1 SAMUEL 24:12 - KITAB NU TUMPU ALLA LELE MA'IMAI'

¹² Soba toa na aiya, kita Tuumangku! Toa mae na juba' nu belento Tomundo' sangkoyot aiya totoong hi belengku! Sabenannyo ku poko alamo ku patei na belento Tomundo', panyo aku ola nongkoyot sangkiding na pani' nu juba' nu belento Tomundo'. Jadi aiya nyata'mo saba' aku aiya madi' ko niat ma'idek kabai uesan. Belento Tomundo' lewa' mololoi' aku kahanda' da opateimo na aku maumo aku aiya madi' kosala'nyo mau ola sangkiding hi belento Tomundo'.

1 SAMUEL 24:12 ပူးပေါင်းရင်းမြစ်များ

KAJADIAN 16:5

Lantas i Sarai notataemo hi Abram, “Aku nombee'mo posaihonku i Hagar hi beleyum, ka' salatan sinumbu'nyomo taalu' ia pinoboamo, ia madi'mo nompajuli mae aku. Atina' kasala'an nu beleyum. O amalakon da Tumpuje na momputusi palakala aiya hi beleyum ka' hi belengku.”

KAJADIAN 31:53

Tumpu Allah anu nusombah i Abraham ka' nonsombah nu tuumangku i Nahor na nongadini mae kita”. Lantas i Yakub binasumpa'mo hi sanggo nu Tumpu Allah anu nusombah i Ishak, tuumanyo, da sabole-boleh montoongi janji'nyo.

2 SAMUEL 22:48

Ia nombee'imo mae aku ka untungan nahampate nongewa sampo bali'ku aha to bansa-bansa pinatundu'-Nyomo i ahopku.

1 TAWARIKH 12:18

Samian na anu aijo' mae hi aha, i Amasai anu lapas aijo' i hangkatmo binau kapala nu sa'angu' na gombuan nu mian anu osa-osanggohi “Tridasawira”, kinuasanmo nu Roh nu Tumpu Allah ka' notatae, “O Daud, anak i Isai! Kami monsangaja'i belento! O' amalakon da belento ka' aha anu montulungi belento momboa mae ka'untungan Tumpu Allah atina' hi beleyum!” Sahingga tinalimamo i Daud na aha ka' i hangkatnyomo na aha binaumo suludadunyo anu matangkas na pangkatnyo.

AYUB 5:8

De aku susumo ahi' beleyum, hi Tumpu Allah na tantu pomoitanku tulung. Hi la na pompoto'ianku hanku aiya ka' ku bee'mo da pa' oposiaje na ulusanku.

MAZMUR 35:1

Mazmur i Daud. O Tumpu, ewa na mian anu mongewamo mae aku, pahampateakon na mian anu mompahampateakonmo mae aku.

MAZMUR 43:1

Bee'i mae ka adinan hi belengku, o Tumpu, tinjohiakon mae na aku da madi' nu kabisa'i nu bansa anu geguan. Pobebas mae na aku da madi' nu patei nu mian anu ma'idek na kinyonyoa nu aha tiba anu saja' mongakali.

MAZMUR 94:1

O Tumpu, Belentomo na Tumpu anu mombalosi, potoamo mae na pombalasi nu Belento o, Tumpu.

ROMA 12:19

To Utu-utusku! Boli hondo-hondo mombalosi ka'idekan, bakas da Tumpuje na mohukum. Kalana i uno nu Kitab nu Tumpu tinulismo, “Akuje na mombalosi. Akuje na mohukum na koonyo nu Tumpu.”

1 PETRUS 2:23

Tempo'nyo Ia inguda-udahan, Ia madi' suele nonguda-udahi. Tempo'nyo Ia nongoa'i sansala Ia madi' noto muhuk, Ia ola nonsimpalakon palakala-Nyo hi Tumpu, Mian Kopian anu adin aijo'.

ANU PINOTO'I HI YOHANES 6:10

Aha noloboo' daka-daka', “O Tumpu Anu Matangkas na kuasanyo, anu Susi' ka' totu'u! Daagi' hipian na kopinnyo lantas Beleyum momputusimo anu jojoong i dunia ka' mohukummo aha kalana nompateimo kami?”

TO MIA-MIAN KOPIAN 11:27

Madi', kami madi' ko sala'nyo hi belemiu. Belemiu na anu ko sala'nyo kalan nontumbuhimo mae kami. Tumpu na anu momputusi palakala aiya sinaa uuka hi bansa Israel tiba bansa Amon.”

1 SAMUEL 20:1

Sahingga nalaimo na i Daud nompala'imo Nayot koko Rama ka' nambamo siningkabot i Yonatan, lantas pinokilawanyomo, “Pa' apaa na kasala'anku? Apa na han anu talalo ma'idek anu binaungkumo ka' apaamo na dosa'ku hi tuuma nu beleyum sahingga ia kahando'mo mompatei aku?”

1 SAMUEL 24:15

Soba toa mae na aku aiya anu kahanda'mo nu patei nu tomundo' nu Israel! Soba toa mae na aku aiya anu lewa'mo nu loloi' nu aha! Aku aiya ola sumo sa'angu' na dedeng anu natemo, ola susumo sa'angu' na somoyu.

1 SAMUEL 26:23

Tumpu nombalakatimo mian anu tulu-tulutan tiba anu madi' tageo' na kinyonyoanyo. Kalana sinaa aiya Tumpu mombee'mo mae belento Tuanku hi belengku, panyo aku madi' mombau anu ma'idek hi belento Tomundo', tomundo' anu pinile'anmo nu Tumpu.