1 SAMUEL 30:15 - KITAB NU TUMPU ALLA LELE MA'IMAI'

¹⁵ Lantas pinokilawamo i Daud hi ia, “Mongka'oho' na beleyum molaya' aku mamba ikajojoongan nu aha mian haha itina'?” Tinaamannyo, “Aku mongka'oho' asan belento Tuan bajanji' hi belengku i uno nu sanggo nu Tumpu Allah, aku madi' opatei nu belento Tuan, kabai obee'mo hi tuanku.”

1 SAMUEL 30:15 ပူးပေါင်းရင်းမြစ်များ

KAJADIAN 24:3

Basumpa' hi Tumpu, Tumpu Allah anu mongkuasai langit ka' tano', saba' beleyum madi' molioi bengkele' i Ishak anakku hi to mia-mian i tano' nu Kana'an aiya.

YEHEZKIEL 17:13

Lantas ia nompile'imo sala'samian na poto utusan mae nu tomundo' Yehuda ai-aijo', ka' nombaumo palajanjian tiba ia, ka' nompokaumo ia binasumpa' da montulutimo ia. Tomundo' nu aha Babel aijo' nontahanmo mian anu toto penti-penting haha aijo',

YEHEZKIEL 17:16

Atas sanggong-Ku, Tumpu anu tumuu', Tumpu Anu Matangkas na Kuasanyo, i tomundo' Yehuda silakamo kiijo' mae i Babel, kalana ia nolanggaimo sumpa'nyo ka' nolanggaimo mule' palajanjiannyo hi tomundo' Babel anu nombee'imo kapalentahan hi ia.

YEHEZKIEL 17:19

Atas sanggong-Ku, Tumpu anu tumuu', Tumpu Anu Matangkas na Kuasanyo, tomundo' nu aha Yehuda Ku hukumo kalana nolanggaimo palajanjiannyo hi tomundo' Babel padahan ia binasumpa'mo hi sanggong-Ku da palajanjian aijo' totu-totu'u ahi' opojalan.

YOSUA 2:12

Ku poita sabole-bole da belemiu basumpa' i sanggo-Nyo salaku bau pomponyata', belemiu madi' mompoposia kami sambonua susumo anu binaungkumo hi belemiu. Bajanji' da tuuma ka' tinangku, ka' to utu-utusku, ka' iwi-iwi' na aha sambonua madi' opatei nu belemiu, panyo opotuu' ahi' nu belemiu. Ka' han aijo' bee'i mae sa'angu' na tanda da otoongi mami ka' da ku palesayamo na belemiu!”

YOSUA 9:15

I Yosua nombaumo palajanjian da mobela'mo tiba mian nu Gibeon haha aijo', ka' nojanji'mo madi'mo daagi' mompatei aha. To pola-polaya' nu aha mian Israel suele binasumpa'mo da boli okolilimi na palajanjian aijo'.

TO MIA-MIAN KOPIAN 1:24

aha siningkabotmo tiba samian na mo'ane anu lengkat mae i kota. Koonyo nu aha hi ia, “De beleyum mongka'oho' montulungi kami da kami moko ala minsoop i kota aijo' madi'je opoposia mami na beleyum.”

1 SAMUEL 29:6

Lantas i lagamo i Akhis na i Daud ka' pinoto'inyomo hi ia, “Ko Tumpu anu tumuu' ku palesaya na beleyum memang montuluti aku. Sanang na aku de beleyum monsangalui aku mamba mahampate. Kalana salatanmo pe'e beleyum tinoka hi belengku sangkut uuka aiya, madai' kokasala'an nu beleyum. Panyo tomundo' haha aijo' sangga'at madi' mongka'ima'i beleyum.

1 SAMUEL 30:14

Kami nontumbuhimo da'erah nu aha mian Kreti isasu salatan Yehuda tiba da'erah nu aha mian Kaleb, ka' pinapuanmo mami sampe noangot na kota' Ziklag.”

1 SAMUEL 30:16

Lantas ilaya'nyomo namba i tampat kajojoongan nu aha. Tempo'nyo aitu aha nobagi-bagimo i tampat kiijo', ka' lewa'mo nongkakaan ka' nonginum, lewa'mo nombau lamean kalana nanjoo'mo na anu pinahuhuakon mae nu aha, anu binoa mae nu aha lengkat ilipu' nu Filistin tiba Yehuda.