1 SAMUEL 28:15 - KITAB NU TUMPU ALLA LELE MA'IMAI'

¹⁵ Lapas aijo' i Samuel notataemo hi Saul, “Kadaka' beleyum nolingkangmo mae aku? Kadaka' beleyum nolaga mule' mae aku?” Tinaaman i Saul, “Aku biningongmo hondo kalana nu tumbuhimo mae nu aha mian Filistin, padahan aiya Tumpu Allah nompala'imo aku. Aku madi'mo mae tinaaman-Nyo kabai pinot'i-Nyo mae hi to nabi-nabi kabai pinoipi-Nyo mae. Kalana aijo' ku kakaase hi belento Tuuma poto'i mae pa' apaa na anu tionyo ahi' kubau.”

1 SAMUEL 28:15 ပူးပေါင်းရင်းမြစ်များ

MAZMUR 51:11

Posiloimo na ohup nu Belento ka bolimo mae montoa iwi-iwi na dosa'ku, ka' sautimo iwi-iwi' na kasala'anku.

AMSAL 14:14

Mian anu ma'idek na kinyonyoanyo saidi' mae monta'up bua'nyo nu palabuatannyo anu ma'i-ma'idek aijo'; panyo mian anu manonong saidi' mae mohumpak bua'nyo nu palabuatannyo anu mano-manonong aijo'.

HOSEA 9:12

Panyo maumo ahi' daagi ko to ana-anak anu ohampeakon ka' opodaka'mo, aha po ule' ahi' Ku ala; madi' ko samian pe'e na Ku pobee' tumuu'. Silakamo na belemiu o bansa Israel de Ku pala'imo na belemiu!”

MATIUS 25:41

Lantas Tomundo aijo' notatae hi to mia-mian anu i sasu kowi-Nyo, ‘Lako'mo pokiijo', anu kinutukanmo! Pinsoopmo i uno nu apu anu madi' toho' mate, anu pinosadiakonmo i Setan ka' hi to mala-malaikatnyo!

TO MIA-MIAN KOPIAN 16:20

Lantas ia nolobo'mo, “Simson! Mian nu Filistin tinokamo me!” I Simson nobulamo ka' pa' kokoonyo ia daagi' moko ala gawe susumo uuka mae. Madi' sinumbu'nyo saba' Tumpu nompala'imo ia.

1 SAMUEL 18:12

Sinumbu'mo i Saul tukoonyo taalu' i Daud nu jagai nu Tumpu, panyo ia na pinala'ianmo ahi nu Tumpu kalana aijo' kinabuhuknyomo na i Daud.

1 SAMUEL 23:2

Lantas pinokilawanyomo hi Tumpu, “Pa' aku mamba montumbuhi aha mian nu Filistin?” “Ii'” na tinaaman nu Tumpu, “tumbihimo na aha ka' posalamatakon na aha mian nu Kehila.”

1 SAMUEL 23:4

Kalana aijo' i Daud po ule' mule' nompokilawa salaku nomoita pokinde' hi Tumpu, ka' tinaaman nu Tumpu, “Boli bata-bata. Tumbuhimo na kota' Kehila kalana suludadu nu aha mian Filistin haha kiijo' ku bee'mo hi beleyum.”

1 SAMUEL 28:11

Boune aijo' nompokilawamo, “Tominuat ihe na ku laga da bau pontunde'an apaa na anu nu palalui nu belento Tuan?” Tinaaman i Saul, “Tominuat i Samuel.”

1 SAMUEL 28:16

Lantas notataemo na i Samuel, “Apaa na gunanyo beleyum daagi molaga mae aku, padahan Tumpu nompala'imo beleyum ka' tinimbalimo sampo bali' nu beleyum?

1 SAMUEL 28:6

Lantas ia nompoitamo pokinde' lengkat hi Tumpu, panyo Tumpu madi' nontaami, mau pa' ingipi kabai maumo nompake Urim ka' Tumim da osumbu' na kahanda' nu Tumpu kabai pa' nu poto'i nu to nabi-nabi.

1 SAMUEL 28:8

Lantas i Saul nimbalu-balu'mo susumo mian sangga'at da madi' nusumbu' nu mian. Ka' sinangaluan nu to momo'ane aha ua aha, ia nambamo ka' tinokamo ilaigan nu bolian aijo' pihi-pihi. Sahingga notataemo na i Saul, “Soba laga mae na tominuat nu mian anu ku sanggoje na sanggonyo, ka' poitakon da nu poto'i mae apaa na anu jadi saidi' mae.”

1 SAMUEL 30:6

To sulu-suludadu i Daud sinusa'mo hondo kalana madi'mo kino anak tiba bengkele' nu aha. Mokonyo aijo' aha kahanda'mo mompahambunu'akon nu batu i Daud. Jadi i Daud sinusa'mo hondo panyo kinyonyoanyo po ule'mo pinohoson nu Tumpu Allahnyo.