1 SAMUEL 25:34 - KITAB NU TUMPU ALLA LELE MA'IMAI'

³⁴ Tumpu nontewa'mo aku da boli mombau anu ma'idek hi beleyum. Tiba sanggo nu Tumpu, Tumpu Allah nu Israel anu tumuu', de beleyum madi' ampa mae nonsingkaboti aku tantu iwi-iwi' na to posa-posaihon i Nabal i natemo salatan binete'mo na sinaa!”

1 SAMUEL 25:34 ပူးပေါင်းရင်းမြစ်များ

KAJADIAN 20:6

Sahingga Tumpu Allah nontaamimo i uno nu ipionnyo aijo', “Memang Ku sumbu' na beleyum nolakukanmo han aijo' kinyonyoaum ma'ima' hondo. Kalana aijo' tinewa'-Kumo na beleyum boli mombau dosa' hi beleng-Ku, ka' madi' pinojohok-Ku na beleyum nongkanyang boune aijo'.

YOSUA 10:6

Aha mian nu Gibeon nompolelemo lele aiya hi Yosua kiijo' i kemah nu aha i Gilgal, “Boli opojohok nu belento na kami ola sausa' Tuumangku! Lia-lia' toka mae montulungi kami, kalana suludadu lengkat mae hi tomundo nu aha Amori iwi-iwi' i da'erah anu i bungkutnyo nosa'angu'mo mongewa kami!”

YOSUA 10:9

Sinampahu na i Yosua tiba gombuan nu suludadunyo lengkat mae i Gilgal nokiijo' i Gibeon lantas nontumbuhimo aha mian nu Amori pinotolokengkeng nu aha.

1 SAMUEL 11:11

Dodododopnyo subu-subu, i Saul nombagimo mian binaunyo totolu' na gombuannyo. Ka' salatan binete'mo nasina aha nontumbuhimo nokiijo' itotonga' nu binakemah'an nu aha mian Amon aijo' ka' nompahampateakonmo aha. Ma'isa pe'e sinonsu'un suludadu i Saul nompatundu'mo sampo bali' nu aha. Mian nu Amon haha aijo' anu noko popalai nosungkehetmo sahingga mau ola ua aha madi' noko ala nojajalan na nopalai.

1 SAMUEL 25:18

Lantas lia-lia' na i Abigail nongala roti ua'atu na angu'annyo ka' ohua' na botutu kilit pinobuke'an nu anggur, olima' na domba anu tinunuanmo, gandum sampulu' ka popitu' na kilogram anu ginolengmo, sa'atu na pumpungan nu anggur anu nahamo, ka' ua'atu na kukis. Iwi-iwi' aijo' pinosake'nyomo i to kele-keledainyo.

1 SAMUEL 25:22

Sahanyo pateimo mae na aku Tumpu Allah de madi' ku patei iwi-iwi' na to momo'ane anu kiijo' mae ma'isa pe'e bete' na sinaa.

1 SAMUEL 25:26

Ka' uuka aiya o Tuanku, i uno nu sanggo nu Tumpu anu tumuu', aku basumpa' da uka' da mian iwi-iwi' anu monsampo bali' belento Tuanku ka' toto samian na anu ko kahanda' mompatei belento Tuanku pokakanamo susumo uka' i Nabal.

1 SAMUEL 25:39

Salatan i hongomo i Daud na i Nabal sinilakamo notataemo na ia, “O puji' na Tumpu! Ia nombalosakonmo i Nabal anu saja' mongambangi aku, ka' nontewa'mo posaihon-Nyo aiya da bolimo mombau anu ma'idek. Tumpu nohukumo i Nabal kalana ia saja' mombau anu ma'idek.” Lapas aijo' i Daud nonsaimo mian da mamba hi Abigail mondutakon de timbali da baumo bengkele'nyo.