1 SAMUEL 24:14 - KITAB NU TUMPU ALLA LELE MA'IMAI'

¹⁴ Belento Tomundo' tantu monsumbu' basa' nu aha mian anu daagi naipuan mae sumo uuka, 'Kalakuan anu ma'idek, anu mombau ola mian anu ma'idek na kalakuannyo'.' Kalana aijo' aku aiya madi' mombau anu ma'idek hi belento Tomundo'.

1 SAMUEL 24:14 ပူးပေါင်းရင်းမြစ်များ

2 SAMUEL 16:9

I Abisai utus ise' i Yoab anak i Zeruya, notataemo hi tomundo', “Kadaka' opojohokmo nu belento Tomundo' na mian anu nambamo mae nontotobi'akon belento Tomundo'? Pobee'mo mae da lako'mo ku tekok na gogohongnyo!”

2 SAMUEL 3:8

Lantas i Abner notambuha'mo hondo ka' ia notataemo, “Kadaka' belento Tuanku mongihohopimo mae aku aiya au'aitu nombusikimo sanggo i Saul ka' mosangaja'mo hi aha Yehuda? Salatanmo pe'e momonanyo aku saja'mo tinulu-tulutan hi Saul tuuma nu belento Tuan, ka' hi sampoto utusannyo ka' mule' hi to sanga-sangalunyo. Aku nontulungimo Tuanku sahingga madi'mo pinoko patundu' i Daud. Padahan i Tuan mongambangimo mae aku ola kalana boune!

2 SAMUEL 6:20

Tempo'nyo i Daud ninsusule'mo ilaigan nu tomundo' kaka jojoongannyo ka' nonsalando'aimo bengkele' tiba to ana-anaknyo, i Mikhal nosabatmo mae nolalabot i Daud ka' notatae, “Sinaa uuka tomundo' nu Israel totu-totu'u nombaumo butongnyo da o adati! Ia nilanggomo susumo mian anu ponga' anu madi'mo na ambang i ahop nu to bou-boune aijo'mo to posa-posaihon nu aha mian anu ko pangkatnyo anu mokalaja ilaigan nu tomundo'!”

2 SAMUEL 9:8

I Mefiboset tinolodadupumo mule' noholomati ka' notatae, “Aku aiya anu madi' kokaliangannyo! Kadaka' belento Tomundo' talalomo mongkanonongi mae aku?”

1 TOMU-TOMUNDO' 21:7

“Beleyum tomundo' nu Israel!” na pinontaami i Izebel. “Pobulamo ka' pongkaanmo. Posanangmo na kinyonyoa nu beleyum kalana ku bee'mo na ale' nu anggur i Nabot aijo' hi beleyum!”

HOSEA 10:13

Panyo beleyum nombaumo anu sabenannyo misa' aijo' na obau; beleyum ola nombau palabuatan anu ma'idek ka' nompadakmo palabuatan anu madi' adin. Beleyum nongkaanmo bua'nyo nu palabuatan hasin nu kabaleko'an nu beleyum.” Tumpu notatae mule', “O bansa Israel, kalana belemiu montakabunakonmo kareta haha aijo' anu opake mahampate ka' mule' konjoo'nyo nu suludadu nu belemiu,

1 SAMUEL 17:43

Koonyo i Goliat hi Daud, “Bau apaa na tokon atina'? Te kooyum aku aiya dedeng?” Lantas tinotobi'akonnyomo na i Daud da nu kutuki nu to pilo-pilogotnyo.

1 SAMUEL 26:20

Boli opojohok na aku silaka i tano' nu aha mian anu i salipu'an majo'on lengkat hi Tumpu. Apaa na gunanyo tomundo' nu Israel toka mae mompatei sa'angu' na kutu susumo aku aiya? Apaa na gunanyo ia pagalamo mololoi' mae aku susumo mian pagalamo mololoi' louyu'?”