1 SAMUEL 22:17 - KITAB NU TUMPU ALLA LELE MA'IMAI'

¹⁷ Lantas pinalentahnyomo na to sulu-suludadunyo anu monjagai ia, anu tinjo-tinjo koko hi ia, “Donganmo patei na to ima-imam nu Tumpu haha aijo'! Aha sinangaja' mo tiba i Daud. Sinumbu'mo nu aha saba' i Daud nopalaimo, panyo aha madi' nompoto'i mae hi belengku.” Panyo to sulu-suludadu anu monjagai i tomundo' aijo' madi' nongka oho' nompatei imam haha aijo'.

1 SAMUEL 22:17 ပူးပေါင်းရင်းမြစ်များ

2 SAMUEL 15:1

Lapasa aijo' i Absalom nompotokamo sa'angu' na kaleta tibamo ajahannyo anu opake mahampate ka' aha limampulu' na mian anu monsangalui ia.

1 TOMU-TOMUNDO' 1:5

Kalana i Absalom sinilakamo, sahingga i Adonia, anak mo'ane i Daud anu ko ohua'nyo na tinimbalimo anu tumpenyo. Tinanyo i Hagit na sanggonyo. I Adonia olitau hondo. Tuumanyo madi' toho' montambuha'i ia de ia mombau kasala'an. I Adonia mongka'ima'i hondo bau Tomundo' sahingga ia nomposadiamo kareta bau pahampate ka' suludadu anu monsake'i ajahan ka' aha limampulu' na suludadu anu monjagai ia

1 TOMU-TOMUNDO' 14:27

Ka' salaku binau pombolosi i Tomundo' Rehabeam noki baumo to kanta-kanta tambaga ka' pinoki jagannyomo hi to sulu-suludadu anu monjagai sabatan daka' laigan nu tomundo'.

1 TOMU-TOMUNDO' 18:4

Tempo'nyo i Izebel nompateimo to nabi-nabi nu Tumpu, i Obaja aiya na nontulungi aha 100 na nabi pinosuluknyo i uno nu liang – 50 na mian i sa'angu' na liang – ka' nombee'i aha anu o kaan ka' anu o inum.)

2 TOMU-TOMUNDO' 10:25

Salatan noko sombahkonmo koloban na i Yehu, sampamo ia nosabat ka' nompoto'imo hi to mia-mian anu monjagai ka' suludadu anu toto tangka-tangkas na pangkatnyo haha aijo', “Pinsoopmo ka' pateimo na aha iwi-iwi'. Boli opotumuu' mau ola samian!” Sahingga pininsoopanmo nu aha ka' bajak pinaha keatmo nu aha ka' pinateanmo nu aha iwi-iwi' na mian anu kiijo', lantas lewa'mo i hela' sinabatakon nu aha na bangke' nu mian haha aijo'. Lapas aijo' aha nompinsoopimo uno nu kuil,

NOSABATMO 1:17

Panyo ua-ua'aha na boune aijo' anu montulungi mompohampe, mabuhuk hi Tumpu Allah. Aha madi' montuluti palentah nu Tomundo ka' pinobakasmo nu aha na bungamea' mo'ane da tumuu'.

SISIKON NU TO RASUL-RASUL 4:19

Panyo i Petrus ka' i Yohanes nontaami, “Posi tutugimo apaa na anu totu'u i ahop nu Tumpu: mombatuki palentah nu to Tutuuma kabai mombatuki palentah nu Tumpu.

1 SAMUEL 14:45

Panyo mian da'isan notataemo hi Saul, “Te toho' mule' i Yonatan na mohumpak hukuman osilakai? Yo aitu iamo na nomboa mae ka'untungan nahampate anu daka' aiya? Madi'! Kami bajanji' tiba sanggo nu Tumpu anu tumuu', saba i Yonatan madi' timbali mohudu' na ubaknyo mau pe'e ola sahamba. Kalana ola samata-mata ola Tumpu na nontulungi sahingga ia nohumpakmo ka'untungan na nahampate sinaa aiya.” Sumo aijo' na i Yonatan pinotumuu' nu aha mian da'isan da boli nohumpak hukuman o silakai.

1 SAMUEL 2:31

Potombihing mae, tokaje na tempo'nyo Ku pateimo iwi-iwi' na to ana-anak olitau anu atina' hi belemiu salaigan ka' hi belemiu sa'angu' na tulunan, sahingga mau pe'e ola samian na mo'ane hi belemiu salaigan madi' ko anu mantan na umun.

1 SAMUEL 20:33

Nohongo aijo' binunu'akonnyomo na talombo'nyo nokiijo' hi Yonatan kahanda' mompateimo ia. Jadi sinumbu'mo i Yonatan na tuumanyo taalu' totu-totu'umo ahi' ko kahanda'mo mompatei i Daud.

1 SAMUEL 22:13

I Saul nompokilawamo hi ia, “Kadaka' beleyum nosangaja'mo tiba i Daud mongewamo mae aku? Kadaka' binee'anmo nu beleyum mantu na ia roti tiba bajak ka' mule' beleyum nomoitamo pokinde' hi Tumpu Allah. Jadi ia tempo uuka mongewamo mau aku, me molio kasampatan nu pateimo mae na aku.”

1 SAMUEL 22:16

Panyo i tomundo' notatae, “Ahimelekh! Beleyum tiba to utu-utus nu beleyum memang silakamo!”

1 SAMUEL 25:17

Kalana aijo', soba tutugi pe'e na han aijo' ka' tantukan apaa na anu nu bau nu belento Bengkele' i tomundo'. Kalana tokamo mae na balosnyo hi tuanto ka' hi sa'anakannyo iwi-iwi'. Tuanto madi' hondo mompajuli maumo pa' ihe sahingga i tuan madi' opoko ala o endei da basale'!”

1 SAMUEL 8:11

“Sumo uuka de samian na tomundo nu belemiu mompalentahmo belemiu,” sumo uuka na i Samuel nontutuhakon. “Nupakisa na to ana-anak nu belemiu da bau suludadu; sambagian na aha opotimbali suludadu sumake' i kareta, sambagian bau suludadu monsake'i ajahan, ka' sambagian mule' bau suludadu lumajang tengke.