1 SAMUEL 3:10 - KITAB NU TUMPU ALLA LELE MA'IMAI'

¹⁰ Lapas aijo' tinokamo na Tumpu ka' tinuminjo i tampat aijo' ka' po ule'mo nolaga, “Samuel, Samuel!” lantas tinaamanmo i Samuel, “Poto'imo mae Tumpu, posaihon nu belento Tumpu, aiya mompotombihing.”

1 SAMUEL 3:10 ပူးပေါင်းရင်းမြစ်များ

YOSUA 5:14

“Misa sangalu, ka' mule' misa' sampobali',” tinaaman nu mian aijo'. “Aku mo'uuka mae salaku kapala nu suludadu nu Tumpu.” Nohongo aijo' i Yosua nalia-lia' tinolodadupu ka' nonsombah mian aijo'. I Yosua notataemo, “Aku aiya posaihon nu Tumpu. Apaa na anu timbali ku bau hi belento Tumpu?”

1 SAMUEL 12:2

Otampu'uni uuka aiya iamo na mompalentah belemiu. Toa mae aku aiya ilangkai'mo ka' inguanonmo. Aku pininmo hondo na nompalentah belemiu – daagi pe'e aku olitau sampe uuka aiya. Anu bau pontoan aijo'mo to ana-anaku anu singkapmo dinaka' aitu.

1 SAMUEL 3:11

Lantas notataemo na Tumpu hi ia, “Aku mombaumo anu opalias hi aha mian Israel, sahingga toto samian na anu mohongo bingungmo.

1 SAMUEL 3:15

Lapas aijo' i Samuel po ule'mo i hoyot, ka' nopatas mae subu-subu ia nobulamo ka' nontuhea'akonmo iwi-iwi' tumban nu Laigan nu Tumpu. Ia mabuhuk na mompoto'i anu tinoanyomo aijo' hi Eli,

1 SAMUEL 3:8

Kinopintolunnyo na Tumpu nolaga i Samuel; lantas nobulamo na i Samuel ka' nambamo hi Eli ka' notatae, “Apaa kita Tuumangku? Kadaka' ilagamo nu belento Tuumangku?” Tempo'nyo aijo' sinumbu'je i Eli taalu' Tumpu na nolaga anak aijo'.

1 SAMUEL 3:9

Kalana aijo' pinoto'imo i Eli hi Samuel, “Lako'mo po ule' hoyot, ka' de beleyum po ule'mule' olaga taloakon, 'Poto'imo mae Tumpu, posaihon nu belento, aiya mompotombihing'.’ ” Lantas po ule'mo namba na i Samuel ka' ihoyotmo.