1 SAMUEL 29:10 - KITAB NU TUMPU ALLA LELE MA'IMAI'

¹⁰ Mokonyo aijo' Daud, dodop belemiu iwi-iwi' anu nompala'imo mae i Saul lantas nambamo mae hi belengku, dodop subu-subu hondo pobulamo ka' lako'mo lia-lia' de sinaa bete'mo.”

1 SAMUEL 29:10 ပူးပေါင်းရင်းမြစ်များ

KAJADIAN 22:14

I Abraham nonsanggohimo tampat aijo', “Tumpu nontoukaimo anu opalalui.” Ka' sampe uuka aiya mian montaloakonmo, “Aita' i bungkutnyo nu Tumpu, Tumpu nontoukaimo anu opalalui.”

1 TAWARIKH 12:19

Tempo'nyo i Daud tiba mian nu Filistin nompahampateakonmo i Tomundo' Saul, sambagian na suludadu tulunan nu bansa Manasye nambamo nokiijo' hi Daud. Sabenannyo i Daud madi' montulungi mian nu Filistin haha aijo'. To pola-polaya' nu aha Filistin nonsaimo ia minsusule' i Ziklag kalana aha mabuhuk dumo saidi' mae ia mambamo mokiijo' mosa'angu' hi Tomundo' Saul ka' monsilakaimo aha.

1 TAWARIKH 12:22

Timbalimo otaloakon sansina-sina daagi' ko mian anu toka mae mosa'angu' hi Daud, sahingga madi' pinin suludadu i Daud nanjoo'mo hondo.

1 KORINTUS 10:13

Batu-batu soba'an anu o'oa'i nu kita Utus, atina' soba'an anu saja'mo o'oa'i nu mian. Panyo Tumpu tataap i pala janjian-Nyo. Ia madi' mompojohok kita Utus osobai molingkudui anu opoko ala obau miu. Tempo'nyo kita Utus nukona nu soba'an, Ia mombee'i jalan hi komiu da mahoson, da kita Utus moko ala montahan.

2 PETRUS 2:9

Jadi, nusumbu' nu Tumpu mosia na momposalamat anu montuluti pongka'oho'-Nyo de aha mongahopimo soba'an-soba'an. Ka' nusumbu' nu Tumpu mosia na mompo'una' to mia-mian anu ma'idek da osakisa i Sinaa Pomputusianmo,

1 SAMUEL 29:11

Kalana aijo' dodododopnyo subu-subu nambamo na i Daud tiba to sulu-suludadunyo ninsusule'mo i lipu' nu Filistin panyo suludadu nu Filistin haha aijo' na nambamo ahi' i Yizreel.