1 SAMUEL 30:20 - KITAB NU TUMPU ALLA LELE MA'IMAI'

²⁰ Ka' mule' i Daud suele nompahuhuakonmo iwi-iwi' na domba, ka' potuu'on nu aha. Binatang haha aijo' binoamo nu to sulu-suludadu i Daud namba momona, panyo balang sangga'at anu pinahuhuakon mae na binoaje nu mian sangga'at, ka' koonyo nu aha, “Aiya i Daudmo na tumpunyo!”

1 SAMUEL 30:20 ပူးပေါင်းရင်းမြစ်များ

2 TAWARIKH 14:15

Aha mule' nontumbuhimo kemah nu to mia-mian anu ko potuu'on ka' binoamo nu aha na domba ka' unta manjoo' hondo. Lapas aijo' aha ninsusule'mo i Yerusalem

2 TAWARIKH 20:25

Sahingga i Yosafat tiba to sulu-suludadunyo nambamo nompahuhuakon to bala-balang nu sampo bali'. Aha nohumpak manjoo' hondo na potu'on, talakonan, pakean, ka' to bala-balang sangga'at anu nahan na olinyo. Tinolunsinaamo na aha nontoluki balang haha aijo', panyo daagi' ahi' ko to bala-balang sangga'at anu ma'isa pinoko tolukan, sahingga pinala'ianmo nu aha.

YESAYA 53:12

Halala na kinyonyoanyo mombee' butongnyo ka' ninsoopmo i lekengan nu mian anu ma'idek na palabuatannyo. Ia nontanggungmo dosa' nu mian da'isan ka' binalado'amo da aha o ampuni. Sahingga binee'an-Ku mo na ia aha manjoo' na mian da bau sala-Ku palasen, ka' mohumpak bahagian hingga-hinggat tiba mian anu madi' ko kasala'annyo.”

ROMA 8:37

Madi'! Ola o i uno iwi-iwi' aijo' kita mohumpakmo ka'untungan anu sukup lengkat hi Ia anu mongkalibosi kita!

1 SAMUEL 30:21

Lapas aijo' i Daud ninsusule'mo hi aha anu ua atu na mian anu nalawemo hondo anu madi'mo noko ala nombatuki ia ka' anu pinala iannyomo i sohipi' nu Kaunyo Besor. Aha nolalabotmo i Daud tiba to sulu-suludadunyo, ka' i Daud nongohanimo aha ka' nonsalando'aimo aha.

1 SAMUEL 30:26

Salatan i Daud ninsusule'mo i Ziklag, sambagian na balang haha aijo' pinakatunyomo ka' binagi-bagiakonnyomo hi to pola-polaya' i kota' Yehuda anu nonsangaja'imo ia, ia notatae, “Aiyamo na palasen toka hi belemiu, balang anu pinahuhuakon mami mae hi aha sampo bali' nu Tumpu.”