1 SAMUEL 31:13 - KITAB NU TUMPU ALLA LELE MA'IMAI'

¹³ Iwi-iwi' na bukunyo pinolimu' nu aha ka' ilamun nu aha ipatuu nu kau' tamariska anu kiijo' i kota' aijo', lapas aijo' aha binapuasa'mo pinitunsinaa na kinopinnyo.

1 SAMUEL 31:13 ပူးပေါင်းရင်းမြစ်များ

KAJADIAN 35:8

Ikiijo' mae suele i Debora, boune anu mongkalesang i Ribka, sinilakamo lantas i lamunmo i patu nu kau' daka' aijo' sasu salatan kota aijo'. Mokonyo aijo' kau' aijo' sinanggoahanmo “Kau' Pinohangian.”

KAJADIAN 50:10

Salatan aha tinokamo i tampat nu mian anu mongutut gandum kiijo' i Goren-Haatad, i sasu kabete'an Kaunyo nu Yordan, aha nontando'imo kalana nolibosmo hondo. I Yusuf nombaumo adat toonnyo nu mian silakamo, pinitun sinaa na kinopinnyo.

2 SAMUEL 1:12

Aha nohangimo ka' nontoongimo adatnyo susumo biasa obau de ko anumo silaka ka' mule' binapuasa'mo sampe i nalom, monginau' i Saul tiba i Yonatan ka' mule' monginau aha mian da'isan Israel mian anu pinalesayamo hi Tumpu kalana nanjoo'mo hondo na anu sinilaka nahampate aijo'.

2 SAMUEL 11:26

Salatan i Batsyeba nohongo taalu' langkai'nyo sinilakamo, ia lewa'mo nondoso'akon adatnyo nu tomate.

YOHANES 11:19

Da'isan na mian nu Yahudi tinoka hi Marta ka' hi Maria mongindeko' aha, kalana utus nu aha sinilakamo.

1 SAMUEL 22:6

Daagi kino sansinaan i Saul hau-haunyo suha-suhang i patu nu kau' tamariska anu aita i bungkutnyo nu Gibea; talombo'nyo tinoongannyo, ka' iwi-iwi' na kapala nu suludadunyo paha-paha tinjo montikubi ia. Salatan ihongonyomo na najojoongan i Daud tiba to sulu-suludadunyo sinumbu'nyomo,