1 SAMUEL 25:25 - KITAB NU TUMPU ALLA LELE MA'IMAI'

²⁵ Bolimo kita Tuanku mompopikinakon i Nabal mian anu madi'mo kinokaliangannyo aijo'! Ia mian anu ponga' – pokakanamo susumo alati'nyo nu sanggonyo. Aku madi' nontoa to posa-posaihon anu sinai mae nu belento Tuanku.

1 SAMUEL 25:25 ပူးပေါင်းရင်းမြစ်များ

2 SAMUEL 13:33

Jadi boli pe'e opalesaya na to ana-anak mo'ane nu belento Tomundo' sinilakamo iwi-iwi', kalana anu sinilakamo ola ahi' i Amnon.”

AMSAL 29:7

Mian anu manonong monsumbu' haknyo, nu mian anu madi' moko ala mombau apa-apaa, panyo mian anu ma'idek na kinyonyoanyo madi' monsumbu'.

YESAYA 32:5

Mian anu ponga' madi'mo daagi' o, anggap mian anu oholomati, ka' mian anu saja' mongakali madi'mo daagi osanggohi mian anu hodi' na kinyonyoanyo.

YESAYA 42:25

Sahingga binau-Nyomo nakita da nonta'up tambuha'-Nyo anu taha-tahahumo, ka' nongoa'imo kasansala'an kalana talalomo ahi' na lewa' nahampate. Tambuha'-Nyo nontoyo'imo Israel susumo apu, panyo kita madi' ahi' sininsumbu', ka' madi' binalagulu' ihan anu ingoa'antomo.

MALEAKHI 2:2

O adati mae na Aku nu palabuatan nu belemiu. De belemiu madi' mongka'oho' mompotombihing potataeng-Ku, belemiu Ku kutukimo. Iwi-iwi' na anu ihumpakmo nu belemiu salaku lejeki obali'mo timbali kutuk. Memang ahi' iwi-iwi' na anu toto ima-ima' aijo' kinutukan-Kumo kalana belemiu madi' montapali palentang-Ku.

1 SAMUEL 25:17

Kalana aijo', soba tutugi pe'e na han aijo' ka' tantukan apaa na anu nu bau nu belento Bengkele' i tomundo'. Kalana tokamo mae na balosnyo hi tuanto ka' hi sa'anakannyo iwi-iwi'. Tuanto madi' hondo mompajuli maumo pa' ihe sahingga i tuan madi' opoko ala o endei da basale'!”

1 SAMUEL 25:24

ka' notatae hi ia, “O Tuanku potombihing pe'e mae! Bakas kasala'an aijo' akumo na montanggungi!

1 SAMUEL 25:26

Ka' uuka aiya o Tuanku, i uno nu sanggo nu Tumpu anu tumuu', aku basumpa' da uka' da mian iwi-iwi' anu monsampo bali' belento Tuanku ka' toto samian na anu ko kahanda' mompatei belento Tuanku pokakanamo susumo uka' i Nabal.