1 SAMUEL 25:19 - KITAB NU TUMPU ALLA LELE MA'IMAI'

¹⁹ Lantas pinoto'inyomo hi to posa-posaihonnyo, “Belemiu na mamba momona; aku imihije mombatuki belemiu.” Panyo ia madi' nompoto'i apa-apaa hi langkai'nyo.

1 SAMUEL 25:19 ပူးပေါင်းရင်းမြစ်များ

KAJADIAN 32:16

Binagi-baginyo na binatang haha aijo' tinimbali tinopia-piangkuka na tompukan, lantas toto santompuk binee'nyo hi samian na posaihonnyo. Ia notatae hi aha, “Lajangmo maba i moona, aku i mihije, ka' otoa na olotnyo lengkat i tompukan sa'angu' tiba tompukan nu sangga'at.”

KAJADIAN 32:19

Hi posaihonnyo anu ko ohua'nyo, ka' ko totolu'nyo ka' iwi-iwi' mian anu pinalentahkon montoa ka' mongkalesang pahasan nu binatang haha aijo' binee'annyomo palentah pokakana. Kalana tinutugan i Yakub anu nu sombahkon aijo', de singkabot saidi' mae tiba i Esau bau pohase'nyo da i Esau mongka'oho' mongampuni ia.

KAJADIAN 32:21

Jadi ia nompakatumo mae i moona anu osombahkon aijo', panyo ia daagi' mae sinonso' i nale' i kemah.

AMSAL 31:27

Ia makeke hondo na mokalaja; ka' mompalahatikan ulusan nu aha salaigan.

1 SAMUEL 14:1

Daagi kino sansinaan, i Yonatan notataemo hi samian na olitau anu nomboakon toongonnyo bau pahampate, “Donganmo da kita mambamo mokiijo' i ponjaga'an nu aha mian Filistin aijo' mae i santoanyo!” Panyo ia madi' nompoita da nu pobee' nu tuumanyo.

1 SAMUEL 25:20

I Abigail nonsake'i keledainyo ka' salatan ia tinokamo i sa'angu' na poselean i sohipi' nu bungkutnyo siningkabotmo na ia tiba i Daud ka' to sulu-suludadunyo anu nintudunmo mae ka' suele nambamo i tampat anu bubu' otujui.

1 SAMUEL 25:36

Salatan i Abigail ninsusule'mo hi Nabal tinokannyo kinobau-bauonmo anu kada' hondo i laigan nu aha sumomo bau-bauon nu tomundo'. Jadi kalana i Nabal nalangumo ka' talalomo i lame' na ia, sahingga bengkele'nyo ma'isa nompoto'i apa-apaa sampe tinoka dodododopnyo.