1 SAMUEL 26:6 - KITAB NU TUMPU ALLA LELE MA'IMAI'

⁶ Lapas aijo' pinokilawamo i Daud hi Ahimelekh mian nu aha Het, ka' hi Abisai utus i Yoab (tina nu aha i Zeruya), “Ihe na baani minsoop tiba aku mokiijo' i uno nu kemah i Saul?” Tinaaman i Abisai, “Akumo!”

1 SAMUEL 26:6 ပူးပေါင်းရင်းမြစ်များ

KAJADIAN 10:15

To ana-anak i Kana'an, aijo'mo i Sidon na tumpenyo lantas mule' i Het.

KAJADIAN 15:20

Het, Feris, Refaim,

KAJADIAN 23:3

Lapas aijo' i Abraham nompala'imo bengkele'nyo sisinila kamo aijo' ka' namba hi to mia-mian nu Het, anu jojoong i lipu' aijo'. Ia notatae,

KAJADIAN 26:34

Salatan i Esau umunnyo patompulu'mo na taun, ia no'osoamo tiba ohua' na langkoyang lengkat mae i tulunan bansa nu Het, aijo' mo i Yudit anak i Beeri, ka' i Basmat anak i Elon.

2 SAMUEL 11:21

Te kinolilimanmo na i Abimelekh anak i Gideon aijo' pinatean kiijo' mae i Tebes? Temisa' ia sinilaka kalana sinabapan nu boune samian na nolumbu'akon mae batu gilingan labu aita mae i pagan mesen nokaiyong hi ia?' De nupokilawa i Tomundo' sumo aijo' poto'i hi ia, 'I Uria suludadu i Tomundo' anu matangkas na pangkatnyo suele sinilakamo!’ ”

2 SAMUEL 11:24

Lapas aijo' aha nompana'mo mae kami pinobuanakaon nu aha aita' mae i pagan mesen nu kota' ka' tino pia-piangkuka na suludadu i Tomundo' anu matangkas na pangkatnyo sinilakamo tibamo suele i Uria.”

2 SAMUEL 11:6

Lia-lia' na i Daud nompotuun palentah hi Yoab, tukoonyo, “Sai pe'e mae na i Uria mian nu Het aijo' mamba mae pe'e hi belengku.” Sahingga sinaimo i Yoab na i Uria da mamba pe'e hi Daud.

2 SAMUEL 12:9

Kadaka' beleyum madi'mo nompajuli anu pinalentahkon-Kumo? Kadaka' beleyum nombaumo kalakuan anu ma'idek susumo aijo'? I Uria pinoki patean nu beleyum i uno nu pahampatean; pinobakasmo nu beleyum na ia da pinatean nu aha mian Amon, ka' mule' ingosoanmo nu beleyum na bengkele'nyo.

2 SAMUEL 18:5

Lantas pinalentahmo i tomundo' na i Yoab, i Abisai tiba i Itai tukoonyo, “Boli obelai nu belemiu na i Absalom olitau aijo' o'inau'akon mae na aku.” Iwi-iwi' na suludadu nohongo apaa na anu pinalentahkonmo i Daud aijo'.

2 SAMUEL 2:13

Ka' suele i Yoab (tinanyo sanggonyo i Zeruya) tiba suele suludadu i Daud nambamo i kota' aijo'. Ohu-ohua' na gombuan nu suludadu anu mompaha bali' aijo' nompaha ahopmo ikolam Gibeon; i Abner tiba to sanga-sangalunyo sinumuhang i santoanyo sasu aijo' mae, i Yoab tiba to sanga-sangalunyo sinumuhang i santoanyo sasu aijo' mae.

2 SAMUEL 2:18

Aha toto-totolu' na anak i Zeruya tempo'nyo aitu daagi aijo'mo: i Yoab, i Abisai, tiba i Asael. I Asael de mopadeka' malia' hondo sumo jonga,

2 SAMUEL 23:18

Aha tolumpulu' na suludadu anu matangkas na pangkatnyo ka' anu tinalasanggomo aijo' sinanggohan mule' “Tridasawira”. Anu mongkapalai aha i Abisai utus ise' i Yoab anak i Zeruya. Ia toho'mo nompatei nu talombo'nyo tolu'atu na mian. Kalana aijo' sahingga ia tinalasanggomo. Panyo ia madi' lebe baani molingkudui “Triwira”.

1 TOMU-TOMUNDO' 10:29

aijo' na mamba mongala ajahan lengkat mae i Mesir. Olinyo nu ajahan sa'angu' 150 na doi salaka', ka' olinyo nu kareta sa'angu' anu bau pahampate 600 na doi salaka. Lapas mae to mia-mian haha aijo' anu badagang, ajahan haha aijo' ka' kareta haha aijo' anu opake bau pahampate po'ule' mule' opobaluk hi to tomu-tomundo' Het ka' hi to tomu-tomundo' Siria.

2 TOMU-TOMUNDO' 7:6

Kalana, Tumpu nombaumo mian nu Siria da nohongomo lewo' susumo suludadu anu monsake'i ajahan ka' kareta montumbuhimo mae. Mian nu Siria haha aijo' nonsangkamo au'aitu tomundo' nu Israel nontamboimo i tomundo' Het ka' Mesir tiba suludadunyo nu aha da montumbuhi aha.

YOSUA 3:10

De belemiu mokiijo'mo mongahopimo aha, matantumo na Tumpu molaa'mo aha mian nu Kana'an, Het, Hewi, Feris, Gergasi, Amori tiba Yebus. Ka' salatan Peti' Palajanjian nu Tumpu hau-haunyomo motaap i Kaunyo nu Yordan mamba momona, lantas belemiu imihi-mihije otoamo nu belemiu na Tumpu Allah anu tumuu' atina' hi belemiu.

1 SAMUEL 26:7

Sahingga pihi-pihi aitu i Daud tiba i Abisai nonjolomo nokiijo' i uno nu kemah aijo' ka' nontoamo i Saul i hoyotmo i totonga' nu kemah, talombo'nyo pinotujaknyo i tano' koko ubaknyo. I Abner tiba suludadunyo hoyo-hoyot montikubi i Saul.