1 SAMUEL 27:9 - KITAB NU TUMPU ALLA LELE MA'IMAI'

⁹ To momo'ane iwi-iwi' nu patei tiba suele to bou-boune ka' mule' mompahuhuakon domba, sapi', keledai, unta, ka' mule' baju'. Lapas mae ia minsusule'mo ka' mangadapmo hi Akhis.

1 SAMUEL 27:9 ပူးပေါင်းရင်းမြစ်များ

KAJADIAN 16:7

Malaekat nu Tumpu nonsingkabotimo i Hagar koko mata nu uee i tampat anu mateges, i jalan anu mokiijo' i tampat anu mateges Sur.

KAJADIAN 25:18

Lee'nyo jinojoongmo i daerah olot nu Hawila ka' Syur i sasu kabete'an Mesir mompatui mokiijo' i Asyur. Aha tinumuu' madi' notuang tiba lee' i Abraham sangga'at.

AYUB 1:3

Ka' mule' ia ko to posa-posaihon manjoo' hondo, 7.000 na domba, 3.000 na unta, 1.000 na sapi', ka' 500 na keledai. Osanggomo pe'e na mian aijo', ia mian anu kaya hondo anu jojoong i da'erah sasu kabete'an.

NOSABATMO 15:22

Lapas aijo' i Musa nomboamo bansa Israel lengkat mae i Ambai Gelagah nambamo i padang bola Syur. Tolun sinaamo na kinopinnyo na aha notulu padang bola madi' hondo nohumpak uee.

YOSUA 6:21

Iwi-iwi' na anu i kota aijo', mian anu motu'amo kabai mian anu daagi' anak, boune kabai mo'ane pinahantabasakonmo nu bajak sahingga natemo. Iwi-iwi' na potu'on sapi', domba ka' suele keledai pinateanmo.

1 SAMUEL 15:3

Jadi lako'mo ka' tumbuhimo na aha mian nu Amalek ka' o idei na apa-apaa na anu nu aha iwi-iwi'. Boli opotuha' maumo pa' apa-apaa; patei iwi-iwi' na to momo'ane, to bou-boune tiba to ana-anak, ka' mule' to bunga-bungamea'; ka'suele sapi', domba, unta tiba keledai.”

1 SAMUEL 15:7

Lapas aijo' nahampatemo tiba aha mian nu Amalek ka' nompatundu'mo aha tutuus jalan lengkat i Hawila tinoka-toka no kiijo' i Syur sasu kabete'an i Mesir.

1 SAMUEL 15:8

Iwi-iwi' na aha mian da'isan tiba suludadu nu aha Amalek pinateanmo i Saul. Panyo i Agag tomundo' nu aha Amalek i hakop ka' pinotumuu' i Saul ka' suele suludadunyo madi' pinatean, sumo aijo' mule' na dombanyo nu aha tiba sapi' nuaha anu molompo' hondo, anak nu sapi' tiba anak nu domba anu molompo' hondo tiba iwi-iwi' na anu ko angga'nyo; ola potuu'on anu madi' ko angga'nyo ka' anu madi' ko gunanyo na pinateanmo.