1 SAMUEL 30:12 - KITAB NU TUMPU ALLA LELE MA'IMAI'

¹² ka' suele binee'anmo kukis bua'nu anggur na binau ka' uampumpung na anggur anu nahamo. Salatan kinaannyomo ia po ule'mo nahoson; taalu' tolunsinaamo na ia madi' nongkaan ka' nonginum.

1 SAMUEL 30:12 ပူးပေါင်းရင်းမြစ်များ

ESTER 4:16

“Posihuk na mian nu Yahudi iwi-iwi' anu itina' i Susan mondo'akon mae aku. Bolimo mongkaan ka' monginum, kopinnyo tolun sinaa ka' tolumpahu. Aku ka' to lalangkoyang anu mompalakai aku suele bapuasa'mo. Lapas aijo' aku mangadapmo hi tomundo, maumo han aijo' mompaha sala'mo tiba atulannyo. De memang aku silakamo kalana aijo', bakasmo da aku silakamo!”

MOHAANGI 1:11

I uno nu motusa' ka' mompele-pele'na miannyo anu jojoong i kiijo molio anu okaasan; balang anu ko halaga'nyo mahan pinontolosimo nu aha roti, ola kalana da aha tataap tumuu' ka' boli silaka. Yerusalem nolobo'mo, “O Tumpu, toa mae na aku, palahatikan mae na iwi-iwi' kasala'anku.”

YUNUS 1:17

Hau-haunyo aijo' Tumpu nompalentahmo mae sa'angu' na ikan anu talalo hondo daka' ka' ilonyomnyomo na i Yunus. Sahingga jinojoongmo na i Yunus i unonu kompong nu ikan tinolumpahu ka' tinolunsinaa na kinopinnyo.

MATIUS 27:63

ka' notatae, “Kita Tuan, kami tinonginau'mo tempo'nyo mian anu baleko' aijo' daagi' tumuu', Ia toho' notatae, ‘Sailapas tolunsinaa, Aku po'ule'mo tumuu'.’

TO MIA-MIAN KOPIAN 15:19

Sahingga binuka'mo nu Tumpu Allah na bolo' nu batu anu i bungkutnyo kiijo' i Lehi lantas nosabatmo mae na uee. I Simson nonginumo sahingga po'ule'mo nahoson Mokonyo aitu mata nu uee aijo' sinanggohanmo mata nu uee Hakor. Mata nu uee aiya daagi' kiijo' i Lehi.

1 SAMUEL 14:27

Panyo i Yonatan madi' nonsumbu' tuumanyo taalu' nompopobuhukmo mian da'isan nu kutuk aijo'; kalana aijo' sinusukakonnyomo na tokonnyo i juu' nu uani' aijo' lantas ingalanyomo ka' inginumnyomo na juu'nyo aijo'. Sinangkinihap na ia, nongoa' imo butongnyo na ima'mo ka' nompaka pahosonmo.

1 SAMUEL 30:11

Hau-haunyo aha namba aijo' suludadu i Daud nongkabotmo samian na anak mo'ane ia mian nu Mesir kiijo' mae i padang lantas ia binoamo nu aha hi Daud. Ia binee'anmo nongkaan ka' nonginum,

1 SAMUEL 30:13

Lapas aijo' pinokilawamo i Daud hi ia, “Ihe na tuan nu beleyum ka' lengkat mae iya na beleyum? Tinaaman nu anak aijo', aku mian nu Mesir posihon nu aha mian Amalek. Aku pinala'ianmo nu tuanku tolunsinaamo kalana aku nasakitmo.