombatuki ia nabuhukmo ka' ilakatnyomo.

1 SAMUEL 31:6

Sumo aijo' na i Saul tiba aha totolu' na anaknyo anu toto momo'ane tiba iwi-iwi' na suludadunyo tiba olitau aijo' sinilaka i sinaamo ai-aitu.

1 SAMUEL 31:8

Dodododopnyo aha mian nu Filistin nambamo nontoa pa' ko anu opahuhuakon hi mian anu sinilakamo haha kiijo', ihumpak nu aha na bangke' i Saul tiba aha totolu' na anaknyo anu to momo'ane sinilakamo i bungkutnyo nu Gilboa.