1 SAMUEL 26:20 - KITAB NU TUMPU ALLA LELE MA'IMAI'

²⁰ Boli opojohok na aku silaka i tano' nu aha mian anu i salipu'an majo'on lengkat hi Tumpu. Apaa na gunanyo tomundo' nu Israel toka mae mompatei sa'angu' na kutu susumo aku aiya? Apaa na gunanyo ia pagalamo mololoi' mae aku susumo mian pagalamo mololoi' louyu'?”

1 SAMUEL 26:20 ပူးပေါင်းရင်းမြစ်များ

YEREMIA 16:16

Tumpu notatae, “Aku kahanda'mo molaga manjoo' na anu saja mompagala ikan da mohakop mian haha aiya. Lapas aijo' Aku kahanda'mo molaga manjoo' na anu saja' mombebas da mombebasi aha aita' mae itoto sa'angu' na bungkutnyo tiba puge'nyo ka' mule' itoto sa'angu' na liang nu bungkutnyo nu batu.

MOHAANGI 3:52

Sumomo tomonsi', na aku iloloi' nu sampobali' anu madi' ko saba-sababnyo mongka'idekimo aku.

MATIUS 26:47

Hau-haunyo i Yesus daagi' basisik, i Yudas sala'samian anu sampulu' ka' ohua' na anu saja' mombatuki Ia aijo' tinokamo. Nohingga-hinggat mae tiba ia, tinoka suele da'isan na mian anu nomboa mae bajak ka' amangkun. Aha sinai nu Kapala nu to Ima-imam ka' to pola-polaya' nu Yahudi.

MATIUS 26:55

Lantas i Yesus notatae hi mian da'isan aijo', “Te Aku mian ma'idek, sampe komiu toka momboa mae bajak, ka' amangkun mohakop Aku? Toka sansina-sinaa Aku mongajan i Laigan nu Tumpu, kadaka' komiu madi' mohakop Aku!

1 SAMUEL 2:9

Mian anu tulu-tulutan madi' ko anu mompoposia, Tumpu na monjagai. Panyo mian anu mombau anu ma'idek opatei iwi-iwi' i uno nu pintung ka' pikat hondo. Posi kahosonan madi' otaha imani, kahosonan nu mian madi' mombee'i ka'untungan mahampate.

1 SAMUEL 24:11

Uuka aiya posi belento Tomundo' nonsumbu'mo taalu' kiijo' i unonyo nu bolo' sabenannyo Tumpu nombee'mo belento Tomundo' hi belengku aiya. Aku sinale'anmo nu sala' samian da opateimo na belento Tomundo' panyo aku aiya madi' nontuluti. Tinaamanku tukoongku aku madi' mongka'oho' mombau anu ma'idek hi Tomundo'ku anu pinile'anmo nu Tumpu.

1 SAMUEL 24:14

Belento Tomundo' tantu monsumbu' basa' nu aha mian anu daagi naipuan mae sumo uuka, 'Kalakuan anu ma'idek, anu mombau ola mian anu ma'idek na kalakuannyo'.' Kalana aijo' aku aiya madi' mombau anu ma'idek hi belento Tomundo'.

1 SAMUEL 24:15

Soba toa mae na aku aiya anu kahanda'mo nu patei nu tomundo' nu Israel! Soba toa mae na aku aiya anu lewa'mo nu loloi' nu aha! Aku aiya ola sumo sa'angu' na dedeng anu natemo, ola susumo sa'angu' na somoyu.

1 SAMUEL 25:29

De ko samian montumbuhi belento Tuanku ka' monsoba-soba mompatei belento Tuanku saba' belento Tuanku na nu jagai ahi' nu Tumpu Allah susumo halata' anu nu jagai nu tumpunyo. Panyo sampo bali' nu belento Tuanku o alinmo jo'o-jo'on nu Tumpu, salambeta na pongalin jo'o-jo'on.