1 SAMUEL 25:36 - KITAB NU TUMPU ALLA LELE MA'IMAI'

³⁶ Salatan i Abigail ninsusule'mo hi Nabal tinokannyo kinobau-bauonmo anu kada' hondo i laigan nu aha sumomo bau-bauon nu tomundo'. Jadi kalana i Nabal nalangumo ka' talalomo i lame' na ia, sahingga bengkele'nyo ma'isa nompoto'i apa-apaa sampe tinoka dodododopnyo.

1 SAMUEL 25:36 ပူးပေါင်းရင်းမြစ်များ

2 SAMUEL 13:23

Noko lapas ingohua' na taun i Absalom nombaumo bau-bauon monggunting bulu nu domba kiijo' i Baal-Hazor, koko kota' Efraim, ka' ilaganyo iwi-iwi' na to momo'ane anak i tomundo'.

2 SAMUEL 13:28

To posa-posaihonnyo pinalentahnyomo, “Otoa ima-ima' de i Amnon malangumo kalana nonginumo anggur, ku bee'ije tanda lantas pateimo na ia. Boli mabuhuk, Aku na montanggung han aijo'. Babaani ka' boli bata-bata!”

2 SAMUEL 3:20

Tempo'nyo i Abner tiba aha uampulu' na suludadunyo nangadap hi Daud kiijo' mae i Hebron, i Daud nombaumo bau-bauon nompokaan aha.

1 TOMU-TOMUNDO' 20:16

Nontumbuhi tinampu'unan sina-sinaa tempo'nyo i Benhadad ka' 32 na tomundo' anu nonsangaja' tiba ia aijo' hau-haunyo lewa' batawa' sampe aha nalangu i kemah nu aha.

MAZMUR 112:5

Mohumpak ka'ima'an na mian anu manonong ka' sanang na monsaboli ka' madi' tageo' i uno nu iwi-iwi na ulusan.

AMSAL 20:1

Inumon anu moko palangu mombau mian madi'mo mingadat ka' lewa'mo hengge'. Ponga' ahi' na mian anu monginum sampemo malangu.

ANU MOMPOLELE POTATAE NU TUMPU 10:19

Bau-bauon mompotimbali kumojo ka' mule' anggur mompotimbali lame' panyo tionyo ahi' ko doi da bau pongoli.

YESAYA 28:3

Anu nunu takabunakon nu to pola-polaya' anu nalangu'mo aijo' saidi' mae opahampeja'akonmo.

YESAYA 5:11

Silakamo na belemiu! Lengkat pe'e daagi subu sampe malom belemiu ola sola' bala inum inumon anu mokopalangu ka' lewa' malangu.

YEREMIA 51:57

Ku languimo na to mia-mian anu kopangkatnyo ipamalintahan Babel mian anu toto pande-pande, to pola-polaya' tiba to sulu-suludadu. Aha madi'mo daagi' sola' po ule' mobula, panyo sahoyotnyomo sampe toka sidu-sidutu'. Aku, notataemo; Akumo na tomundo', Aku, Tumpu Anu Balakuasa hondo.

HOSEA 4:11

Tumpu notataemo, “O mian-Ku anu palesayamo, mau anggur anu pininmo, mau anggur anu salaje nongalinimo kamampuan bapikin ihan anu ma'ima'.

NAHUM 1:10

Beleyum opapuimo susumo hat anu nanggasmo, susumo kuhat anu ko hii'nyo anu ningkalekotmo.

MATIUS 10:16

“Palahatikan na aiya: Aku monsai komiu sumo domba anu madi' moko ala mokiijo' i totonga' nu pojek anu buhingison. Komiu tionyo balajaga-jaga sumo ulo ka' hodi' na kinyonyoa sumo tomonsi' malapati'.

LUKAS 14:12

Lantas koonyo i Yesus hi tumpu nu laigan, “De beleyum mompaso mian i bau-bauon mongkaan sinaa kabai mongkaan malom, boli mompaso sangalu kabai utus, kabai to tomi-tominsan, kabai sampo bebe' nu laiganum anu kaya. Kalana saidi' mae aha suele mompaso komiu, desumo aitu beleyum montalima pombalosi nu bau-bauonum.

LUKAS 21:34

“Ojagai na butongum, boli komiu talalo mongka'ima'i mombau bau-bauon ka' lewa' monginum inumon anu moko langu, kabai talalo mompotutugakon kapalaluan nu kantumuu'anum, sahingga komiu madi' mosadia sampe toka sinaanyo aijo' anu nu potolokengkeng mae.

ROMA 13:13

Kita tionyo mombau anu ko adatnyo sumo anu biasanyo obau sinaa; boli mompopodaka' bau-bauon moliu-liumo anu madi' opoko ala obaunto, kabai malangu. Boli masala', kabai kalakuan anu madi' ko atulannyo. Boli mahantuda' kabai pusa na kinyonyoa.

EFESUS 5:14

Kalana iwi-iwi' anu manasamo na otoa, aijo' majingka. Mokonyo aijo' tinaloakonmo, “Hee pobulamo na beleyum anu hoyot, ka' anu sinilakamo, po'ule'mo tumuu'! I Kristus monjingkaimo beleyum.”

EFESUS 5:18

Boli komiu malangu nu anggur, kalana aijo' mongidei komiu. Ola ahi' maunyo komiu nukuasai nu Roh nu Tumpu.

1 SAMUEL 25:19

Lantas pinoto'inyomo hi to posa-posaihonnyo, “Belemiu na mamba momona; aku imihije mombatuki belemiu.” Panyo ia madi' nompoto'i apa-apaa hi langkai'nyo.

1 SAMUEL 25:37

Dodododopno subu-subu salatan i Nabal madi'mo nalangu, pinoto'imo nu bengkele'nyo hi ia, iwi-iwi' na kalakuan anu ma'idek aijo'. Lantas i Nabal kinonamo nu sakit kiijo' i sulenyo sahingga songko-songko na butongnyo kinapi'mo.