1 SAMUEL 30:1 - KITAB NU TUMPU ALLA LELE MA'IMAI'

^1-5 Inguansinaamo na i Daud tiba to sulu-suludadunyo tinokaje i kota' Ziklag. Salatan tinokamo ikiijo' tinokan nu aha mian nu Amalek nontumbuhimo mae sasu salatan lipu' nu aha Yehuda ka' nontumbuhimo mule' Ziklag. Madi' ko anu pinatean nu aha mau ola samian. Panyo pinapuanmo nu aha na kota' aijo' sampe noangot, lantas aha lau-lausmo namba ka' nomboamo to bou-boune, to ana-anak ka' mian sangga'at. Aha mule' nohakopmo bengkele' i Daud ua-ua aha i Ahinoam tiba i Abigail, tiba to ana-anaknyo ka' suele bengkele' tiba to ana-anak nu suludadunyo. I Daud tiba to sulu-suludadunyo sinusa'mo hondo, sahingga aha lewa'mo nohaangi ka' luusmo hondo na butong nu aha.

1 SAMUEL 30:1 ပူးပေါင်းရင်းမြစ်များ

KAJADIAN 24:62

Hau-haunyo aijo' i Ishak ninsusule'mo mae lengkat i padang bola, nontulu mae bubung anu osanggohi, “Ia Anu Mompalahatikan mae Aku” ka' kajojoongannyo i bahagian selatan Kana'an.

2 SAMUEL 1:1

Salatan i Saul sinilakamo i Daud ninsusule'mo mae tempo'nyo aitu ia namba nahampate nompatundu' aha mian nu Amalek lantas jinojoongmo i Ziklag inguansinaa na kinopinnyo.

2 SAMUEL 1:2

Dodododopnyo tinokamo na olitau samian anu lengkat mae i binakemah'an i Saul. Salaku tanda sinusa'mo kalana ko anumo sinilaka baju'nyo binea-beaknyomo ka' pino una'annyomo tano' aita i ubaknyo. Ia nambamo hi Daud ka' toka tinolodadupu i ahopnyo nonsombah ia.

2 SAMUEL 1:8

Pinokilawanyomo mae ihe na beleyum lantas pinoto'ingkumo hi ia, aku aiya mian nu Amalek.

2 SAMUEL 15:18

Iwi-iwi' na anu ko pangkatnyo mokalaja hi tomundo' tinuminjomo i sohipi'nyo salatan gombuan nu suludadu anu monjagai i tomundo' notulumo so' noliu-liu aha. Ka' suele ano atu na suludadu anu nombatukimo mae lengkat i Gat, tinuminjomo nojiji' i ahopnyo.

1 TAWARIKH 12:21

Aha suludadu anu baani hondo ka' nontulungimo i Daud mongewa mian anu lewa' mamba mae montumbuhi. I mihinyo mae aha tinimbalimo suludadu nu Israel anu toto tangka-tangkas na pangkatnyo.

1 TAWARIKH 12:22

Timbalimo otaloakon sansina-sina daagi' ko mian anu toka mae mosa'angu' hi Daud, sahingga madi' pinin suludadu i Daud nanjoo'mo hondo.

YEREMIA 41:12

Sahingga aha tiba suludadu nu aha nambamo nololoi' ia ka' sinampamo nu aha na ia ikolam daka-daka' Gibeon,

YOSUA 11:6

Tumpu notataemo hi Yosua, “Boli okabuhuk na aha. Dodop susumo sinaa uuka aiya Ku pateimo na aha iwi-iwi' kalana monginau' Israel. Ajahan nu aha tionyo ahi' opengko'i nu beleyum ka' kareta nu aha iwi-iwi' anu opake nu aha nahampate tionyo ahi' opapui nu belemiu.”

1 SAMUEL 15:7

Lapas aijo' nahampatemo tiba aha mian nu Amalek ka' nompatundu'mo aha tutuus jalan lengkat i Hawila tinoka-toka no kiijo' i Syur sasu kabete'an i Mesir.

1 SAMUEL 15:8

Iwi-iwi' na aha mian da'isan tiba suludadu nu aha Amalek pinateanmo i Saul. Panyo i Agag tomundo' nu aha Amalek i hakop ka' pinotumuu' i Saul ka' suele suludadunyo madi' pinatean, sumo aijo' mule' na dombanyo nu aha tiba sapi' nuaha anu molompo' hondo, anak nu sapi' tiba anak nu domba anu molompo' hondo tiba iwi-iwi' na anu ko angga'nyo; ola potuu'on anu madi' ko angga'nyo ka' anu madi' ko gunanyo na pinateanmo.

1 SAMUEL 27:6

Lantas binee'anmo i Akhis kota' Ziklag hi Daud, mokonyo aijo' Ziklag ingalamo nu to tomu-tomundo' nu aha Yehuda sampe tempo uuka aiya.

1 SAMUEL 29:10

Mokonyo aijo' Daud, dodop belemiu iwi-iwi' anu nompala'imo mae i Saul lantas nambamo mae hi belengku, dodop subu-subu hondo pobulamo ka' lako'mo lia-lia' de sinaa bete'mo.”

1 SAMUEL 29:11

Kalana aijo' dodododopnyo subu-subu nambamo na i Daud tiba to sulu-suludadunyo ninsusule'mo i lipu' nu Filistin panyo suludadu nu Filistin haha aijo' na nambamo ahi' i Yizreel.

1 SAMUEL 29:4

Panyo to sulu-suludadu anu daka' na pangkatnyo nu aha mian Filistin nontambuha'imo i Akhis ka' nompoto'i hi ia, “Saimo na mian aijo' minsusule' i kota anu binee'mo nu beleyum hi ia. Ia madi' timbali mamba mahampate hingga-hinggat tiba kita; boli-boli ia mule' ahi' na mompahampateakon mae kita kiijo' mae i tampat pahampatean. Temisa' aiyamo na kasampatan anu ma'ima' hondo hi ia, mongala kinyonyoa nu tomundo'nyo, aijo'mo mompatei suludadunto?

1 SAMUEL 30:14

Kami nontumbuhimo da'erah nu aha mian Kreti isasu salatan Yehuda tiba da'erah nu aha mian Kaleb, ka' pinapuanmo mami sampe noangot na kota' Ziklag.”