1 SAMUEL 22:14 - KITAB NU TUMPU ALLA LELE MA'IMAI'

¹⁴ Lantas tinaamanmo i Ahimelekh, “Panyo te ia misa' i Daud kapala nu suludadu nu belento Tomundo' anu mongkapalai suludadu anu talalo hondo tulu-tulutan. Ia monian nu belento Tomundo' ka' anu mongkapalai suludadu, anu monjagai belento Tomundo' ka' anu talalo hondo o angga'i nu mian iwi-iwi' i laigan nu belento Tomundo'.

1 SAMUEL 22:14 ပူးပေါင်းရင်းမြစ်များ

1 SAMUEL 17:25

“Toa aitumo mae na ia,” na koonyo nu aha samian ka'samian. “Potombihing na potataenyo mongewamo mae! I Saul tomundo' to nonjanji'mo tukoonyo ihe na mompatei i Goliat obee'i pontamboi manjoo' hondo'. Ka' mule' nu po'soakonmo tiba anaknyo lalangkoyang na mian aijo'. Ka' to utu-utus nu tuumanyo nu mian aijo' opobebasmo i hasin.”

1 SAMUEL 18:13

Sahingga madi'mo pinojoongnyo na i Daud i hi laigan nu tomundo', ka' ihangkatnyomo binau kapala nu suludadu hi aha mian anu samadala na suludadu. Tiba jalan anu sumo aijo' i Daud saja'mo nompalentah suludadunyo da mamba mahampate.

1 SAMUEL 20:32

Jadi tinaamanmo i Yonatan, “Kadaka' ia tionyo ahi' opateimo? Apaamo na dosa'nyo?”

1 SAMUEL 21:2

Tinaaman i Daud, “Aku binee'anmo sa'angu' na kalaja i tomundo' ka' madi' timbali osisik maumo pa' hihe na kalaja aijo'. Kalana aijo' suludadungku pinalentahngkumo da mamba montanda'i, i sa'angu' na tampat.

1 SAMUEL 22:13

I Saul nompokilawamo hi ia, “Kadaka' beleyum nosangaja'mo tiba i Daud mongewamo mae aku? Kadaka' binee'anmo nu beleyum mantu na ia roti tiba bajak ka' mule' beleyum nomoitamo pokinde' hi Tumpu Allah. Jadi ia tempo uuka mongewamo mau aku, me molio kasampatan nu pateimo mae na aku.”

1 SAMUEL 24:11

Uuka aiya posi belento Tomundo' nonsumbu'mo taalu' kiijo' i unonyo nu bolo' sabenannyo Tumpu nombee'mo belento Tomundo' hi belengku aiya. Aku sinale'anmo nu sala' samian da opateimo na belento Tomundo' panyo aku aiya madi' nontuluti. Tinaamanku tukoongku aku madi' mongka'oho' mombau anu ma'idek hi Tomundo'ku anu pinile'anmo nu Tumpu.

1 SAMUEL 25:28

Ampuniakon mae na kasala'anku. Nu potimbalije nu Tumpu na belento Tuanku tiba lee' nu belento timbali tomundo' hi aha Israel, kalana belento Tuanku mahampate mo da bau katalasanggoan nu Tumpu; ka' belento Tuanku madi' mombau anu ma'idek sampe toka sidu-sidutu' i uno nu kantumuu'an.

1 SAMUEL 26:23

Tumpu nombalakatimo mian anu tulu-tulutan tiba anu madi' tageo' na kinyonyoanyo. Kalana sinaa aiya Tumpu mombee'mo mae belento Tuanku hi belengku, panyo aku madi' mombau anu ma'idek hi belento Tomundo', tomundo' anu pinile'anmo nu Tumpu.