1 SAMUEL 29:8 - KITAB NU TUMPU ALLA LELE MA'IMAI'

⁸ Tinaaman i Daud, “Kasala'an apaa na anu binaungkumo kita Tomundo'? De susumo anu tinaloakon nu belento Tomundo', belento Tomundo' madi' nontoa kasala'an apa-apaa hi belengku aiya salatanmo pe'e aku nombau apa-apaa na anu pinalentahkonmo nu belento Tomundo' sangkutnyo uuka aiya, ka' daka' aku madi' opobee' mamba mahampate mongewa sampo bali' nu belento Tomundo'?”

1 SAMUEL 29:8 ပူးပေါင်းရင်းမြစ်များ

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

1 SAMUEL 12:3

Uuka aiya aku tuminjo i ahop nu belemiu! De aku nombaumo kasala'an, pisala'i na aku i ahop nu Tumpu ka' i ahop nu to tomu-tomundo' anu pinile'an-Nyomo. Pa' toho'mo aku nongala sapi' kabai keledai nu aha mian sangga'at? Pa' toho'mo aku nongakali kabai nonsakisa kabai nongala doi anu pinontamboi da mombau anu ma'idek. Poto'i mae da mau pa' apaa na anu ingalangkumo po ule' ku sule'akon.”

1 SAMUEL 17:29

Tinaaman i Daud, “Apaa na kasala'anku? Aku ola mompokilawa!”

1 SAMUEL 20:8

Ku poita da beleyum montulungi mae aku, kalana kita binajanji'mo i ahop nu Tumpu. Panyo de aku ahi' nombaumo kasala'an, yo pateimo mae ahi' na aku, asan boli nu bee' na aku hi tuuma nu beleyum.”

1 SAMUEL 26:18

Lantas ia po ule' mule' notatae “Kadaka' belento Tomundo' daagi sabole-bole mololoi' mae aku? Apaamo na kasala'anku?

1 SAMUEL 27:10

De nupokilawa i Akhis na ia, “Uuka belemiu mamba montumbuhi iya mae?” Saba' nu taami i Daud hi ia tukoonyo, ia mambamo i bahagian salatan Yehuda kabai i da'erah nu aha mian Yerahmeel, kabai mamba i da'erah tampat kajojoongan nu aha mian Keni.

1 SAMUEL 28:2

Tinaaman i Daud, “Tantumo, otoaje nu belento Tomundo' apaa na anu kubau hi belento Tomundo'.” Lantas i Akhis notataemo, “Ma'ima'mo! Beleyum ku hangkatmo da timbali anu saja' monjagai ka' montoa mae aku sidu-sidutu'.”

1 SAMUEL 29:7

Kalana aijo' pinsusule'mo ma'i-ma'ima' ka' boli mombau apa-apaa anu moko pa'idek kinyonyoa nu aha.”