1 SAMUEL 24:9 - KITAB NU TUMPU ALLA LELE MA'IMAI'

⁹ I Daud suele nosabatmo i liang aijo' ka' noloboo'akon mo aijo' mae ihiku i Saul, “O Tomundo'!”

1 SAMUEL 24:9 ပူးပေါင်းရင်းမြစ်များ

MAZMUR 101:5

Mian anu lewa' mompobau-bau anu madi' totu'u maumo nu pohowini hi mian sangga'at ku pateimo. Mian anu mombuulakon butongnyo ka' saja' mingkinyonyoa da molingkudui sangalu madi' ola ku pojohok.

MAZMUR 141:6

De to mia-mian anu mongkuasai aha otuamo i to tunge-tungebe nu batu, nu akuije nu aha taalu' apa-apaa na anu tinaloakonkumo memang totu'u ahi'.

AMSAL 16:28

Mian anu madi' adin monsaduakon painggagan; anu momboa-boa sisik ma'idek hi sangalu mongga'atakon sampo bela' anu mompahakona hondo.

AMSAL 17:4

Mian anu ma'idek na kinyonyoanyo montuluti tanga'an anu ma'idek; panyo anu baleko' mongka'ima'i mohongo potatae anu mompitana'i.

AMSAL 18:8

Mompitana' aijo' ma'ima' hondo na o'oa'i mian mongka'ima'i da olonyom na pitana' aijo'.

AMSAL 25:23

Mombun nu utara tantumo mompotoka mae ujan; sumo aitu mule' na lewa' monsisik anu ma'idek hisangalunyo monsaduakon da motambuha'.

AMSAL 26:28

Mombaleko'i mian sumomo mongka'ideki ia. Potatae anu matami' monsaduakon kasilaka'an.

AMSAL 29:12

De anu balakuasa palesaya hi lele anu madi' totu'u, pegawenyo iwi-iwi' timbali mo maidek na kinyonyoanyo.

YEREMIA 37:18

Lapas aijo' pinokilawangkumo, “Apaa na palabuatanku anu ma'idek hi belento Tomundo kabai hi to mia-mian anu ko pangkatnyo i pamalentahan nu belento Tomundo' kabai hi aha mian da'isan, sahingga nu posoopmo nu belento Tomundo' na aku i uno nu talungku'?

IMAMAT 19:16

Boli lewa' mombebakon sisik anu madi' totu'u hi to mia-mian sangko bansa nu belemiu, da belemiu boli monsaduakon kapatean hi bubuu' belemiu manusia. Akumo na Tumpu.

YAKOBUS 3:6

Jila' pokakanamo sumo apu. I butongto, ia timbali polengkatan nu ka'idekan anu mompolele ka'idekan i songko-songko na butongto. Sumo aitumo na apu anu molengkat mae i nalaka, ia montoyo'i songko-songko na kantumuu'anto.

1 SAMUEL 20:1

Sahingga nalaimo na i Daud nompala'imo Nayot koko Rama ka' nambamo siningkabot i Yonatan, lantas pinokilawanyomo, “Pa' apaa na kasala'anku? Apa na han anu talalo ma'idek anu binaungkumo ka' apaamo na dosa'ku hi tuuma nu beleyum sahingga ia kahando'mo mompatei aku?”

1 SAMUEL 20:41

Salatan anak aijo' nambamo, i Daud nosabatmo mae i sambiha' nu tambulan nu batu aijo', lantas nonsombahmo pinintolun. Ia tiba i Yonatan ua-ua aha aijo' ihumangmo hau-haunyo aha nompaha o'okimo. Kasusa'an anu nu oa'i i Daud lebe daka' molingkudui kasusa'an anu nu oa'i i Yonatan.

1 SAMUEL 24:10

I Saul nosiloimo no utu i hikunyo, ka' i Daud nonsombahmo salaku nongadati ka' notatae, “Kadaka' belento Tomundo' nohongomo sisik nu mian anu nompoto'i tukoonyo nu aha aku aiya kahanda'mo mompatei belento Tomundo'?

1 SAMUEL 24:8

Sumo aijo' na i Daud nongindeko' suludadunyo ka' madi' mompobee' aha montumbuhi i Saul. I Saul nambamo nompala'imo liang aijo', lantas nambamo noyaya.

1 SAMUEL 26:18

Lantas ia po ule' mule' notatae “Kadaka' belento Tomundo' daagi sabole-bole mololoi' mae aku? Apaamo na kasala'anku?

1 SAMUEL 26:19

O Tomundo' potombihing mae pe'e na potataengku aiya. De belento Tomundo' pinokau nu Tumpu mongewa mae aku yo anu osombahkon na koloban timbali momposabaan kinyonyoa-Nyo da bolimo montambuha'i mae aku. Panyo de anu nompokau belento Tomundo' aijo' manusia, o'amalakon da aha nu kutuki nu Tumpu! Kalana palabuatan nu aha aijo' sahingga aku ilaa'mo da nompala'imo tano' anu nu Tumpu, sahingga nambamo ahi' ilipu' sangga'at sahingga aku nonsombahmo to pilo-pilogot nu aha anu isalipu'an.