1 SAMUEL 22:8 - KITAB NU TUMPU ALLA LELE MA'IMAI'

⁸ Mokonyo aijo' belemiu sinangaja'mo mongewa mae aku, sahingga tiba mau pe'e samian madi' ko anu nompoto'i mae hi belengku mongkona anaku anu naninggalummo hi Daud aijo. Mau pe'e ola samian na anu aiya hi belemiu madi'mo ko anu nonginau' mae butongku kabai nompoto'i mae hi belengku i Daud, ia aijo' suludadungku, panyo uuka aiya hau-haunyomo molio kasampatan da mompateimo mae aku ka' mule' i Yonatan anaku na nombee'i tanga'an hi ia!”

1 SAMUEL 22:8 ပူးပေါင်းရင်းမြစ်များ

2 TOMU-TOMUNDO' 6:11

Han aijo' nompo'idekmo kinyonyoa i tomundo' Siria, sahinga ia nolagamo to sulu-suludadunyo anu toto tangka-tangkas na pangkatnyo ka' pinokilawanyo, “Tantu aiya hi kita daagi' ko mian anu ko gau' ma'idek. Ihe na mian aijo'? Soba poto'i mae!”

AYUB 33:16

Pinokaumo nu Tumpu Allah na aha da mompotombihing; pinotolokengkeng-Nyomo na aha nu pokinde', mompisala'i.

1 SAMUEL 18:1

Noko lapas na i Saul tiba i Daud binasale', i Daud ihangkatmo i Saul binee'annyomo pangkat mokalaja hi ia, ka' mulai sinaa aitu ia madi'mo pinobee' ninsusule' ilaigan nu tuumanyo. Anu sinale'akon nu aha aijo' ihongomo i Yonatan anaknyo momo'ane. Ia suele mongka'ima'i i Daud ka' mongkalibosi ia sumomo ia mongkalibosi posi butongnyo.

1 SAMUEL 18:3

Kalana aijo' i Yonatan binasumpa'mo da mobela'mo tiba i Daud sampe toka sidu-sidutu'.

1 SAMUEL 20:2

Tinaaman i Yonatan, “Boli sumo itina'! Tumpuje na monsumbu', beleyum madi' opatei. Tuumangku saja' mompoto'i hi belengku iwi-iwi' na tanga'annyo, mau anu penting kabai mule' anu madi' penting. Jadi madi' ahi' ia mompohowini tanga'annyo aijo' hi belengku. Kalana aijo' apaa na anu tinaloakonmo nu beleyum itina' madi' totu'u!”

1 SAMUEL 20:42

Lapas aijo' notataemo na i Yonatan hi Daud, “O'amalakon da Tumpu Allah montulungi beleyum. Tumpu saja' mombee'i kahosonan kita tiba lee'to da saja' montoongi palajanjian nu kita ohua' i ahop nu Tumpu Allah.” Lapas aijo' nambamo na i Daud, ka' i Yonatan suele ninsusule'mo i kota.

1 SAMUEL 20:8

Ku poita da beleyum montulungi mae aku, kalana kita binajanji'mo i ahop nu Tumpu. Panyo de aku ahi' nombaumo kasala'an, yo pateimo mae ahi' na aku, asan boli nu bee' na aku hi tuuma nu beleyum.”

1 SAMUEL 22:13

I Saul nompokilawamo hi ia, “Kadaka' beleyum nosangaja'mo tiba i Daud mongewamo mae aku? Kadaka' binee'anmo nu beleyum mantu na ia roti tiba bajak ka' mule' beleyum nomoitamo pokinde' hi Tumpu Allah. Jadi ia tempo uuka mongewamo mau aku, me molio kasampatan nu pateimo mae na aku.”

1 SAMUEL 23:21

Tinaaman i Saul, “O amalakon da belemiu nu balakati nu Tumpu, kalana nombaumo han anu ma'ima' hi belengku!