1 SAMUEL 24:11 - KITAB NU TUMPU ALLA LELE MA'IMAI'

¹¹ Uuka aiya posi belento Tomundo' nonsumbu'mo taalu' kiijo' i unonyo nu bolo' sabenannyo Tumpu nombee'mo belento Tomundo' hi belengku aiya. Aku sinale'anmo nu sala' samian da opateimo na belento Tomundo' panyo aku aiya madi' nontuluti. Tinaamanku tukoongku aku madi' mongka'oho' mombau anu ma'idek hi Tomundo'ku anu pinile'anmo nu Tumpu.

1 SAMUEL 24:11 ပူးပေါင်းရင်းမြစ်များ

2 SAMUEL 1:14

I Daud notatae, “Baani hondo na beleyum nompateimo tomundo' anu pinile'anmo TUMPU!”

2 TOMU-TOMUNDO' 5:13

Panyo to posa-posaihonnyo nongohanimo ia ka' nompoto'i, “O Tuan, sadang belento Tuan opokau mombau anu mahan, han aijo' obaumo nu belento Tuan. Ka' mule' aiya ia ola monsai belento Tuan mamba mindi' da ma'alin!”

AYUB 10:16

De ku humpak na anu ku usahakon maumo madi' sangkuka na konjoo'nyo, Belento sumomo ahi' singa na mololoi' mae aku. Ka' po'ule' mule' nu potoa mae na kakuasa'an nu belento, ola da mompopobuhuk aku.

MAZMUR 119:161

To mia-mian anu balakuasa mololoi'mo mae aku maumo madi' ko sababnyo, panyo ola atulan nu Belento na ku kabuhuk.

MAZMUR 140:11

Bakas da obaa nu apu mongujani aha, ka' o'alinmo i bolo' nu kapatean, sahingga madi'mo daagi' moko ala mosabat mae.

MAZMUR 35:7

Palasuma na aha nonta'an so'o bau pohakop nu aha aku kabai nongkeke bolo' da bau pohakop aku.

MAZMUR 59:3

Polapasakon mae na aku da madi' nusilakai mae nu to mia-mian anu ma'idek na kinyonyoanyo, potumuu'akon mae na aku da madi' nusilakai nu to mia-mian anu lewa' mompatei.

AMSAL 15:1

Tiba pontaami anu madi' kopesa-pesa tambuha' timbali mohuhus; panyo de pontaami anu talalo mapohos mombau da ola mompaka motambuha'.

MOHAANGI 4:18

Kami madi' moko posabat mokiijo' i jalan, kalana saja' nupalahatikan nu sampobali'. Kahimpusan nu kantumuu'an mami ohanimo, kalana sina nu kantumuu'an mami ginanapmo.

YEHEZKIEL 13:18

ka' poto'i apaa na anu pinoto'ing-Kumo hi aha, Aku Tumpu Anu Matangkas na Kuasanyo notataemo: ‘Silakamo na belemiu! Belemiu nombaumo galang-galang ajimat, da iwi-iwi' na mian mompake ka' kokudung anu ko rohnyo ma'idek, da mian anu mompake timbali mongkuasai kantumuu'an nu mian sangga'at. Belemiu kahanda' mongkuasai kantumuu'an tiba kapatean nu mian anu palesayamo hi beleng-Ku ka' kakuasa'an aijo' opake nu belemiu da bau posi ka untungan nu belemiu.

MIKHA 7:2

Mian anu madi' tageo' na kinyonyoanyo imadi'mo ko anu jinojoong ilipu', mian anu tulu-tulutan hi Tumpu madi'mo daagi' kinabot. Batu-batu mian montanda'imo kasampatan kahanda'mo mompatei. Toto samian nompokonamo so'o da bau pohakop sangko mian.

YOHANES 15:25

Panyo memang sumo aitumo, da timbali apaa na anu tinulis i uno nu Kitab nu Atulan nu aha, aijo'mo: ‘Aha mongka'ideki Aku, mau madi' ko sababnyo.’

1 SAMUEL 12:3

Uuka aiya aku tuminjo i ahop nu belemiu! De aku nombaumo kasala'an, pisala'i na aku i ahop nu Tumpu ka' i ahop nu to tomu-tomundo' anu pinile'an-Nyomo. Pa' toho'mo aku nongala sapi' kabai keledai nu aha mian sangga'at? Pa' toho'mo aku nongakali kabai nonsakisa kabai nongala doi anu pinontamboi da mombau anu ma'idek. Poto'i mae da mau pa' apaa na anu ingalangkumo po ule' ku sule'akon.”

1 SAMUEL 23:14

Lapas aijo' i Daud jonojoongmo i liang nu bungkutnyo anu lewa' panisulukan kiijo' mae i padang anu mapeges anu kiijo' i Zif. Ia saja'mo nu loloi' i Saul, panyo madi' nu bee' nu Tumpu hi tomundo' aijo'.

1 SAMUEL 23:23

Jadi otoa hondo mana-manasa na liang haha itina' anu toho'mo pinainsulukannyo, ka' po ule' mae mo uuka monsusule' mompoto'i hi belengku. Lantas aku mambaje hingga-hinggat tiba belemiu, ka' de ia daagi i daerah itina' memang kubali balikakon totu-totu'u, ka' Yehuda tionyo ahi' ku songkohimo.”

1 SAMUEL 25:28

Ampuniakon mae na kasala'anku. Nu potimbalije nu Tumpu na belento Tuanku tiba lee' nu belento timbali tomundo' hi aha Israel, kalana belento Tuanku mahampate mo da bau katalasanggoan nu Tumpu; ka' belento Tuanku madi' mombau anu ma'idek sampe toka sidu-sidutu' i uno nu kantumuu'an.

1 SAMUEL 26:18

Lantas ia po ule' mule' notatae “Kadaka' belento Tomundo' daagi sabole-bole mololoi' mae aku? Apaamo na kasala'anku?

1 SAMUEL 26:20

Boli opojohok na aku silaka i tano' nu aha mian anu i salipu'an majo'on lengkat hi Tumpu. Apaa na gunanyo tomundo' nu Israel toka mae mompatei sa'angu' na kutu susumo aku aiya? Apaa na gunanyo ia pagalamo mololoi' mae aku susumo mian pagalamo mololoi' louyu'?”

1 SAMUEL 26:23

Tumpu nombalakatimo mian anu tulu-tulutan tiba anu madi' tageo' na kinyonyoanyo. Kalana sinaa aiya Tumpu mombee'mo mae belento Tuanku hi belengku, panyo aku madi' mombau anu ma'idek hi belento Tomundo', tomundo' anu pinile'anmo nu Tumpu.