1 SAMUEL 20:42 - KITAB NU TUMPU ALLA LELE MA'IMAI'

⁴² Lapas aijo' notataemo na i Yonatan hi Daud, “O'amalakon da Tumpu Allah montulungi beleyum. Tumpu saja' mombee'i kahosonan kita tiba lee'to da saja' montoongi palajanjian nu kita ohua' i ahop nu Tumpu Allah.” Lapas aijo' nambamo na i Daud, ka' i Yonatan suele ninsusule'mo i kota.

1 SAMUEL 20:42 ပူးပေါင်းရင်းမြစ်များ

2 SAMUEL 9:1

Daagi kino sansinaan i Daud nolelekimo, “Pa' daagi ko anu tinumuu' na lee' mae i Saul? De pa' daagi aku ko kahanda' ma'ima' hi ia kalana aku monginau' i Yonatan.”

NOMBILANGMO 6:26

O amalakon da Tumpu mongkalibosi belemiu ka' mombee'i kadamean hi belemiu.

LUKAS 7:50

Panyo i Yesus notatae hi boune aijo', “Kalana beleyum palesaya hi beleng-Ku, beleyum oposalamat. Lako'mo ma'i-ma'ima'!”

SISIKON NU TO RASUL-RASUL 16:36

Kapala nu talungku' nompoto'iakon han aijo' hi Paulus. Ia notatae, “To Tuan-tuan, to pangka-pangkat pamalentah nombee'imo palentah da molapasakon to Tuan-tuan. Uuka aiya to Tuan-tuan timbalimo minsusule'. Higahi, i jalan!”

1 SAMUEL 1:17

Lantas notataemo na i Eli, “De sumo itina' pinsusule'mo ma'i-ma'ima'. O'amalakon da Tumpu Allah nu Israel mompopo ii'mo apaa na anu nu poita.”

1 SAMUEL 20:15

yo potoa mae na kanonongan nu beleyum hi lee'ku sampe toka sidu-sidutu'. Ka' de nupateimo nu Tumpu iwi-iwi' na sampo bali' nu beleyum,

1 SAMUEL 20:16

boli olapasakon na palajanjian nu kita ohua'. De olapasakonmo nuhukumo nu Tumpu na beleyum.”

1 SAMUEL 23:18

Lapas aijo' i Daud tiba i Yonatan nojanji'mo da mobela'mo totu-totu'u i ahop nu Tumpu. Lapas aijo' i Yonatan ninsusule'mo i laigannyo, panyo i Daud na tatataap ahi' jinojoongmo kiijo' i Hores.

1 SAMUEL 25:35

Lapas aijo' i Daud nongalamo apaa na anu binoa mae i Abigail lantas pinoto'inyomo hi ia, “Pinsusule'mo i laigan nu beleyum ka' bolimo bata-bata. Apaa na anu pinoitamo nu beleyum ku bee'je.”