1 SAMUEL 25:10 - KITAB NU TUMPU ALLA LELE MA'IMAI'

¹⁰ Panyo tinaaman i Nabal, “I Daud? Ihe na ia? Ihe na itina' anak i Isai? Ma'isa aku toho' nohongo lelenyo. Tempo' uuka manjoo'mo na to posa-posaihon anu mopalai mae mompala'i mo tuannyo mambamo mae ilipu' aiya!

1 SAMUEL 25:10 ပူးပေါင်းရင်းမြစ်များ

2 SAMUEL 20:1

I kota' Gilgal daagi ko samian anu nombaumo gau' anu ma'idek sanggonyo i Seba. Ia anak i Bikri, ia tulunan mae nu bansa Benyamin. Tempo'nyo mian da'isan nolabot i Daud po ule'mo mae tinoka, i Seba nompuuhimo tolompetnyo ka' noloboo'akon, “Kita madi' mompahasumbu' tiba i Daud. Kadaka' kita mombatukimo ia? O, mian nu Israel, pinahasan na kita pinsusule'mo!”

1 TOMU-TOMUNDO' 12:16

Salatan tinoamo nu mian da'isan taalu' i tomundo' madi' ka'oho mohongo aha, aha nolobo'mo, “Bau apaa na mompajuli i Daud tiba sinin na lee'nyo! Aha madi' toho' nombau apa-apaa anu binee'nyo mae hi kita. Mian da'isan Israel, imbo' kita minsusule'mo! Pobakas na i Rehabeam aijo' mosi ulus butongnyo!” Sahingga ninsusule'mo na mian da'isan aha Israel,

NOSABATMO 5:2

“Ihe na Tumpu aijo'?” pinokilawa i tomundo. “Kadaka' aku montapalimo Ia ka' mompobee'mo bansa Israel mamba? Aku madi' monsumbu' Tumpu aijo' ka' mian nu Israel madi' ku pobee' mamba.”

AMSAL 15:1

Tiba pontaami anu madi' kopesa-pesa tambuha' timbali mohuhus; panyo de pontaami anu talalo mapohos mombau da ola mompaka motambuha'.

ANU MOMPOLELE POTATAE NU TUMPU 7:10

Boli mompokilawa, ‘Kadaka’ tempo'nyo naipuan mae na lebe ma'ima' de opokakanakon tempo uuka aiya? Ola mian anu ponga' na mompokilawa susumo aijo'.

YESAYA 32:5

Mian anu ponga' madi'mo daagi' o, anggap mian anu oholomati, ka' mian anu saja' mongakali madi'mo daagi osanggohi mian anu hodi' na kinyonyoanyo.

YESAYA 32:7

Ka' mule' mian anu saja' mongakali mompopikilakon ka' mombau palabuatan anu ma'idek. Ia molio kapandean pa' mosia na monsilakai mian anu kasiasi nu potataenyo anu toto bale-baleko' ka' montewa' aha da madi' mohumpak hak' nu aha.

TO MIA-MIAN KOPIAN 9:28

“Kita aiya ihe sahingga kita sabole-bolemo nu palentah i Abimelekh?” na koonyo i Gaal. “Ia aijo' sabenannyo ihe? Te misa' ia aijo' anak i Gideon anu tiba i Zebul wakinnyo tinimbalimo posaihon i Hemor, tuuma i Sikhem, mompolee'to mae!”

1 SAMUEL 20:30

Nohongo aijo' i Saul notambuha'mo hondo hi Yonatan ka' notataemo hi ia, “Anak bule! Uukaje ka' sinumbu'ku taalu' beleyum monsangaja'i i Daud ka' mongambangimo butong nu beleyum tiba tina nu beleyum!

1 SAMUEL 22:2

Tiba suele to mia-mian anu saja'mo osansala, ka' mian anu ko samaya'nyo anu pagalamo otage, ka' anu madi' sanang hi sangko manusia. Iwi-iwi' nosa'angu'mo hi Daud, ka' i Daudmo na binau polaya' nu aha. Konjoo'nyo nu aha mian anu nosangaja'mo tiba i Daud kila-kila aha 400 na mian.

1 SAMUEL 25:9

Salatan tinokamo i Karmel suludadu i Daud nompoto'imo potuunon aijo' hi Nabal mosia na koonyo i Daud, lantas tinanda'anmo nu aha.