1 SAMUEL 27:8 - KITAB NU TUMPU ALLA LELE MA'IMAI'

⁸ Tempo'nyo aitu i Daud tiba to sulu-suludadunyo toto minsan mamba montumbuhi aha mian nu Gesur, mian nu Girzi tiba mian nu Amalek; bansa haha aijo' pininmo na jinojoong i da'erah aijo'. Ia mamba montumbuhi da'erah haha aijo' tinoka-toka i Sur na kinojo'onnyo ka' mule' nokiijo' i Mesir.

1 SAMUEL 27:8 ပူးပေါင်းရင်းမြစ်များ

2 SAMUEL 14:23

Lantas nambamo na i Yoab i Gezur nolaga i Absalom da minsusule'mo mae i Yerusalem.

2 SAMUEL 14:32

Tinaaman i Absalom, “Kalana beleyum ilagangku madi mongkaoho toka mae. Kahanda' ku sai na beleyum mamba mangadap hi tomundo' ka' mompotoka anu ku pokilawa sumo uuka, ‘Apaa na gunanyo aku nompala'imo mae Gezur ka' ninsusule'mo mae i aiya? Sahanyo aku jinojoongmo kiijo' mae.’ ” Ka' po ule' mule' tinaloakon i Absalom, “Soba usahakon da aku timbali mangadap hi tomundo', ka' de daagi ahi' aku ko kasala'an halala'mo na aku obee'i hukuman opatei.”

2 SAMUEL 15:8

Kalana tempo'nyo aku daagi jinojoong kiijo' mae i Gesur, lipu' nu aha Siria, aku binajanji'mo mamba monsombah Tumpu kiijo' mae i Hebron de daagi Nu balakati mae na aku minsusule' i Yerusalem.”

2 SAMUEL 3:22

Salatan i Abner nambamo i Yoab tiba suludadu i Daud sangga'at anu namba nahampate ninsusule'mo mae ka' nomboamo mae manjoo' hondo na balang anu pinahuhuakon mae.

2 SAMUEL 3:3

I Kileab. Tinanyo i Abigail balu i Naban anu lengkat mae i Karmel. I Absalom. Tinanyo i Maakha anak boune nu Tomundo' Talmai lengkat mae i Gesur.

1 TAWARIKH 2:23

na nu palentah i da'erah Gilead. Panyo kalaja'an Gesur tiba Aram nompatundu'mo 60 na kampung toto ise-ise' i da'erah aijo' tiba kampung toto ise-ise' nu aha mian Yair, Kenat, ka' mule' kampung toto ise-ise' sangga'atnyo. Iwi-iwi' na mian anu jojoong i kiijo' lee' mae i Makhir tuuma i Gilead.

NOSABATMO 15:22

Lapas aijo' i Musa nomboamo bansa Israel lengkat mae i Ambai Gelagah nambamo i padang bola Syur. Tolun sinaamo na kinopinnyo na aha notulu padang bola madi' hondo nohumpak uee.

NOSABATMO 17:8

Lapas aijo' mian nu Amelek tinokamo nolambanimo mae da mahampatemo tiba aha mian nu Israel i Rafidim.

NOMBILANGMO 13:29

Mian nu Amalek jojoong sasu selatan i lipu' aijo'; mian nu Het, mian nu Yebus ka' Amori jojoong i da'erah puge'nyo; panyo mian nu Kana'an monjojoongi da'erah anu montuus ambai ka' montuusakon Kaunyo nu Yordan.”

NOMBILANGMO 14:45

Sahingga aha mian nu Amalek ka' aha mian nu Kana'an anu jojoong kiijo' mae nontumbuhimo mae ka' nompatundu'mo aha mian Israel haha aijo' ka' mule' nololoi'mo aha tinoka-toka i Horma.

YOSUA 12:5

Da'erah anu nu palentah monsangkup Bungkutnyo nu Hermon, Salkha, tiba songko-songko na Basan kojo'onnyo toka-toka i da'erah nu Gesur tiba Makha; ka' suele monsangkup sambagian na da'erah nu Gilead kojo'onnyo toka-toka i da'erah anu nu kuasai nu tomundo Sihon i kota Hesybon.

YOSUA 13:13

Panyo aha anu jojoong i Gesur tiba i Makha madi' i laa' nu aha mian Israel; aha daagi' jinojoong i Israel.

YOSUA 13:2

Iwi-iwi' na da'erah nu Filistin ka' Gesur,

YOSUA 16:10

Panyo tulunan nu bansa Efraim madi' nolaa' mian nu Kana'an i da'erah Gezer. Mokonyo aijo' sangkutnyo tempo' uuka aiya aha mian nu Kana'an daagi' kiijo' i Gezer hingga-hinggat tiba aha mian nu Efraim, panyo aha opakisa mokalaja salaku posaihon hi aha mian nu Efraim.

TO MIA-MIAN KOPIAN 1:29

I kota Gezer, tulunan nu bansa Efraim madi' nolaa' aha mian nu Kana'an anu jojoong i kota aijo'. Jadi aha mian nu Kana'an daagi' tataap jinojoong ikiijo' hingga-hinggat tiba aha.

1 SAMUEL 29:6

Lantas i lagamo i Akhis na i Daud ka' pinoto'inyomo hi ia, “Ko Tumpu anu tumuu' ku palesaya na beleyum memang montuluti aku. Sanang na aku de beleyum monsangalui aku mamba mahampate. Kalana salatanmo pe'e beleyum tinoka hi belengku sangkut uuka aiya, madai' kokasala'an nu beleyum. Panyo tomundo' haha aijo' sangga'at madi' mongka'ima'i beleyum.

1 SAMUEL 30:1

Inguansinaamo na i Daud tiba to sulu-suludadunyo tinokaje i kota' Ziklag. Salatan tinokamo ikiijo' tinokan nu aha mian nu Amalek nontumbuhimo mae sasu salatan lipu' nu aha Yehuda ka' nontumbuhimo mule' Ziklag. Madi' ko anu pinatean nu aha mau ola samian. Panyo pinapuanmo nu aha na kota' aijo' sampe noangot, lantas aha lau-lausmo namba ka' nomboamo to bou-boune, to ana-anak ka' mian sangga'at. Aha mule' nohakopmo bengkele' i Daud ua-ua aha i Ahinoam tiba i Abigail, tiba to ana-anaknyo ka' suele bengkele' tiba to ana-anak nu suludadunyo. I Daud tiba to sulu-suludadunyo sinusa'mo hondo, sahingga aha lewa'mo nohaangi ka' luusmo hondo na butong nu aha.