1 SAMUEL 25:30 - KITAB NU TUMPU ALLA LELE MA'IMAI'

³⁰ Nu baumo nu Tumpu na anu ma'ima' iwi-iwi' anu jinanji'-Nyomo hi belento Tuanku, ka' madi'mo daagi pin na belento Tuanku nu potimbalimo tomundo' hi aha Israel.

1 SAMUEL 25:30 ပူးပေါင်းရင်းမြစ်များ

2 SAMUEL 5:2

Salatanmo pe'e naipuan mae, ka' mule' tempo'nyo i Saul daagi nompalentah kami, belentomo Tomundo' na nongkapali suludadu nu Israel de aha mambamo mahampate, ka' mule' Tumpu binalajanji'mo hi belento Tomundo' na molaya' mian anu pinalesayamo hi Ia, ka' timbaliomo tomundo' nu aha mian Israel.”

MAZMUR 89:20

Naipuan mae tempo'nyo Belento nanintoa, Belento nompoto'imo hi posaihon nu Belento ano tulu-tulutan. “Aku nontulungimo samian anu baani hondo, samian anu pinile'an-Kumo aijo' hi aha mian da'isan ka' i hangkatkumo na sanggonyo.

1 SAMUEL 13:14

Panyo uuka aiya belento Tomundo' mompalentah madi' pin. Kalana belento Tomundo' madi' mombatuki palentah nu Tumpu, sahingga Tumpu mompile'imo sangga'at mian anu nu ka'i ma'i na timbali tomundo' hi aha mian anu pinalesayamo hi ia.”

1 SAMUEL 15:28

Lantas notataemo na i Samuel hi ia, “Sinaa aiya Israel anu nu palentah nu belento Tomundo' bineakmo nu Tumpu ka' nu bee'mo hi mian sangga'at anu lebe ma'ima' molingkudui belento Tomundo'.

1 SAMUEL 23:17

Pinoto'i i Yonatan hi ia, “Boli mabuhuk, beleyum madi' nu poko ala nu patei nu tuumangku. Tuumangku nonsumbu'mo saba' beleyum na timbali tomundo' saidi' mae nu aha Israel, ka' mule' aku mohumpakmo pangkat hi beleyum.”

1 SAMUEL 24:21

Uuka aiya sinumbu'kuje taalu' beleyumo na timbali tomundo' nu Israel ka' timbalimo mahoson na Israel ka' mule' kalaja'an nu Israel sabole-bolemo tataap mahoson de beleyumo na mompalentah.

1 SAMUEL 25:31

Tokaje i tempo' aijo' na belento Tuanku tonginau'mo taalu' belento Tuanku madi' ahi' nompatei de madi' kino sababnyo kabai nosi alamo tanga'an sahingga belento Tuanku boli susa' ka' mompele-pele'. Ka' de belento Tuanku nu balakatimo nu Tumpu boli belento Tuanku mongkolilimi mae aku aiya.”