1 SAMUEL 23:4 - KITAB NU TUMPU ALLA LELE MA'IMAI'

⁴ Kalana aijo' i Daud po ule' mule' nompokilawa salaku nomoita pokinde' hi Tumpu, ka' tinaaman nu Tumpu, “Boli bata-bata. Tumbuhimo na kota' Kehila kalana suludadu nu aha mian Filistin haha kiijo' ku bee'mo hi beleyum.”

1 SAMUEL 23:4 ပူးပေါင်းရင်းမြစ်များ

2 SAMUEL 2:1

Lapas aijo' i Daud nompokilawamo hi Tumpu, “Pa' kita Tumpu mongka'oho'aku mamba mongkuasai sala'sa'angu' na kota' i Yehuda?” “Ii',” Tinaaman nu Tumpu. Pinokilawa i Daud “Kota' anu iya mae?” “Hebron,” na koonyo nu Tumpu.

2 SAMUEL 5:19

I Daud nompokilawamo hi Tumpu, “Pa' ku tumbuhimo na aha mian nu Filistin haha aijo'? Pa' obee'mo mae nu Belento na ka'untungan mahampate hi belengku?” “Tumbuhimo!” na koo-Nyo nu Tumpu. “Ku bee'mo na ka'untungan mahampate hibeleyum!”

2 TOMU-TOMUNDO' 3:18

Lantas notatae mule' na i Elisa, “Panyo aijo' ola sa'angu' na han anu dengke hi Tumpu. Ia suele mombee'ije ka'untungan hi belemiu de mahampatemo tiba mian nu Moab.

1 TAWARIKH 14:10

Nohongo lele nu aha aijo', pinokilawamo i Daud hi Tumpu Allah, “O Tumpu pa' ku tumbuhimo na mian Filistin haha aijo'? Pa' obee'i mae na aku ka'untungan de mahampate, Tumpu?” Tinaaman nu Tumpu, “Ii', tumbuhimo!” “Ku bee'imo ka'untungan na beleyum!”

YOSUA 8:7

Ikiijo'je na tempo'nyo belemiu tionyo ahi' mosabatmo mae i paninsulukan nu belemiu, ka' otumbuhimo sampe kota aijo' ohungku'imo. Tumpu Allah nu belemiu mombee'mo hi belemiu.

TO MIA-MIAN KOPIAN 6:39

Lantas ia notataemo hi Tumpu Allah, “O Tumpu, boli motambuha' de aku po'ule' mule' motatae. Pobee' pe'e mae na aku po'ule' monggunting bulu nu domba aiya da bau pontoanku mule' tanda. Panyo uuka aiya bulu nu domba aiya na tataap moti'i ola tano' na humpismo.”

TO MIA-MIAN KOPIAN 7:7

Lapas aijo' pinoto'imo nu Tumpu hi Gideon, “Aha tolu'atu na mian anu nonjila'i uee aijo', Ku pobebasmo na belemiu, ka' mombee'imo ka'untungan mahampate na belemiu mongewa aha mian nu Midian. Saimo na sangga'at da minsusule'mo.”

TO MIA-MIAN KOPIAN 7:9

Pihi-pihi aitu Tumpu notataemo hi Gideon, “Pobulamo, Gideon! Lako'mo tumbuhi na kemah nu aha mian Midian. Ku bee'mo na ka'untungan mahampate hi belemiu mongewa aha.

1 SAMUEL 10:22

Kalana aitu to mia-mian nompokilawamo hi Tumpu, “O Tumpu, ugaat mian utu daagimo ko anu i aiya?” Tinaaman nu Tumpu, “I Saul natisulukmo kaiyong mae i padut i tampat pompo'una'an to paka-pakakas posadiaon.”

1 SAMUEL 23:2

Lantas pinokilawanyomo hi Tumpu, “Pa' aku mamba montumbuhi aha mian nu Filistin?” “Ii'” na tinaaman nu Tumpu, “tumbihimo na aha ka' posalamatakon na aha mian nu Kehila.”

1 SAMUEL 23:3

Panyo suludadu i Daud notataemo hi ia, “Sadang pe'e i aiya i Yehuda kita mabuhukmo hondo apaa mule' de kita mambamo montumbuhi suludadu nu aha Filistin anu kiijo' mae i Kehila.”

1 SAMUEL 23:5

Sahingga nambamo na i Daud tiba aha suludadunyo nokiijo'mo i Kehila ka' tinumbuhannyomo ka' pinateannyomo manjoo' hondo na mian nu aha Filistin, ka' pinahuhuakonmo nu aha na potuu'on nu aha. Sumo aijo' na i Daud. Sumo aijo' na i Daud nompobebasmo mian anu jojoong i kota' aijo'.

1 SAMUEL 28:6

Lantas ia nompoitamo pokinde' lengkat hi Tumpu, panyo Tumpu madi' nontaami, mau pa' ingipi kabai maumo nompake Urim ka' Tumim da osumbu' na kahanda' nu Tumpu kabai pa' nu poto'i nu to nabi-nabi.

1 SAMUEL 30:8

Lapas aijo' pinokilawamo i Daud hi Tumpu, “Pa' tionyo ahi' ku loloi' na mian anu nambamo mae nontumbuhi aijo'? Pa' timbali ku tuusakon na aha?” Tinaaman nu Tumpu, “Ii' timbali, loloi'mo, timbali nu tuusakon na aha ka' po ule'mae nu boa na anu ihakopmo nu aha.”