1 SAMUEL 3:13 - KITAB NU TUMPU ALLA LELE MA'IMAI'

¹³ Pinoto'ing-Kumo hi aha tukoong-Ku aha salaigan saidi' mae Ku hukumje sampe toka sidu-sidutu' kalana to ana-anaknyo nongambangimo Aku. I Eli nonsumbu'mo dosa' nu aha haha aijo' panyo ia madi' montambuha'i aha.

1 SAMUEL 3:13 ပူးပေါင်းရင်းမြစ်များ

1 TOMU-TOMUNDO' 2:44

Nusumbu' totu-totu'u na ka'idekan nu beleyum iwi-iwi' hi tuumangku. Kalana aijo', Tumpu mohukummo beleyum,

2 TAWARIKH 20:12

Belentomo na Tumpu Allah mami! Hukumo na aha, kalana kami aiya madi' moko ala mongewa suludadu anu talalo hondo manjoo' aijo', anu kahanda'mo montumbuhi mae kami. Madi'mo osumbu' mami pa' mo sia na mombau, kalana aijo' kami toka hi belento momoita tulung.”

AMSAL 19:18

Atun ima-ima' na anak nu beleyum kalana daagi kotempo mongima-imani apa-apaa, de madi', alati'nyo beleyum mongka'ima'imo da ia silakamo.

AMSAL 29:15

Pangajalan pokinde' mompotimbali mian da pande. Anak anu saja' obatukakon hi pongka'oho'nyo saidi' mae mongambangi tinanyo.

ANU MOMPOLELE POTATAE NU TUMPU 7:22

Beleyum nonsumbu' suele; saba' mian sangga'at toho'mo suele tinotobi'akon nu beleyum.

YEHEZKIEL 18:30

Tumpu Anu Matangkas na Kuasanyo notataemo, “O, to mia-mian nu Israel, Aku mombee'imo kaputusan hi toto samian sitimbang tiba palabuatannyo. Bolimo daagi' mombau iwi-iwi na dosa' nu beleyum. Boli opojohok na dosa' nu beleyum mohansunimo butong nu beleyum.

YEHEZKIEL 7:3

Tumpu notatae, “O, Israel, uuka aiya tinokamo na ka ahenannyo nu beleyum. Beleyum mongoa'imo tambuha'-Ku. Kuputusimo na hukuman nu beleyum sitimbang tiba palabuatan nu beleyum mahu-mahumimi' atina'.

YOËL 3:12

Tumpu poule' mule' notatae, “To bansa-bansa posadiamo ka' lako'mo i Bangka'nyo nu Pomputusian. Ikiijo' mae Aku Tumpu momputusimo to bansa-bansa anu mompaha ohani mian-Ku anu palesayamo.

MATIUS 10:37

Mian anu mongkalibosi tumanyo kabai tinanyo molingkudui Aku, madi' pantas timbali anu mombatuki Aku. Sumo aitu mule' na mian anu mongkalibosi anaknyo mo'ane kabai boune, molingkudui Aku.

PO'ULE' INGULIT 17:12

Mau mule' ihe na baani' monggagakon mian kopian kabai imam anu montoongi kalaja, tionyo ahi' o hukum mate; sumo aijo' na belemiu montewa' da bolimo saja' mombau anu ma'idek aijo' hi aha Israel.

PO'ULE' INGULIT 21:18

“Bisuannyo ko anak mo'ane anu panggaga saja' moto'idek, ka' madi' mombatuki pongka'oho' nu tu'anyonyo maumo binee'anmo hukuman na ia.

1 YOHANES 3:20

Osumbu'to, saba' de kita nupisala'i nu kinyonyoanto, ponsumbu'an nu Tumpu lebe daka' molingkudui ponsumbu'an nu kinyonyoanto, ka' mule' Ia na monsumbu' iwi-iwi'.

1 SAMUEL 2:12

To ana-anak i Eli ma'idek hondo na kinyonyoa nu aha. Aha madi' mompajuli Tumpu.

1 SAMUEL 2:17

Sumo aijo'mo na anak i Eli ua-ua aha aijo' binaladosa'mo hondo imata nu Tumpu, kalana aha madi'mo nongangga'i koloban anu sinombahkonmo hi Tumpu.