1 SAMUEL 25:18 - KITAB NU TUMPU ALLA LELE MA'IMAI'

¹⁸ Lantas lia-lia' na i Abigail nongala roti ua'atu na angu'annyo ka' ohua' na botutu kilit pinobuke'an nu anggur, olima' na domba anu tinunuanmo, gandum sampulu' ka popitu' na kilogram anu ginolengmo, sa'atu na pumpungan nu anggur anu nahamo, ka' ua'atu na kukis. Iwi-iwi' aijo' pinosake'nyomo i to kele-keledainyo.

1 SAMUEL 25:18 ပူးပေါင်းရင်းမြစ်များ

2 SAMUEL 16:1

Ma'isa pinin na i Daud noliu-liu bawo nu puge'nyo monti-montiik tinokamo na i Ziba posaihon i Mefiboset kahanda' singkabot tiba ia, nomboa mae sapaan na keledai anu ko sosake'onnyo ua atu na batuan nu roti, ka' sa atu na pumpungan nu anggur anu nahamo, sa atu na' segotan nu bua-bua' anu salaje' ingala, ka' sa angu' na botutu nu anggur anu o inum.

1 TAWARIKH 12:40

Aha to tulu-tulunan nu bansa sangga'at anu jojoong i sasu utara maumo majo'on aijo'mo tulunan nu bansa Isakhar, Zebulon tiba Naftali singkapmo mae tinoka na aha nonsake'i mae keledai, unta, bagal, ka' sapi' ka' manjoo' hondo na anu okaan pinaha posake' mae nu aha: labu, buah nu ara, kismis, anggur, ka' lanya' nu zaitun. Aha mule' nomboa mae sapi' ka' domba da o kolot ka' okaan. Iwi-iwi' aijo' bau pomponyata' kalana talalomo hondo sinanang na kinyonyoa nu aha mian Israel iwi-iwi'.

AMSAL 18:16

Palasen aijo mombau jalan ka' molaya' mian mamba hi to mia-mian anu talasanggo.

AMSAL 21:14

Da bau pompoho'i pusa ka' tambuha', bee'imo palasen hoko-hokot.

AMSAL 31:12

Ia madi' toho' mombau anu ma'idek hilangkai'nyo; i uno nu kantumuu'annyo ola saja' ka'ima'an na nu bau hi ia.

MATIUS 5:25

De daagi' ko mian anu mongkalaak komiu hi Mian Kopian, baladame pe'e tiba ia de daagi' ko tempo' da ma'isa pe'e toka hi Mian Kopian. De madi', mian aijo' mombee'mo komiu hi Mian Kopian, anu mombee'je mule' komiu hi Pulisi. Lantas Pulisi momposoopmo komiu i talungku'.

1 SAMUEL 17:17

Daagi kino sansinaan i Isai notataemo hi Daud, “Ala sampulu' na kilogram na binde anu tinunuan ka' sampulu' na roti aiya ka' boa hi to utu-utus tu'a nu beleyum anu kiijo' mae i pinombauan nu suludadu kemah.

1 SAMUEL 25:17

Kalana aijo', soba tutugi pe'e na han aijo' ka' tantukan apaa na anu nu bau nu belento Bengkele' i tomundo'. Kalana tokamo mae na balosnyo hi tuanto ka' hi sa'anakannyo iwi-iwi'. Tuanto madi' hondo mompajuli maumo pa' ihe sahingga i tuan madi' opoko ala o endei da basale'!”

1 SAMUEL 25:34

Tumpu nontewa'mo aku da boli mombau anu ma'idek hi beleyum. Tiba sanggo nu Tumpu, Tumpu Allah nu Israel anu tumuu', de beleyum madi' ampa mae nonsingkaboti aku tantu iwi-iwi' na to posa-posaihon i Nabal i natemo salatan binete'mo na sinaa!”