1 SAMUEL 30:16 - KITAB NU TUMPU ALLA LELE MA'IMAI'

¹⁶ Lantas ilaya'nyomo namba i tampat kajojoongan nu aha. Tempo'nyo aitu aha nobagi-bagimo i tampat kiijo', ka' lewa'mo nongkakaan ka' nonginum, lewa'mo nombau lamean kalana nanjoo'mo na anu pinahuhuakon mae nu aha, anu binoa mae nu aha lengkat ilipu' nu Filistin tiba Yehuda.

1 SAMUEL 30:16 ပူးပေါင်းရင်းမြစ်များ

2 SAMUEL 13:28

To posa-posaihonnyo pinalentahnyomo, “Otoa ima-ima' de i Amnon malangumo kalana nonginumo anggur, ku bee'ije tanda lantas pateimo na ia. Boli mabuhuk, Aku na montanggung han aijo'. Babaani ka' boli bata-bata!”

1 TAWARIKH 4:43

Singkapmo pinatean nu aha iwi-iwi' na mian nu Amalekh anu daagi' tinontuha' i kiijo', lantas tinataapmo na aha i kiijo' mulai pe'e tempo'nyo aitu.

AYUB 20:5

kalame'an nu mian anu ma'idek na kinyonyoanyo ola sasaingoni', ka' kasanangan nu mian anu palaganta ola sangkinihap na mata?

MAZMUR 119:162

Anu jinanji'mo nu Belento nompolame'mo aku sumomo mian anu nohumpakmo halata'.

NOSABATMO 32:6

Dodododopnyo subu-subu hondo, to mia-mian nu Israel nomboamo tino pia-piangkuka na potuu'on anu otunui bau koloban, ka' tino pia-piangkuka mule' na bau koloban mompodame. Aha sinumuhangmo ka' nongkaanmo ka' nonginumo lantas tinuminjomo ka' binasana-sanangmo.

YESAYA 22:13

Panyo lebe ma'ima' belemiu balasana-sanangmo ka' pombaumo bau-bauon, mongkaan antok nu binatang ka' mule' monginum anggur ka' lewa' motatae, “Imbo' da kita mongkaan ka' mule' lewa' monginum kalana dodop kita silakamo!”

YESAYA 9:3

Belento nongalinimo tanggungannyo anu maboat ka' kau' anu simbu-simbu ibikoangnyo. Belento nompatundu'mo bansa anu saja' monsakisa anu lewa' mombee'i tanggungan toto boa-boat hi mian anu palesayamo hi Belento. Pokakana susumo naipuan mae tempo'nyo Belento nompatundu'mo suludadu nu aha Midian.

1 TESALONIKA 5:3

De mian motatae, “Iwi-iwi' aman ka' madi' ko anu mombau hengge',” sahingga aitumo na tempo'nyo anu madi' osumbu-sumbu' nu aha, nutokaimo nu bala, ka' madi' ko samian pe'e na anu moko popalai. Han aijo' toka madi' osumbu-sumbu', sumo mongoa'i sakit monganak kona hi samian na boune anu mompohampemo.

TO MIA-MIAN KOPIAN 8:11

I Gideon nontusakonmo potempasan nu padang bone' i sasu kabete'an Nobah tiba Yogbeha lantas pinotolokengkengnyomo na nontumbuhi sampobali'nyo.

1 SAMUEL 30:14

Kami nontumbuhimo da'erah nu aha mian Kreti isasu salatan Yehuda tiba da'erah nu aha mian Kaleb, ka' pinapuanmo mami sampe noangot na kota' Ziklag.”

1 SAMUEL 30:15

Lantas pinokilawamo i Daud hi ia, “Mongka'oho' na beleyum molaya' aku mamba ikajojoongan nu aha mian haha itina'?” Tinaamannyo, “Aku mongka'oho' asan belento Tuan bajanji' hi belengku i uno nu sanggo nu Tumpu Allah, aku madi' opatei nu belento Tuan, kabai obee'mo hi tuanku.”