1 SAMUEL 28:23 - KITAB NU TUMPU ALLA LELE MA'IMAI'

²³ I Saul madi' nontuluti ka' notatae tukoonyo, ia madi'mo mongka oho' mongkaan. Panyo salatan suele to mia-mian anu ko pangkatnyo sabole-bolemo nongkakaase ia; tinulutannyomo ahi'. Ia tinuminjomo ka' sinumuhangmo i sambale.

1 SAMUEL 28:23 ပူးပေါင်းရင်းမြစ်များ

1 TOMU-TOMUNDO' 21:4

Kinyonyoanyo madi'mo sinanang ka' notambuha'mo kalana nohongomo apaa na anu tinaloakon i Nabot hi ia, i Ahab ninsusule'mo ka' nale'mo i kahoyotannyo ohupnyo pinsonggilingnyo ka' madi'mo mongka'oho' mongkaan.

2 TOMU-TOMUNDO' 4:8

I lipu' Sunem daagi' ko samian boune anu kaya. Daagi' kino sansinaan tempo'nyo i Elisa namba i Sunem, boune aijo' nolagamo i Elisa da mamba mongkaan hi ia. Mulai pe'e aitu de ia tokamo i Sunem, ia mamba mongkaan hi boune aijo'.

2 TOMU-TOMUNDO' 5:13

Panyo to posa-posaihonnyo nongohanimo ia ka' nompoto'i, “O Tuan, sadang belento Tuan opokau mombau anu mahan, han aijo' obaumo nu belento Tuan. Ka' mule' aiya ia ola monsai belento Tuan mamba mindi' da ma'alin!”

ESTER 1:6

Popasan nu laigan nu tomundo' pinaha bunga-bunganmo nu gorden te hude katun anu buhitnyo mobilu' tiba mopute', pinutan nu kahohon lenan anu ma'ima' hondo ka' buhitnyo mingkamumu' ka' pinaha pokaitanmo to gala-galangnyo anu salaka na tinutuk anu pinaha posoopmo i ohi'batu anu mahan na olinyo. I patuunyo aijo' na pinaha pompo una'an iwi-iwi' na koi mosoni' tiba koi salaka ka' ilatasan na salo nu anu binunga-bungan nu pualam mopute', hablur momea', kilit nu mutiara anu jongkilaban tiba batu pirus anu mobilu'.

AMSAL 25:20

Monyanyiakon nyanyian anu tulu-tulumo hi sumomo molanggo'imo ia i tempo' nu bakin sumomo mondudu'akon losing i belanyo.

YEHEZKIEL 23:41

Lantas aha sinumuhangmo ikamale'an anu ma'ima'an. I ahopnyo kaho kaanon anu pinosadiamo, tiba kamangian ka' lanya' nu zaitun anu binee'-Kumo hi aha.

LUKAS 14:23

Lantas Tuan aijo' notatae, ‘Lako' i jala-jalan daka' tiba i jala-jalan anu soki i sambiha' nu kota, ka' pagala mae osai na to mia-mian toka da laiganku mobuke'.

LUKAS 24:29

Panyo aha nontewa' Ia. “Jojoongmo i tampat mami,” koonyo nu aha hi Ia, “aiya malia'mo malom ka' mule' montampu'unimo pintung.” Sahingga i Yesus ninsoopmo sonso'mo male' i tampat nu aha.

SISIKON NU TO RASUL-RASUL 16:15

I Lidia ka' aha iwi-iwi' isi nu laigannyo pinalamandikanmo. Noko palamandikan ia nolagamo kami. Ia notatae, “De to Utu-utus mongoa'i aku totu-totu'u pinalesayamo hi Tumpu Yesus, imbo'mo da sonsoo' i laiganku.” Lantas ia sabole-bole nompoita kami da otuluti na pongka'oho'nyo.

2 KORINTUS 5:14

Kalibosan i Kristus na nongkuasaimo kami; ka' osumbu' mami taalu' de samian sinilakamo bau pontokong mian iwi-iwi', makia' aijo' mongalati'i saba' iwi-iwi' na mian sinilakamo.

1 SAMUEL 28:22

Jadi tionyo ahi' belento Tuanku montuluti apaa na anu ku poita; mongkaan sangkiding kaanon anu ku bee' hi belento, da belento Tuan moko ala po ule' lumajang pa' moya na kalambanan.”