1 SAMUEL 28:7 - KITAB NU TUMPU ALLA LELE MA'IMAI'

⁷ Kalana aijo' pinoto'imo i Saul hi to mia-mian anu monjagai ka' montoa ia, “Soba lio mae samian na boune anu tinimbalimo bolian da montunde'akon hi tominuat, aku kahanda' mamba hi ia da momoita pokinde'.” Tinaaman nu aha, “Kiijo' mae i En-Dor daagi ko bolian anu susumo itina'.”

1 SAMUEL 28:7 ပူးပေါင်းရင်းမြစ်များ

2 TOMU-TOMUNDO' 6:33

Ma'isa pe'e ilapas na i Elisa notatae, i tomundo' tinokamo i kiijo' ka' nompoto'i, “Kasusa'an aiya, balaa' nu Tumpu hi kita! Jadi daagi' apaa na gunanyo aku montaha'imani da nu tulungi mae?”

1 TAWARIKH 10:13

I Saul sinilakamo kalana ia madi' tinulu-tulutan hi Tumpu, ka' madi'mo nompajuli palentah nu Tumpu. Ia madi'mo nomoita pokinde' hi Tumpu, panyo ola mule' ahi' nomoita pokinde' hi to santu-santuu' nu mian anu sinilakamo. Kalana aijo' ia i hukummo nu Tumpu ka' binee'mo na pangkatnyo salaku Tomundo' hi Daud anak i Isai.

MAZMUR 83:10

Baumo na aha susumo mian nu Midian, susumo i Sisera tiba i Yabin i Kaunyo nu Kisyon.

YESAYA 19:3

Apaa na anu nu tanga'imo nu aha Mesir, Ku baumo da madi'mo jadi ka' mompohentemo kinyonyoa nu aha da aha madi'mo kosumangat. Aha momoitamo tulung hi pilogot nu aha, momoitamo pokinde' ka' pikilan hi to sando-sando tiba hi to tomi-tominuat pa' apaa na anu timbali obau.

IMAMAT 19:31

Boli belemiu mamba mompoita pikilan hi to sandosando anu saja' montunde santu' nu mian anu sinilakamo. De obaumo nu belemiu na aijo' belemiu mahumimi'mo. Akumo na Tumpu Allah nu belemiu.

HABAKUK 2:3

Tulis na aijo' kalana uuka aiya misa' pe'e tempo'nyo. Panyo tempo'nyo aijo' malia'mo mae toka ka' apaa na anu pinoto'ing-Kumo hi beleyum aijo' totu-totu'u tionyo jadi. Maumo aijo' o oa'i daagi pin, panyo tanda'imo! Tempo'nyo aijo' memang ahi' tokamo ka' madi'mo daagi opo edok.

SISIKON NU TO RASUL-RASUL 16:16

Daagi' kino sansinaan tempo'nyo kami hau-haunyomo namba nokiijo' i tampat balado'an, kami nompahakabotmo tiba samian na boune; ia posaihon. Boune aijo' kinuasanmo nu roh ma'idek anu moko ala mongkila-kila apa-apaa na anu timbali saidi' mae. Kalana moko ala mongkila-kila sisi' nu mian, boune aijo' mombee'i ka'untungan anu daka' hi anu pongalapannyo tambo.

PO'ULE' INGULIT 18:11

pangatahuan, kabai lewa' mohondawit i santu' nu mian anu sinilakamo.

YOSUA 17:11

I uno nu da'erah i Isakhar tiba i Asyer aijo' daagi' ko tano' anu i Manasye, aijo'mo: Bet-Sean tiba Yibleam tiba kampu-kampungnyo anu ikiijo'. Ka' suele: Dor (kota anu i sonibi nu ambai), En-Dor, Taanakh, Megido, tiba kampu-kampungnyo anu ikiijo'.

1 SAMUEL 28:3

I Samuel sinilakamo ka' ia ihaanganmo nu aha iwi-iwi' mian nu Israel ka' ilamunmo kiijo' i kinajojoongannyo i kota' Rama. U'utu mae i Saul nolaa'mo iwi-iwi' na anu lewa' montahi'i tiba bolian anu lewa' montunde' tominuat da boli jojoong i Israel.