1 SAMUEL 28:6 - KITAB NU TUMPU ALLA LELE MA'IMAI'

⁶ Lantas ia nompoitamo pokinde' lengkat hi Tumpu, panyo Tumpu madi' nontaami, mau pa' ingipi kabai maumo nompake Urim ka' Tumim da osumbu' na kahanda' nu Tumpu kabai pa' nu poto'i nu to nabi-nabi.

1 SAMUEL 28:6 ပူးပေါင်းရင်းမြစ်များ

2 SAMUEL 22:42

Aha lewa'mo noloboo' panyo madi' ko anu nontulungi mae aha nomoita tulung hi Tumpu panyo Ia madi' nontaami.

MAZMUR 74:9

To nabi-nabi ka' tanda-tanda anu okabangangi madi'mo daagi' tinoa, ka' madi' ko anu monsumbu' pa' hipianje na anu susumo aiya belentimo.

NOSABATMO 28:20

I jiji'annyo anu ko opatnyo batu pirus, yakut, ka' ratna cempaka. Sampu-sampulu' ka' ohua' na mainan aijo' tionyo ahi' opuuti nu mosoni'.

NOSABATMO 28:30

Pokonai Urim ka' Tumim i uno nu anu opa-opake i saha'an aijo' da nupake i Harun de ia mangadapmo mae hi beleng-Ku. De tempo'nyomo susumo aijo' tionyo ahi' saja' mompake anu opa-opake i saha'an, da nusumbu' pa' mosia na pongka'oho'-Ku kona hi aha mian nu Israel.”

AMSAL 27:1

Boli lewa' monsisik anu madi' totu'u mongkona sina dodop, kalana madi' nu sumbu' pa' apaa na anu jadi saidi' mae.

YEREMIA 23:28

Nabi anu nongipimo sabenannyo ahi' mompoto'i, ‘Aiya ola anu ingipi.’ Panyo nabi anu nohumpakmo potuunon lengkat mae hi beleng-Ku na tionyo ahi' mompoto'i potuunon aijo' tiba sahondo-hondonyo. Gandum madi' timbali opokakanakon tiba hatinyo.

MOHAANGI 2:9

Sabatan anu toto daka-daka' singkapmo tinabuhan nu tano'; iwi-iwi' nasupatnyo nopato'mo; tomundo' tiba pagawe nu pamalentah kiijo'mo mae ipinomboan aha. Atulan nu Tumpu madi'mo daagi ingajanakon; nabi madi'mo daagi nontoa anu nu potoa nu Tumpu.

YOËL 2:28

“Lapas na aijo' iwi-iwi' na mian Ku bee'imo rok-Ku. Sahingga to ana-anak mo'ane, boune mompoto'imo anu Ku potuun; to tu'a-tu'anyo atina' hi belemiu mongipimo anu otoa opotoamo hi olitau ka' langkoyang.

IMAMAT 8:8

Lantas pinokonanyomo na pongkukubi saha'an hi Harun, ka' i uno nu pongkulubi saha'an aijo' pinosoopnyomo na Urim ka' Tumim,

MIKHA 3:7

To mia-mian anu lewa' mongkila-kila sinaa anu aiya mae i ahop ma ambangmo kalana anu lewa' kinila-kilanyo madi' totu'u. Aha iwi-iwi' madi'mo daagi' opalesaya kalana Tumpu madi'mo montaami aha.

NOMBILANGMO 12:6

lantas Tumpu notataemo, “Potombihing mae na potataeng-Ku aiya! De daagi' ko anu aiya hi belemiu samian na nabi, Ku potoamo na butong-Ku hi ia da saja' otoa, ka' basisik tiba ia i uno nu ipion.

NOMBILANGMO 27:21

I Yosua tionyo ahi' mompoita pokinde' hi Imam Eleazar, ka' i Eleazar tionyo ahi' mompokilawa hi beleng-Ku mosia na pongka'oho'-Ku monggunakon Urim ka' Tumim. Tiba jalan anu sumo aijo', na i Eleazar mompotiju' i Yosua ka' hi iwi-iwi' na bansa Israel ka' iwi-iwi' mule' na han anu nu ahopi nu aha.”

MATIUS 1:20

Hau-haunyo i Yusuf mompopikilakon han aijo', ia nongipi. I uno nu ipionnyo aijo', ia nontoa samian na malaikat nu Tumpu anu notatae hi ia, “Yusuf, tulunan i Daud, boli mabuhuk monika'i Maria; sabab anak anu i uno nu ma'alumnyo aijo' kuasa nu Roh nu Tumpu.

YOHANES 9:31

Osumbu'to saba' Tumpu madi' mohongo mian baladosa', panyo mian anu mongangga'i Tumpu, ka' mombau pongka'oho'-Nyo.

PO'ULE' INGULIT 33:8

Mongkona tulunan nu bansa Lewi, ia notatae: “Tiba Urim ka' Tumim poto'imo apaa na anu okahanda'i nu Belento poto'i hi mian nu Lewi, posaihon nu Belento anu tulu-tulutan. Kita nonsobaimo aha kiijo' mae i Masa, ka' pinainggagamo tiba aha i mata nu uee Meriba.

YAKOBUS 4:3

Ka' mau mule' komiu nomoitamo, komiu madi' ahi' mohumpak, kalana anu okahanda'i miu opoita sala'; apaa na anu opoita miu atina' ola bau kasanangan nu posi butong.

1 SAMUEL 14:37

Lantas pinokilawamo i Saul hi Tumpu Allah, “Pa' timbali na aku montumbuhimo aha mian nu Filistin?” Pa' aha obee'mo nu belento hi aha mian nu Israel? Panyo sinaa aijo' madi' tinaaman nu Tumpu Allah.

1 SAMUEL 28:15

Lapas aijo' i Samuel notataemo hi Saul, “Kadaka' beleyum nolingkangmo mae aku? Kadaka' beleyum nolaga mule' mae aku?” Tinaaman i Saul, “Aku biningongmo hondo kalana nu tumbuhimo mae nu aha mian Filistin, padahan aiya Tumpu Allah nompala'imo aku. Aku madi'mo mae tinaaman-Nyo kabai pinot'i-Nyo mae hi to nabi-nabi kabai pinoipi-Nyo mae. Kalana aijo' ku kakaase hi belento Tuuma poto'i mae pa' apaa na anu tionyo ahi' kubau.”

1 SAMUEL 28:5

Salatan i Saul nontoamo suludadu nu aha Filistin aijo' ia nabuhukmo hondo.