1 SAMUEL 22:7 - KITAB NU TUMPU ALLA LELE MA'IMAI'

⁷ ia notataemo hi to kapa-kapala nu suludadunyo haha aijo', “Soba potombihing mae belemiu to mia-mian nu Benyamin! Te i Daud aijo' mombee'imo belemiu tano' tiba ale' nu anggur? Te belemiu iwi-iwi' ohangkatmo bau kapala nu suludadunyo?

1 SAMUEL 22:7 ပူးပေါင်းရင်းမြစ်များ

2 SAMUEL 18:1

I Tomundo' Daud nomposihukmo suludadunyo iwi-iwi' lantas binagi-baginyomo, daagi ko anu sanggombu samadala na miannyo, daagi ko anu sanggombu sa'atu na miannyo. Lapas aijo' ihangkatnyomo na to sulu-suludadu anu matangkas na pangkatnyo da mongkapalai gombuan nu suludadu haha aijo'.

2 SAMUEL 20:1

I kota' Gilgal daagi ko samian anu nombaumo gau' anu ma'idek sanggonyo i Seba. Ia anak i Bikri, ia tulunan mae nu bansa Benyamin. Tempo'nyo mian da'isan nolabot i Daud po ule'mo mae tinoka, i Seba nompuuhimo tolompetnyo ka' noloboo'akon, “Kita madi' mompahasumbu' tiba i Daud. Kadaka' kita mombatukimo ia? O, mian nu Israel, pinahasan na kita pinsusule'mo!”

1 TOMU-TOMUNDO' 12:16

Salatan tinoamo nu mian da'isan taalu' i tomundo' madi' ka'oho mohongo aha, aha nolobo'mo, “Bau apaa na mompajuli i Daud tiba sinin na lee'nyo! Aha madi' toho' nombau apa-apaa anu binee'nyo mae hi kita. Mian da'isan Israel, imbo' kita minsusule'mo! Pobakas na i Rehabeam aijo' mosi ulus butongnyo!” Sahingga ninsusule'mo na mian da'isan aha Israel,

1 TAWARIKH 12:16

Daagi' kino minsan sanggombu na mian aha mae tulunan nu bansa Benyamin tiba Yehuda nambamo i benteng tampat kajojoongan i Daud.

YESAYA 11:1

Lee' mae i Tomundo' Daud pokakana susumo kau' anu tinaa'mo. Panyo susumo lapangnyo tu'o daagi' ahi' tumuu' mae na sumpenyo sumo aitumo na lee' mae i Daud daagi' ahi' ko samian na tomundo' na nu lee'akon mae.

YESAYA 11:10

Tempo'nyo saidi' mae tokamo samian na tomundo' lee' mae i Daud baumo lewa' palahatian nu to bansa-bansa. Aha tokamo mae hi ia, ka' tampat kajojoongannyo saja' lewa' opuji-puji'.

1 SAMUEL 18:14

Ia saja mingkaliangan de mompojalanmo kalajanyo kalana Tumpu na montulungi ia.

1 SAMUEL 20:27

Kino uansinaanyo mule' kakonamo ko uansinaanyomo na Bitu'on Bu'ou, kadela kasuhangan i Daud bei madi' ahi' ko anu monsuhangi, lantas pinokilawamo i Saul hi Yonatan, “Kadaka' nabongi tiba sinaa uuka aiya i Daud madi' tinoka nongkaan?”

1 SAMUEL 20:30

Nohongo aijo' i Saul notambuha'mo hondo hi Yonatan ka' notataemo hi ia, “Anak bule! Uukaje ka' sinumbu'ku taalu' beleyum monsangaja'i i Daud ka' mongambangimo butong nu beleyum tiba tina nu beleyum!

1 SAMUEL 22:13

I Saul nompokilawamo hi ia, “Kadaka' beleyum nosangaja'mo tiba i Daud mongewamo mae aku? Kadaka' binee'anmo nu beleyum mantu na ia roti tiba bajak ka' mule' beleyum nomoitamo pokinde' hi Tumpu Allah. Jadi ia tempo uuka mongewamo mau aku, me molio kasampatan nu pateimo mae na aku.”

1 SAMUEL 22:9

I Do'eg anu mongkapalai to pola-polaya' nu potuu'on i Saul, suele kiijo' tiba to kapa-kapala nu suludadu i Saul, lantas notataemo na i Do'eg, “Aku nontoamo i Daud nambamo hi Abimelekh anak i Ahitub kiijo' i Nob.

1 SAMUEL 25:10

Panyo tinaaman i Nabal, “I Daud? Ihe na ia? Ihe na itina' anak i Isai? Ma'isa aku toho' nohongo lelenyo. Tempo' uuka manjoo'mo na to posa-posaihon anu mopalai mae mompala'i mo tuannyo mambamo mae ilipu' aiya!