1 SAMUEL 3:18 - KITAB NU TUMPU ALLA LELE MA'IMAI'

¹⁸ Lantas sinisikmo i Samuel iwi-iwi' apaa na anu ihongonyomo aijo' hi Eli. Madi' ko sa'angu' pe'e na anu pinohowininyo. Lapas aijo' notataemo na i Eli, “Ia aijo' Tumpu bakas da Ia mombau apaa na anu kooNyo aijo' ma'ima'.”

1 SAMUEL 3:18 ပူးပေါင်းရင်းမြစ်များ

KAJADIAN 18:25

Boli to mia-mian anu madi' ko sala'nyo aijo' opateimo hingga-hinggat tiba anu ko sala'nyo. Boli Tumpu! Kalana de obau nu Belento Tumpu, mian anu madi' ko sala'nyo tantu o hukumo hingga-hinggat tiba anu ko sala'nyo. Te toho mule' mian kopian nu songko-songko na dunia momputusi madi' adin!”

2 SAMUEL 10:12

Pohoson na kinyonyoa ima-ima'! Imbo' babaani mae na kita mahampate montinjohakon bansanto tiba to kota-kota' nu Tumpu Allah. O'amalakon da Tumpu mombaumo apa-apaa na anu nu kahanda'i.”

2 SAMUEL 15:26

Panyo de Tumpu madi'mo mongka'ima'i aku, yo yayamo ahi' pa' mosia na pongka'oho'-Nyo hi butongku aiya.”

2 TOMU-TOMUNDO' 20:19

Tinaaman i Tomundo' Hizkia, “Ma'ima' mule' na potuunon nu Tumpu anu pinotokamo nu beleyum hi belengku,” Tinaamannyo sumo aijo', kalana tinutugannyo: “Asan kalaja'anku de daagi' aku tutuu' sabole-bole saja' ma'i-ma'ima' mae madi' ko anu mompoposia ka' saja' bilahi.”

1 TAWARIKH 19:13

Pohoson na kinyonyoa! Imbo' babaani mae na kita mahampate montinjohakon bansanto ka' to kota-kota' nu Tumpu Allah-nto. O' amalakon da Tumpu mombau apaa na anu Nu kahanda'i.”

AYUB 1:21

“Aku ihampeakon ola lima sampulu' sumo aitu mule' na aku de silakamo ola butong hondo-hondo. Tumpu na nombee'mo, Tumpu mule' na mongala. Ku puji' na sanggo-Nyo.”

AYUB 2:10

Tinaaman i Ayub, “Beleyum motatae sumomo mian anu ponga'! Te toho' mule' kita ola saja' mongka'oho' mongala anu ma'ima' hi Tumpu Allah, lantas anu madi' ma'ima' na madi'mo o'alanto?” Jadi maumo i Ayub nongoa'imo iwi-iwi' na balaa' anu susumo aijo' panyo ia madi' nontaloakon potatae anu mompisala'i Tumpu Allah.

MAZMUR 39:9

Pimpaliakon mae na aku idosa'ku iwi-iwi', boli opojohok na aku sola'mo nu kokojoi nu mian anu ponga'.

NOSABATMO 34:5

Sahingga nintatau'mo mae na Tumpu i uno nu kundom: Ia tinuminjomo tiba i Musa i tampat aijo' ka' nonsanggomo sanggonyo anu susi' aijo'mo Tumpu.

YESAYA 39:8

Tinaaman i Tomundo' Hizkia, “Ma'ima' mule' ahi' na potuunon nu Tumpu anu pinoto'imo mae nu beleyum atina' hi belengku.” Ia nontaami sumo aijo' kalana tinutugannyo, “Asan kalaja'anku tataap madi' ko anu mompoposia ka' mule' saja' kokadamean hau-haunyo aku daagi' tutuu'.”

YEREMIA 34:6

Sahingga potuunon nu Tumpu aijo' pinotokangkumo hi Tomundo' Zedekia kiijo' i Yerusalem.

YEREMIA 38:14

Daagi' kinosansinaan sangga'at, i Tomundo' Zedekia nompalentahmo mian da momboa aku mangadap hi ia i sabatan daka' anu ko totolu'nyo i Laigan nu Tumpu. Ia notataemo mae hi belengku, “Aku mompokilawamo hi beleyum ka' beleyum tionyo ahi' montaami mae nu pontaami anu sahondo-hondonyo. Boli ko anu opohowini.”

YEREMIA 42:4

Tinaamanku, “Ma'ima'mo de sumo itina', ku situjui apaa na anu kinakakasemo nu belemiu atina'. Aku balado'amo hi Tumpu Allah-nto, ka' pa' apaa na pontaami-Nyo mae ku sisikje iwi-iwi'; maumo sa'angu' madi' ku pohowini hi belemiu.”

MOHAANGI 3:39

Kadaka' mian motusa'mo ka' mompele-pele' de ia ohukum kalana dosa-dosa'nyo?

IMAMAT 10:3

Lantas i Musa notataemo hi Harun, “Aijo'mo na anu kokoonyo nu Tumpu tempo'nyo Ia notatae, 'Iwi-iwi' na anu mombau apaa na anu Ku poto'i tionyo ahi' mongadati kasusi'an-Ku. Aku mompotoamo katalasanggoan-Ku hi aha iwi-iwi' bansang-Ku.' ” Panyo i Harun ola nomohokot.

1 PETRUS 5:6

Kalana aitu, pati'alukakon na butong nu belemiu i aluk nu lima nu Tumpu anu maho-mahoson, da Nu hangkat na belemiu de tokamo na tempo'nyo.

TO MIA-MIAN KOPIAN 10:15

Panyo aha mian nu Israel notatae hi Tumpu, “Kami binaladosa'mo, Tumpu. Baumo pa' apaa na anu okahanda'i nu belento, asan belento montulungi mae kami sinaa aiya.”