1 SAMUEL 26:19 - KITAB NU TUMPU ALLA LELE MA'IMAI'

¹⁹ O Tomundo' potombihing mae pe'e na potataengku aiya. De belento Tomundo' pinokau nu Tumpu mongewa mae aku yo anu osombahkon na koloban timbali momposabaan kinyonyoa-Nyo da bolimo montambuha'i mae aku. Panyo de anu nompokau belento Tomundo' aijo' manusia, o'amalakon da aha nu kutuki nu Tumpu! Kalana palabuatan nu aha aijo' sahingga aku ilaa'mo da nompala'imo tano' anu nu Tumpu, sahingga nambamo ahi' ilipu' sangga'at sahingga aku nonsombahmo to pilo-pilogot nu aha anu isalipu'an.

1 SAMUEL 26:19 ပူးပေါင်းရင်းမြစ်များ

KAJADIAN 44:18

I Yehuda nokiijo'mo nongohani i Yusuf ka' notatae, “Ampun, Tuanku, de timbali da aku motatae pe'e hi belento Tuanku. Boli montambuha'i mae aku; belento Tuanku sumomo Tomundo nu Mesir.

KAJADIAN 8:21

Hongohisnyo nu koloban anu sinombahkonmo aijo' nomposanangmo kinyonyoa nu Tumpu, sahingga Ia notataemo i uno nu kinyonyoa-Nyo, “Aku madi'mo daagi' mongkutuki dunia aiya kalana palabuatan nu manusia; Ku sumbu' saba' aha daagi' pe'e tempo'nyo ma'isa motu'a, pikilan nu manusia aijo' ma'idek. Aku madi'mo daagi' monsilakai iwi-iwi' apaa na anu ko nyawanyo, susumo anu sala'je binaung-Ku aiya.

2 SAMUEL 14:16

Kututugi belento Tuanku mompotombihing mae ka' momposalamatmo mae aku da mian bolimo mae ko tanga'an kahanda' mompatei aku tiba anaku. Aha ko tanga'an molaa'mo kami da opala'imo na tano' anu binee'mo nu Tumpu Allah hi mian anu pinalesayamo hi Ia.

2 SAMUEL 16:10

Panyo notatae na i tomundo' hi Abisai ka' hi Yoab utusnyo tu'a, “Boli mohongo-hongo. Pojohokmo da nu totobi'akon mae na aku. Saba de Tumpu na mompokau ia, ihe na timbali moko ala mompokilawa, kadaka' ia nombaumo anu sumo aijo'?”

2 SAMUEL 16:11

Lantas i Daud po ule' mule' notatae hi Abisai ka' hi iwi-iwi' na posaihonnyo, “Posi anaku pe'e ko gia'mo mompatei aku; yo kadaka' na belemiu na ko banga-bangangmo na montoa mian nu Benyamin aiya? Tantu Tumpu na nompokau mae ia montotobi'akon aku; kalana aijo' boli opoposia na ia ka' pojohokmo na ia montotobi'akon mae aku.

2 SAMUEL 20:19

Kota' mami Abel aiya daka', sala'sa'angu' na kota anu madi' lewa' mombau kahengge'an ka' tulu-tulutan hondo aiya i tano' nu Israel. Kadaka' belento Tuan ko tanga'anmo mongidei? Te ko kahanda'mo na belento Tuan mongidei tano' nu Tumpu?”

2 SAMUEL 21:3

ka' pinokilawanyo hi aha, “Apaa na anu tionyo ahi' ku bau hi belemiu? Aku ko tanga'an kahanda' montokong kasala'an anu binaumo hi belemiu, da belemiu mombalakati mae mian anu pinalesayamo hi Tumpu.”

2 SAMUEL 24:1

Tumpu pinusa mule' hi mian nu Israel, lantas sinale'annyo mule' na i Daud da oposusa' mule' na bansa aijo'. Koonyo nu Tumpu hi ia, “Lekengmo na aha mian nu Israel tiba mian nu Yehuda.”

1 TOMU-TOMUNDO' 22:22

'Mosia na beleyum pagala monsale'i?' na koonyo nu Tumpu. Malaikat aijo' nontaami, 'Aku mamba ka' ku sale'ije na nabi iwi-iwi' da timbali baleko'.' Tumpu notatae, 'Ma'ima'mo de sumo itina', baumo sumo itina', timbalimo nupoko sale'i na ia.’ ”

1 TAWARIKH 21:1

Ibilis kahanda'mo monsilakai aha mian nu Israel; kalana aijo' pagalamo sinale'annyo na i Daud da obilangmo na mian.

MAZMUR 120:5

Silakamo na aha kalana tumuu'mo hingga-hinggat tiba beleyum; madi' sala' sumomo ahi' jinojoong i Mesekh, kabai hi aha mian nu Kedar.

MAZMUR 20:4

O'amalakon da iwi-iwi' na anu sinombahkonmo nu beleyum nu inau' mae, ka' sanang na Ia i koloban nu beleyum iwi-iwi' anu opotunu.

AMSAL 30:10

Boli mompitana' samian na posaihon hi tuannyo, dumo beleyum nu kutuki ka' osangka sala'.

YESAYA 60:5

Belemiu nontoa aijo', bangangmo ka' ohup nu beleyum lame'mo; beleyum sanangmo na kinyonyoa bilahimo. Halata' nu to bansa-bansa oboamo hi belemiu, kakaya'an anu lengkat mae i santoa nu ambai manjoo'mo atina' hi belemiu.

IMAMAT 26:31

kota-kota' nu belemiu Ku potimbalimo tambulan nu anu i honsuhanmo, tampat pontalakanian nu belemiu pilogot Ku honsuhimo, ka' anu okolobanakon nu belemiu madi'mo Ku talima.

NOMBILANGMO 36:7

Tano' pusaka' nu aha mian Israel toto samian tionyo ahi' saja' otatusakon hi tulunan nu bansanyo.

NOMBILANGMO 36:9

sahingga tano' pusaka' aijo' madi' molali-lalin lengkat hi sa'angu' na tulunan nu bansa mamba hi sa'angu' mule' na tulunan nu bansa sangga'at. Batu-batu tulunan nu bansa Israel sabole-bole ahi' montoongi posi tano pusaka'nyo.”

ROMA 14:15

Panyo de apaa na anu okaan nu kita Utus, samian na utus sangalunto anu bubuu' palesaya osakitimo na kinyonyoanyo, saba' kita Utus madi'mo mimpikilan molengkat i kinyonyoa anu molibos. De i Kristus sinilakamo bau kapentingan nu toto samian, boli mompojohok mian aijo' dumo ma'idek na kinyonyoanyo kalana nu saduakonmo nu anu okaan nu kita Utus.

GALATIA 5:12

Lebe ma'ima' to mia-mian anu mompokalangkabut pikilan miu aijo' mosabatmo bolimo minsoop i jama'at!

PO'ULE' INGULIT 13:3

boli montapali mian aijo'. Tumpu Allah nu belemiu mompake mian aijo' kahanda' da monsobai belemiu kalana ko kahanda' montoa pa' totu-totu'u na belemiu mongkalibosi Tumpu totu-totu'u kabai madi'.

2 TIMOTIUS 4:14

I Aleksander, tukang tutuk tambaga aijo' nombaumo hahan anu ma'idek hondo hi belengku. Tumpuje na mombalosi ia sitimbang tiba apaa na anu binaunyomo.

1 SAMUEL 18:10

Dodododopnyo i Saul kiijo' ilaigannyo hau-haunyo montoongi talombo'nyo, monti-montiik ia sinoku'anmo nu roh anu ma'idek, anu sinai mae nu Tumpu Allah, sahingga ia notomuhukmo susumo mian anu ingulawonmo. Tempo'nyo aitu i Daud hau-haunyo nongkuti'mo kasapi' susumo anu lewa' nu bau.

1 SAMUEL 24:9

I Daud suele nosabatmo i liang aijo' ka' noloboo'akon mo aijo' mae ihiku i Saul, “O Tomundo'!”

1 SAMUEL 25:24

ka' notatae hi ia, “O Tuanku potombihing pe'e mae! Bakas kasala'an aijo' akumo na montanggungi!

1 SAMUEL 27:1

I Daud binapikinmo i uno nu kinyonyoanyo, “Maumo pa' mosiamo, memang i sinaa sangga'at aku tionyo ahi' nu pateimo i Saul. Jadi madi'mo ko jalan sangga'at na ku ala, ola ahi' mopalaimo mamba i lipu' nu aha mian Filistin.”