1 SAMUEL 28:5 - KITAB NU TUMPU ALLA LELE MA'IMAI'

⁵ Salatan i Saul nontoamo suludadu nu aha Filistin aijo' ia nabuhukmo hondo.

1 SAMUEL 28:5 ပူးပေါင်းရင်းမြစ်များ

AYUB 15:21

Onyi' anu okabuhuk hondo momposiingmo bihingnyo; de madi'mo ko anu lewa' o'inau' na apa-apaa an mompopobuhuk, tololang tokamo mae montongkali.

AYUB 18:11

Mian anu ma'idek na kinyonyoanyo pinotolokengkengmo nu anu okabuhuk hondo anu nolengkat mae iyaya; anu okabuhuk me saja' mombatuki ia maumo moyamo na molangkasakon tengke.

MAZMUR 73:19

Ola sinangkinihap aha sinilakamo talalo ahi' okabuhuk na kina'ahenannyo nu aha,

AMSAL 10:24

Mian anu madi' tageo' na kinyonyoanyo mohumpak apaa na anu nu kahanda'i; panyo mian anu ma'idek na kinyonyoanyo mohumpak apaa na anu talalo hondo nu kabuhuk.

YESAYA 7:2

Salatan tomundo' nu aha Yehuda nohongomo taalu' suludadu nu aha Siria ninsoopmo i daerah nu aha Israel anu monsangaja'i ia, ia ka' bansanyo nabuhukmo hondo, sahinga aha ilakatnyomo sumomo kau' anu ginayu'mo nu mombun.

DANIEL 5:6

Ia inesemo hondo ka' nabuhukmo sahingga bukunyo i lakatnyomo.

1 SAMUEL 28:4

Sahingga salatan suludadu nu aha Filistin sinihukmo ka' binakemahmo koko kota' Sunem, i Saul suele nomposihukmo aha mian nu Israel ka' binakemahmo i Bungkutnyo nu Gilboa.

1 SAMUEL 28:6

Lantas ia nompoitamo pokinde' lengkat hi Tumpu, panyo Tumpu madi' nontaami, mau pa' ingipi kabai maumo nompake Urim ka' Tumim da osumbu' na kahanda' nu Tumpu kabai pa' nu poto'i nu to nabi-nabi.