1 SAMUEL 25:39 - KITAB NU TUMPU ALLA LELE MA'IMAI'

³⁹ Salatan i hongomo i Daud na i Nabal sinilakamo notataemo na ia, “O puji' na Tumpu! Ia nombalosakonmo i Nabal anu saja' mongambangi aku, ka' nontewa'mo posaihon-Nyo aiya da bolimo mombau anu ma'idek. Tumpu nohukumo i Nabal kalana ia saja' mombau anu ma'idek.” Lapas aijo' i Daud nonsaimo mian da mamba hi Abigail mondutakon de timbali da baumo bengkele'nyo.

1 SAMUEL 25:39 ပူးပေါင်းရင်းမြစ်များ

2 SAMUEL 1:16

Koonyo i Daud hi olitau nu aha Amalek aijo', “Posi beleyum na nompokona hukuman mate aiya hi butong nu beleyum kalana nongakuimo tukooyum beleyum nompateimo tomundo' anu pinile'anmo nu Tumpu!”

1 TOMU-TOMUNDO' 2:44

Nusumbu' totu-totu'u na ka'idekan nu beleyum iwi-iwi' hi tuumangku. Kalana aijo', Tumpu mohukummo beleyum,

ESTER 7:10

Sumo aijo' na i Haman pinokalayo'mo i ohi' anu pinototonnyomo anu kiniboli' bau pompokalayo'annyo i Mordekhai, lantas ilapas na aijo' atina'je ka' i tomundo madi'mo notambuha'.

ESTER 9:25

Panyo i Ester na nangadapmo hi tomundo, ka' pinalentahkonmo i tomundo, palentahnyo aijo' tinulis anu nonsaduakonmo tanga'an ma'idek anu binau i Haman nosi konamo posi butongnyo, sahingga ia ka' to ana-anaknyo pinokalayo'mo i ohi' anu binau da pompokalayo'an.

MAZMUR 7:16

Ia nongkekemo bolo' da manabu' na mian sangga'at, panyo posi iamo ahi' na nanabu' i unonyo.

MAZMUR 9:5

Kalana Belento mompalentah salaku mian kopian anu adin hondo; Belento nontinjohimo mae palakalangku.

AMSAL 18:22

Mian anu nohumpakmo bengkele', nohumpakmo kauntungan, bengkele' aijo'mo na balakat lengkat mae hi Tumpu.

AMSAL 19:14

Laigan ka' halata' timbali ohumpak hi tu'anyonyo, panyo bengkele' anu pande aijo' balakat anu lengkat mae hi Tumpu.

AMSAL 22:23

Kalana, Tumpu na monsangaja'i palakala nu aha ka' mongala napas nu mian anu mombee'i kasansala'an aha.

AMSAL 31:10

Bengkele' anu pande susa' na ohumpak; ia lebe ko angga'nyo nu lingkudui na intan anu jongkilaban.

AMSAL 31:30

Sahayanyo nu mian anu handa madi' timbali opalesaya, ka' kohandanyo madi' sampe toka sidu-sidutu'; panyo boune anu montuluti Tumpu pantas na opuji'.

NYANYIAN ANU TALASANGGO 8:8

Kami daagi ko samian na boune utus ise', anu daagi ise' na susunyo, Apaa na anu obau mami hi ia, de ko samian anu tokamo mae monduta ia?

MIKHA 7:9

Kita binaladosa'mo hi Tumpu kalana aijo' uuka aiya kita tionyo ahi' mongoa'imo kapusan-Nyo. Panyo madi'mo pin Ia monsangaja'imo kita ka' mule' mombee'imo ka adilan hi kita. Ia monsabatakonmo kita ka' momboamo ijingka; kita mongoa'imo kasalamatan lengkat hi Ia.

2 KORINTUS 13:7

Kami balado'a hi Tumpu da Ia mongka'oho' montulungi komiu da madi'mo mombau kasala'an. Misa' mongka'oho' mompotoa au'aitu kami aiya memang pande na mompojalan palentah, panyo da komiu mombau apaa na anu nukahanda'i nu Tumpu – mau mule' otoa kami madi' moko ala mombau, madi' mongkuka!

1 TESALONIKA 5:23

O amalakon da posi Tumpuje na mombee'i kita ka'ima'an, mompotimbali komiu mian anu totu-totu'u tumuu'mo samata-mata hi Tumpu. O amalakon da Tumpu monjagai butong miu, iwi-iwi' mau mule' roh, santuu' kabai pe'e butong miu, sahingga madi' ko ideknyo de Tumpunto i Yesus Kristus mompo'ule'mo mae toka.

2 TIMOTIUS 4:18

Memang Tumpu na montulungi mae aku i iwi-iwi na usaha anu ma'idek da madi' mae mongkona aku. Ia momboaje aku i uno nu ka'ada'an salamat hi Kalaja'an-Nyo i Suluga'. Tionyo Ia saja' opopodaka' sampe toka sidu-sidutu'! Amin.

TO MIA-MIAN KOPIAN 5:2

Opuji' na Tumpu kalana suludadu iwi-iwi' nu aha mian Israel mongka'oho'mo mahampate, ka' mian da'isan suele mongka'oho'mo mamba mahampate.

1 SAMUEL 24:15

Soba toa mae na aku aiya anu kahanda'mo nu patei nu tomundo' nu Israel! Soba toa mae na aku aiya anu lewa'mo nu loloi' nu aha! Aku aiya ola sumo sa'angu' na dedeng anu natemo, ola susumo sa'angu' na somoyu.

1 SAMUEL 25:26

Ka' uuka aiya o Tuanku, i uno nu sanggo nu Tumpu anu tumuu', aku basumpa' da uka' da mian iwi-iwi' anu monsampo bali' belento Tuanku ka' toto samian na anu ko kahanda' mompatei belento Tuanku pokakanamo susumo uka' i Nabal.

1 SAMUEL 25:32

Lantas notataemo na i Daud hi ia, “O puji' na Tumpu Allah Israel anu nonsaimo mae beleyum nonsingkaboti aku sinaa aiya!

1 SAMUEL 25:34

Tumpu nontewa'mo aku da boli mombau anu ma'idek hi beleyum. Tiba sanggo nu Tumpu, Tumpu Allah nu Israel anu tumuu', de beleyum madi' ampa mae nonsingkaboti aku tantu iwi-iwi' na to posa-posaihon i Nabal i natemo salatan binete'mo na sinaa!”

1 SAMUEL 25:40

Sahingga tinokamo ikiijo' na mian anu sinai i Daud hi boune aijo' kiijo' mae i Karmel ka' pinoto'inyomo hi ia, “Kami pinokau mae i Daud mangadap hi belento Pontina'on, kalana ia ko kahanda' monduta belento Pontina'on da baumo bengkele'nyo.”

1 SAMUEL 26:10

I uno nu sanggo nu Tumpu anu tumuu' ku sumpa'akon saba' Tumpuje na mompatei i Saul de ukunnyo tokamo mae kabai de ia matemo i uno nu pahampatean.