1 SAMUEL 24:15 - KITAB NU TUMPU ALLA LELE MA'IMAI'

¹⁵ Soba toa mae na aku aiya anu kahanda'mo nu patei nu tomundo' nu Israel! Soba toa mae na aku aiya anu lewa'mo nu loloi' nu aha! Aku aiya ola sumo sa'angu' na dedeng anu natemo, ola susumo sa'angu' na somoyu.

1 SAMUEL 24:15 ပူးပေါင်းရင်းမြစ်များ

MAZMUR 119:154

Tinjohiakon mae na palakalangku ka' pobebasakon mae na aku; posalamatakon mae na aku susumo anu jinanji'mo nu Belento.

MAZMUR 35:1

Mazmur i Daud. O Tumpu, ewa na mian anu mongewamo mae aku, pahampateakon na mian anu mompahampateakonmo mae aku.

MAZMUR 43:1

Bee'i mae ka adinan hi belengku, o Tumpu, tinjohiakon mae na aku da madi' nu kabisa'i nu bansa anu geguan. Pobebas mae na aku da madi' nu patei nu mian anu ma'idek na kinyonyoa nu aha tiba anu saja' mongakali.

MIKHA 1:2

Potombihing mae o bansa-bansa! Opalahatikan belemiu mian anu jojoong i songko-songko na dunia! Tumpu Anu Matangkas na kuasanyo tokamo mae susumo sakisi mongahopimo belemiu iwi-iwi'! Potombihing na Ia motataemo lengkat mae i Laigan-Nyo anu susi' kiita i suluga'.

MIKHA 7:9

Kita binaladosa'mo hi Tumpu kalana aijo' uuka aiya kita tionyo ahi' mongoa'imo kapusan-Nyo. Panyo madi'mo pin Ia monsangaja'imo kita ka' mule' mombee'imo ka adilan hi kita. Ia monsabatakonmo kita ka' momboamo ijingka; kita mongoa'imo kasalamatan lengkat hi Ia.

TO MIA-MIAN KOPIAN 11:27

Madi', kami madi' ko sala'nyo hi belemiu. Belemiu na anu ko sala'nyo kalan nontumbuhimo mae kami. Tumpu na anu momputusi palakala aiya sinaa uuka hi bansa Israel tiba bansa Amon.”

1 SAMUEL 17:43

Koonyo i Goliat hi Daud, “Bau apaa na tokon atina'? Te kooyum aku aiya dedeng?” Lantas tinotobi'akonnyomo na i Daud da nu kutuki nu to pilo-pilogotnyo.

1 SAMUEL 24:12

Soba toa na aiya, kita Tuumangku! Toa mae na juba' nu belento Tomundo' sangkoyot aiya totoong hi belengku! Sabenannyo ku poko alamo ku patei na belento Tomundo', panyo aku ola nongkoyot sangkiding na pani' nu juba' nu belento Tomundo'. Jadi aiya nyata'mo saba' aku aiya madi' ko niat ma'idek kabai uesan. Belento Tomundo' lewa' mololoi' aku kahanda' da opateimo na aku maumo aku aiya madi' kosala'nyo mau ola sangkiding hi belento Tomundo'.

1 SAMUEL 25:39

Salatan i hongomo i Daud na i Nabal sinilakamo notataemo na ia, “O puji' na Tumpu! Ia nombalosakonmo i Nabal anu saja' mongambangi aku, ka' nontewa'mo posaihon-Nyo aiya da bolimo mombau anu ma'idek. Tumpu nohukumo i Nabal kalana ia saja' mombau anu ma'idek.” Lapas aijo' i Daud nonsaimo mian da mamba hi Abigail mondutakon de timbali da baumo bengkele'nyo.

1 SAMUEL 26:20

Boli opojohok na aku silaka i tano' nu aha mian anu i salipu'an majo'on lengkat hi Tumpu. Apaa na gunanyo tomundo' nu Israel toka mae mompatei sa'angu' na kutu susumo aku aiya? Apaa na gunanyo ia pagalamo mololoi' mae aku susumo mian pagalamo mololoi' louyu'?”

1 SAMUEL 26:4

Lantas ia nonsaimo anu mamba mondoyoni sahingga sinumbu'nyomo taalu' i Saul memang kiijo'.