1 SAMUEL 21:7 - KITAB NU TUMPU ALLA LELE MA'IMAI'

⁷ Tempo'nyo aitu kakona kino i Do'eg mian nu aha Edom anu mongkapalai to pola-polaya' nu potuu'on i Saul suele kiijo' sinaa aitu, mombau apaa na anu nu palentahkon nu agama.)

1 SAMUEL 21:7 ပူးပေါင်းရင်းမြစ်များ

KAJADIAN 26:20

Panyo to pola-polaya' binatang anu kiijo' i Gerar pinainggagamo tiba to pola-polaya' binatang i Ishak. Aha notatae, “Uee aiya kami na tumpunyo.” Kalana aijo' i Ishak nonsanggohimo bubung haha aijo', “Painggagan.”

2 TAWARIKH 26:10

Ia mule' nompotinjomo laigan toto tangka-tangkas anu binentengan i da'erah padang, ka' nongkekemo manjoo' hondo na bubung kalana manjoo' na potuu'onnyo mau anu aita' mae i bungkutnyo kabai i hatanyo sasu kinsoban. Kalana ia nompalahatikan hondo anu mombau ale' sahingga ia nompokalajamo mian manjoo' hondo anu mombau ale' nu anggur i da'erah bungkutnyo, ka' mombau ale' i da'erah anu toto ma'o-ma'omuk.

YEHEZKIEL 33:31

Aha toka mae manjoo' hondo na mian ka' salaku mian anu palesayamo hi belengku, aha sumuhangmo mompotombihing potatae nu beleyum, panyo apaa na anu nu palentahkon nu beleyum madi' ahi' nu tuluti nu aha. Biwi nu aha montaloakon potatae mongka'ima'i panyo kinyonyoa nu aha na ola ahi' mompotutugakon mosia na mohumpak ka'untungan.

IMAMAT 22:10

Palasombahan anu samata-mata obee' hi beleng-Ku ola aha sa'anakan i imam aijo' na timbali mongkaan; mian sangga'at madi' timbali mau mule' mian aijo' jojoong sa'a-sa'angu'mo na laigan tiba imam aijo' kabai mian anu mongala tambo hi ia.

IMAMAT 22:13

Panyo anak boune nu imam anu binalumo kabai anu gina'atakonmo panyo madi' kino anak lantas ninsusule'mo i laigan nu tuumanyo ka' timbalimo tanggungannyo, timbalimo mongkaan bahagian nu tuumanyo. Ola posi aha sa'anakan i imam na timbali mongkaan anu sinombahkon aijo'.

IMAMAT 24:5

O'ala sampulu' ka' ohua' na kilogram na labu anu ma'ima' hondo ka' baumo sampulu' ka' ohua' na roti anu timpodon, toto sa'angu', sa'angu' na kilogram na labu'anu obau.

IMAMAT 24:8

De sinaamo nu Sabat tionyo ahi' ko roti anu osombahkon i uno nu Kemah nu Tumpu. Aijo'mo na anu saja' nubau nu aha bansa Israel sampe toka sidu-sidutu'.

AMOS 8:5

Belemiu notatae i posi butong nu belemiu, “Ibe na kinopinnyo na sinaa mombau lamean. Ku kahanda'i da lia-lia' opobaluk na gandumto, panyo lamean aijo' madi' sampa lapas. Hipian na sinaa nu Sabat lapasmo, da kita kahanda' mobaluk mule'? Kita mongka'ima'i mobaluk mompake jalan anu madi' ma'ima', ka' mongakali nu takalan ka' mongakali nu timbangan.

MATIUS 15:8

‘Sumo uuka na koonyo nu Tumpu: To mia-mian haha aijo' ola ahi' monsombah Aku nu potatae, panyo kinyonyoa nu aha majo'on lengkat hi beleng-Ku.

1 SAMUEL 11:5

Tempo'nyo aijo' i Saul salaje tinoka lengkat mae i ale' nomboa mae sapi'nyo. Ia nompokilawamo, “Apaamo uuka? Kadaka' iwi-iwi' na mian lewa'mo i humang?” Lantas pinoto'imo nu aha hi ia na lele anu binoa mae nu mian anu sinai mae lengkat i Yabesh.

1 SAMUEL 14:47

Salatan i Saul tinimbalimo tomundo' nu aha Israel, ia nahampatemo iyaya mae nongewa iwi-iwi' na sampo bali' nu aha Israel, aijo'mo mian nu aha Amon tiba mian nu aha Edom, to tomu-tomundo' nu aha lipu' Zoba ka' mian nu aha Filistin. Mau iya mae na pahampateannyo ia saja' mohumpak ka untungan na mahampate.

1 SAMUEL 21:8

Lapas aijo' pinokilawamo i Daud hi Ahimelekh, “Pa' belento Tuumangku daagi ko talombo' anu pino una' kabai bajak, anu timbali ku toong? Palentah i tomundo' kiijo' pinotolokengkengnyo mae, sahingga aku namba mae kinosia-sia' hondo mae ka' madi'mo kinotempo' nogogau nongala bajak kabai toongon sangga'at anu bau pahampate.”

1 SAMUEL 22:10

I Ahimelekh nompoitamo pokinde' hi Tumpu pa' apaa na anu tionyo ahi' nu bau i Daud. Ka' mule' i Daud binee'anmo mantu tiba bajak i Goliat, mian nu aha Filistin aijo'.”

1 SAMUEL 22:22

Sahingga notataemo na i Daud hi ia, “Salatan tinoangkumo na i Do'eg kiijo' mae i sinaa aitu, sinumbu' kumo tantu nu kalakmo hi Saul. Jadi to utu-utus nu beleyum anu sinilakamo akumo na montanggung jawapi.

1 SAMUEL 22:9

I Do'eg anu mongkapalai to pola-polaya' nu potuu'on i Saul, suele kiijo' tiba to kapa-kapala nu suludadu i Saul, lantas notataemo na i Do'eg, “Aku nontoamo i Daud nambamo hi Abimelekh anak i Ahitub kiijo' i Nob.