1 SAMUEL 22:23 - KITAB NU TUMPU ALLA LELE MA'IMAI'

²³ Jojoongmo tiba aku ka' boli mabuhuk. I Saul kahanda'mo mompatei beleyum, ka' mule' suele kahanda'mo ahi' mompatei aku. Jadi madi' ko anu mompoposia beleyum i tampat kajojoonganku aiya.”

1 SAMUEL 22:23 ပူးပေါင်းရင်းမြစ်များ

2 SAMUEL 9:7

Notataemo na i Daud, “Boli mabuhuk. Ku kanonongimo na beleyum kalana monginau' i Yonatan tuuma nu beleyum. Iwi-iwi' na tano' anu nu kai' nu beleyum ku sule'akonmo hi beleyum ka' mule' sampe toka sidu-sidutu' beleyum mongkaanmo aiya ilaigan nu tomundo'.”

1 TOMU-TOMUNDO' 1:7

lantas ia nambamo binasale' ka' i Yoab tiba i Imam Abyatar, tinanyo i Yoab sanggonyo i Zeruya. I Yoab ka' i Imam Abyatar sinitujumo monsangaja'i tanga'an i Adonia.

1 TOMU-TOMUNDO' 2:26

Lapas aijo' notataemo na i Tomundo' Salomo hi Imam Abyatar, “Lako'mo i kampung nu beleyum kiijo' i Anatot. Beleyum mohumpakmo hukuman opatei, panyo' sinaa aiya ma'isa aku mompatei beleyum, kalana beleyum daagi' tempo'nyo nosangalu tuumangku, beleyum suele nongoa'imo iwi-iwi' na kasusa'an ka' beleyum suele na lewa' nongkalesang Peti' Palajanjian nu Tumpu.”

MATIUS 24:9

Lapas aitu, komiu o hakop ka' o bee' da o sakisa ka' o patei. Songko-songko na dunia mongka'idekimo komiu, kalana komiu anu mombatuki Aku.

YOHANES 15:20

O'inau' apaa na anu tinaloakonKumo hi komiu, ‘Botuan madi' lebee daka' molingkudui tuannyo.’ De aha monsakisamo Aku, aha mule' monsakisa suele komiu. De aha mombatuki pangajalan-Ku, aha suele mombatuki pangajalanum.

YOHANES 17:12

Tempo'nyo Aku daagi' tiba aha, pinotuu'kumo na aha nu kuasa nu sanggonto Tuuma – sanggo anu binee' nu kita Tuuma hi beleng-Ku. Aku nompotuu'mo aha, ka' madi' ko samian pe'e nolapus, boli mompiakon ia anu memang nukonamo na molapus; da kalana aijo' ganaapmo na anu tinulis i Kitab nu Tumpu.

YOHANES 18:9

Salatan tinaloakon sumo aijo', tinimbalimo apaa na anu tinaloakonmo i Yesus u'utu mae: “Kita Tuuma, to mia-mian anu binee'mo nu kita Tuuma hi beleng-Ku, madi' ko samian pe'e na nolapus.”)

1 SAMUEL 23:17

Pinoto'i i Yonatan hi ia, “Boli mabuhuk, beleyum madi' nu poko ala nu patei nu tuumangku. Tuumangku nonsumbu'mo saba' beleyum na timbali tomundo' saidi' mae nu aha Israel, ka' mule' aku mohumpakmo pangkat hi beleyum.”