1 SAMUEL 30:22 - KITAB NU TUMPU ALLA LELE MA'IMAI'

²² Panyo aha to sulu-suludadu i Daud anu namba hingga-hinggat tiba ia, daagi ko anu ma'idek na kinyonyoanyo ka' mule' pangalu'. Aha notatae, “Mian haha aiya madi' namba nombatuki; jadi aha madi' ko hak mohumpak apa-apaana balang anu pinahuhuakon mae aijo'. Aha ola timbali mongala bengkele' tiba to ana-anak nu aha, lapas aijo' mambamo.”

1 SAMUEL 30:22 ပူးပေါင်းရင်းမြစ်များ

1 TOMU-TOMUNDO' 21:10

Pokau na mian anu uwesan Ua'aha sumuhang mompaha ahop tiba ia ka' montuuk i Nabot au' aitu ia nontotobi'akonmo Tumpu Allah tiba tomundo'. Lantas boa na aha i sambiha' nu kota' ka' pahambunu'akon nu batu sampe mate!”

1 TOMU-TOMUNDO' 21:13

Mian anu uwesan ua'aha aijo' sinumuhangmo mompaha ahop i Nabot, ka' i ahop nu mian da'isan aha nontuukmo ia au' aitu ia nontotobi'akonmo Tumpu Allah tiba tomundo'. Kalana aijo' ia sinabatakonmo i kota' ka' pinahambunu'akonmo nu batu sampe ia nate.

MATIUS 7:12

O bau na mian sangga'at sumo apaa na anu oka'ima'i nu bau nu aha hi komiu. Aijo'mo na batunyo nu atulan i Musa, ka' pangajalan nu to nabi-nabi.”

PO'ULE' INGULIT 13:13

daagi' ko to pia-piangkuka na mian anu ma'idek itina' i bansa nu belemiu anu nonsaduakonmo da pinonga' na mian nu kota binapikin sahingga nonsombahmo to pilo-pilogot anu madi' osumbu' nu belemiu.

TO MIA-MIAN KOPIAN 19:22

Hau-haunyo aha kiijo' balasanang-sanang, monti-montiik laigan aijo' tinumbuhanmo nu aha to mia-mian anu madi' talakana' i kota aijo'. I lengku-lengkutmo nu aha na tumban ka' notatae hi tu'anyo aijo', “Bee' mae hi kami na mo'ane itina' anu pinosoopmo nu beleyum i laigannum da opasala'i mami na ia!”

1 SAMUEL 22:2

Tiba suele to mia-mian anu saja'mo osansala, ka' mian anu ko samaya'nyo anu pagalamo otage, ka' anu madi' sanang hi sangko manusia. Iwi-iwi' nosa'angu'mo hi Daud, ka' i Daudmo na binau polaya' nu aha. Konjoo'nyo nu aha mian anu nosangaja'mo tiba i Daud kila-kila aha 400 na mian.

1 SAMUEL 25:17

Kalana aijo', soba tutugi pe'e na han aijo' ka' tantukan apaa na anu nu bau nu belento Bengkele' i tomundo'. Kalana tokamo mae na balosnyo hi tuanto ka' hi sa'anakannyo iwi-iwi'. Tuanto madi' hondo mompajuli maumo pa' ihe sahingga i tuan madi' opoko ala o endei da basale'!”

1 SAMUEL 25:25

Bolimo kita Tuanku mompopikinakon i Nabal mian anu madi'mo kinokaliangannyo aijo'! Ia mian anu ponga' – pokakanamo susumo alati'nyo nu sanggonyo. Aku madi' nontoa to posa-posaihon anu sinai mae nu belento Tuanku.

1 SAMUEL 30:21

Lapas aijo' i Daud ninsusule'mo hi aha anu ua atu na mian anu nalawemo hondo anu madi'mo noko ala nombatuki ia ka' anu pinala iannyomo i sohipi' nu Kaunyo Besor. Aha nolalabotmo i Daud tiba to sulu-suludadunyo, ka' i Daud nongohanimo aha ka' nonsalando'aimo aha.

1 SAMUEL 30:23

Panyo tinaaman i Daud, “To utu-utusku, boli belemiu mombau sumo aijo' apaa na anu binee'mo nu Tumpu hi kita! Te misa' kita jinagaan-Nyomo ka' binee'an-Nyomo ka untungan nahampate nongewa aha anu saja' mombau anu ma'idek ka' anu lewa' montomang aijo'?